Bến Tre : dom trieu phu la - u xiem

Bein la-u di ong  Lương Bá Hiếu di ấp Thạnh Hựu, xã Tam Phước, huyện Châu Thành  praong tal 2,2 ha , hu thun praong jaik 10 thun. Dalam bein ini, ong Hiếu pala jaik 700 phun la-u, hu la u xiem hijao saong xiem lục, daok tabiak rilo baoh. Ini lac dua janih la-u mek ia biak hu yaom. Di tukvak ini, yaom la-u xiem tagok tal labaih 80.000 đồng /sa chục ( 12 baoh). Ông Lương Quốc Hiếu brei thau, yaok bilan bein la-u xiem di ong paik baoh sa mbang. Yaok mbang paik hu meng  8.000 tal 10.000 baoh, ba jien tame labaih 40 triệu đồng. Tui urang nong ini, piah pala la-u jeng ye la-u xiem, urang ngak bein brei ngak njauk dom quy trình ky thuat, dahlau di abih lac buh khak, pruh jru caga halak halin. Tui nan, ong pala phun atah di gauk 6 mét; yaok thun buh khak 6 mbang. Bilan pandiak njauk bơm ia tame ribaong ka la-u oh kurang ia ba tal trun nang suat. Tui ong Hiếu, pala hu phun la-u tabiak baoh lahik rilo tukvak, pren yava saong jien dau tu, yau nan ye urang ngak bein njauk kham merat khik caga : Phun la-u xiêm ini, siam halei ô meng buh khak, drei pasang iek nyu, buh khak jauk quy trinh ye nyu samal cakrok. Langiu di nan, drei njauk pasang iek dahlau di abih lac bọ li-u, hadei di nan lac đuông li-u. Drei njauk tui iek yaok phun, dom bẹ hala mboh laik, bị nhen la-u laik trun ye drei njauk xịt tame phun la-u. Dahlak mboh lac, tuk pruh jru tame ye đuông la- u oh mbang, dom phun oh pruh ye nyu mbang tame.

 Meng ngak siam tui ilamu kỹ thuật, nan ye bein la-u di ông Lương Bá Hiếu tok hadei di 3 thun pala ye nyu tabiak baoh. Tuk halei di angaok jhung la-u jeng hu 2 tal 3 maong la-u.

 Abih di nyu nan lac, dom phun la –u di beir ini oh metai kayua bọ atau đuông la-u kaik palai; phun tabiak baok rilo, paik baok hu luac thun. Kayua kak kajap saong beir la –u xiem bo raidiuk sang urang nong ini biak laneng lahơi.

Daok ong Lương Phát Minh daok di ấp Thạnh Hựu, xã Tam Phước jeng hu thau angan lac trieu phu miệt vườn ngan saong mo hinh pala la – u xiem. Ông Minh brei thau, sang hu 1 ha 6 taneh beir. Dahlau thiah ong ngak beir nduac tui “ phong trào” hu tapa dom janih phun ye : la-u thu – darang, kruac aik…hadei di nan, ong kham merat pala la – u xiem brei ka bruk giải khát saong pablei tabiak taneh ia langiu. Urak ini, beir la – u di ông hu labaih 500 phun la – u xiem praong 12 thun, daok dalam tukvak tabiak baok. Yaok bilan, beir la – u di urang nong ini paik sa mbang, hu jaik 3000 baok, mek jien tame hu 15 trieu dong. Piah ngak hu bruk pala la – u xiem, ong jeng roh duah saong ngak njauk dom quy trinh ky thuat. Dalam nan sangka pruh jru hỗn hợp gam caga halak bọ gam ngak ka baoh takik truh, samal praong. Yau nan ye bo bein la-u xiem ini baoh biak praong, samu gauk…urang blei mai blei hu yaom glaong. Yaok bilan, urang blei mai tal beir sang ong piah blei. Langiu bruk pablei la-u that, urang nong ini daok ruah dom maong la-u siam piah ngak pajaih pablei ka bhapbini caong khin pala la-u. Kayua pajiah siam,  nan ye ong oh ginup la – u pajaih piah pablei ka darak pasal. Min, tui ong Minh pajaih la – u di Bến Tre urak ini oh ka hu rilo janih. Sang beir tok pala dom pajaih mengkan, yau nan ye caong khin gah chuc nang njauk duah pataom, lai tao rilo pajaih la – u barau gam hu nang suat saong chat luong glaong jang. Ong Minh lac : Urak ini duah pajaih them, dom janih siam yau blei mengThai Lan atau dom taneh ia hu pajaih siam. Drei blei tame ka bhapnini piah urang patagok dak harei dak rilo, drei oh cục bộ, bhapbini Bến Tre tok hu pajaih la – u dom pluh thun dahlau. Hu nde nan pala trun pala tagok. Drei takre ngak habal mek dom pajaih taneh ia langiu mai ka pajaih taneh ia drei rilo jang.

       Tui 2 po beir la – u xiem nan brei thau, duk saong pala la –u mek baok thu ye la – u xiem brei jien tame biak tani tanat. Jaik di ini, di tỉnh Bến Tra hu brei rilo cơ sở pablei salih, doanh nghiep blei baok la – u that piah ba tame hộp pablei tabiak taneh ia langiu, yau nan ye yaom glaong. Dalam beir la – u xiem, sang beir meda pandar piah raong menuk, raong ikan ala ribaong la – u atau pala phun ca cao, pala patei atau ngak mo hinh du lich sinh thai…Langiu bruk pablei la – u that, po beir daok caik dom maong la – u baok siam piah ngak pajaih pablei ka bhapbini puk palei caong khin pala la – u. Taong yaom ka kein laba di bruk pala la – u piah pablei di ong Lương Bá Hiếu saong Lương Phát Minh, ông Huỳnh Chí Hồng Quân, akaok kapul urang nong xã Tam Phước lac : dua urang nong Lương Bá Hiếu saong Lương Phát Minh pala la –u xiêm năng suất biak glaong. Dua urang nong ini langiu alamu daok hu mbaok tame bruk kapul, nyom. Kol dahlak hu tacei pato ky thuat pala saong glang iek. Dua mo hinh ini praong di puk palei, kein lab glaong. Yaok mbang, dua urang nong paik hu meng 2 thiên la-u tagok.

Uy mban bhapbini xã Tam Phước, huyện Châu Thành, tỉnh Bến Tre  brei thau, dalam xã hu 700 ha la – u; dalam nan hu 40% beir la – u xiem. Jaik di ini, rilo urang pala la – u saong la – u xiem di puk palei jeng hu raidiuk tani tanat. Dalam nan, bruk pala la – u xiem di ong Lương Bá Hiếu saong  Lương Phát Minh di ấp Thạnh Hựu lac điển hình, ba jien tame glaong./.