Urang ranaih umo hu rilo jalan ngak 

        Di jabat Hội đồng bhap bini tỉnh Bến Tre, saai  Ngô Hoàng Giang hu rilo urang anit ranam kayua slut mbut , tari tarieng, abih hatai song bruk ngak. Abih di nyu nan lac urang jakar ni  bhian sahneng duah piah ba tabiak dom jalan ngak bahrau, dom sahneng duah bahrau dalam bruk ngak di jabat. 

Meng thun  2017, Jabat  Hội đồng bhpa bin  tỉnh Bến Tre hu pabak ka yaok urang  HĐ bhap bini  tỉnh sa  Ipad piah pasang iek harak tài liệu di mbang nyaom. Min bruk biểu quyết, brei panuac di mbang nyaom, abih gauk jeng daok ngak tui jalan yar tangin, abih rilo tukvak, jien ndua… Mboh hu bruk tavak tavaiy ni, nan ye saai  Ngô Hoàng Giang sahneng tal bruk roh duah, ngak tabiak phần mềm piah pandar ka bruk “biểu quyết meng Ipad”.  Hadei di 10 harei sahneng duah, urang jakar ni brei tabiak “ phần mềm biểu quyết meng  Ipad’. Tapa 1 bilan ba tabiak ngak, ramik veik pasiam, phần mềm biểu quyết meng  Ipad di saai  Ngô Hoàng Giang hu urang pal akaok  Hội đồng bhap bini tỉnh Bến Tre tong yaom biak glong song ba tame pandar dalam dom mbang nyaom.  Meng nan tal urak ni, di dom mbang nyaom, dom  urang HĐ bhap bini  tỉnh Bến Tre tuk biểu quyết tok ngak angaok Ipad. Anak meta mboh lac, bruk ngak nan meng ipad biak lagaih, samar drah, cambaih laih, abih takik tuk vak, jien ndua, song urang biểu quyết pasang iek hu bruk nan chip. Ong Nguyễn Văn Chính, Chánh Văn Phòng Hội đồng bhap bini tỉnh Bến Tre brei thau,  tapa rilo mbang nyaom, phần mếm biểu quyết meng Ipad  ngak bruk biak siam, kein lagaih glong :

      "Phần mềm biểu quyết meng  Ipad salih ka bruk drei buh pok jien biak prong, yaok pataom oh tantu, hadei di tuk saai Giang vak  phần mềm nan  gam patak pataom hu jien gam khik hu tantu cambaih laih. Abih di nyu nan lac  bruk biểu quyết tuk hu bruk hagait tế nhị bo khol drei yar tangin, plaik phiếu kanduah ye oh lagaih, tuk drei ngak meng  Ipad ye siam jang”. 

Jeng tui ong Nguyễn Văn Chính, urak ni, phần mềm pandar ni hu dom urang ngak tabiak ieu pablei angaok   mạng hu yaom mangaok mala 1 tỷ đồng. Hội đồng bhap bini di dom  tỉnh dalam bhum  hu pah  dom  chuyên gia vak  phần mềm ni abih labaih 1 tỷ meteh.  Hu Cty di Quận 3, ban raya  Hồ Chí Minh brei pah phần mềm biểu quyết yaom meng  15-20 triệu đồng. Ndom ka bruk sahneng duah, ngak tabiak phần mền duh ka mbang nyaom  HĐ bhap bini tỉnh Bến Tre, saai Ngô Hoàng Giang khan lac:

"Sahneng tabiak meng bruk anak mete di jabat  song mboh lac bruk patabiak harak tài liệu biak prong gam abih jien ndua, tukvak di đại biểu song bruk pabak khaw tin ka urang biak suai lavik .  Meng nan , drei saheng tabiak njauk vak  ứng dụng nan piah  pabak khaw  tin song piah hu siam mekre tuk biểu quyết. Tuk camereip jeng kan kandah min drei hu sahneng duah, bac megru meng adei saai đồng nghiệp song duah thau angaok  mạng”.

Piah pacang caga jit covid-19, bahrau ni saai  Ngô Hoàng Giang dok sahneng duah ngak tabiak tu pametai anek ruak, dalam tu hu gom  pasang tabiak  tia cực tím. Tu pametai anek ruak hu caik anak Jabat  HĐ bhap bini tỉnh piah dom urang jakar, urang ngak bruk karja caik dom harak gar tame piah pametai anek ruak pacang caga jit ruak.  Meng bac megru saong hu ilamu  dalam gah công nghệ thông tin, tukvak ngak bruk di  Balik hành chính- Tổ chức di jabat  Hội đồng bhap bini  tỉnh Bến Tre, saai  Hoàng Giang biak kham merat sahneng duah, salih bahrau ilamu kỹ thuật,  pasiam jamriak  di jabat duh ka bruk ngak, rik dong salih  bahrau hành chính, patak pataom jien ndua , tukvak di jabat ni

Urak ni saai dok hu hatai caong roh duah, peih ngak dom  ứng dụng  công nghệ khaw tin tame bruk bngak di jabat, abih di nyu nan lac  bruk ngak di dom mbang nyaom  Hội đồng bhap bini, bruk taom gaok ndom nyai nao mai di cử tri song urang  HĐ bhap bini tui jalan online, piah patrun tukvak, patak pataom hu jien ndua bo siam lagaih di bruk ngak hu patagok./.

Urang lang: Hanipha- 31/5