-Tapa 2 thun peih ngak danakdak “Đồng Khởi- padang mbang ngui saong patagok doanh nghiệp” ngan saong rilo danakdak, bruk ngak cambaih laih, tỉnh Bến Tre hu padang bahrau jaik 900 doanh nghiệp, daong phun jien, kỹ thuật, ba bruk ngak daong ka labaih 4.100 sang patruh kathaot; patrun sang kathaot hu 1,5% yaok thun.  Bến Tre daok ieu pataom hu labaih 11.800 sang tame Đề án parilo jalan ngak mbang, patruh kathaot khang kajap tukvak 2016-2020; saong daok tabiak mbaok hu “kalup kapul doanh nghiệp ba akaok; kalup kapul urang nong tỉ phú”, hợp tác xã dịch vụ kaya nong an toàn Bến Tre.

-Tỉnh Bến Tre hu padang 774 dự án piah daong phun jien ngan saong jien daong padang mbang ngui abih tih labaih 800 tỷ đồng. Meng danakdak “ Đồng khởi- padang mbang ngui” hu mboh rilo mô hình, doanh nghiệp ngak mbang pablei salih barau, hu jalan patagok. Yau ye bruk padang mbang ngui di saai Huỳnh Thanh Tâm, urang likei daok di ban sit Châu Thành, huyện Châu Thành. Thun 2016, saai Huỳnh Thanh Tâm hu Tỉnh Đoàn Bến Tre daong 50 triệu đồng piah peih ngak Dự án padang mbang ngui “ Li-u Phú Quý- Bến Tre. Meng dự án ini, saai ngak hu 2.000 baoh pablei di tuk tết cổ truyền ngan saong yaom meng 300-500 rabau sa baoh, yaom tagok jang yaok pluh mbang duk saong baoh la-u thường; saong daok ngak 4000 baoh la-u hồ lô pablei tapa Châu Âu. Urak ini, saai Huỳnh Thanh Tâm hu padang doanh nghiệp baoh kayau mbeik thoat binguk saong meda cih akhar, cih thaot angaok rilo janih baoh kayau karei hu yaom glaong. Ndom ka bruk sarak akhar, ngak thaot baoh kayau, saai Huỳnh Thanh Tâm khan lac: Urak ini, dahlak daok pambuak bruk saong rilo sang bein piah ngak tbaiak rilo pandap piah pabak ka darak pasal. Dom thun tal, tuk pandap ginup, drei ngak tabiak rilo ye pablei tabiak taneh ia lingiu. Kayua thun ini hu rilo urang mai đặt blei pandap payua tapa taneh ia lingiu piah alin.

-Bilan 3 thun diah, xã đoàn Tân Phú, huyện Châu Thành padang kapul pambuak gauk ngak phun Đinh lăng, ngan saong 11 urang tuk camereip piah padang mbang ngui. Tal urak ini kapul hu pala angaok taneh di yaok pluh urang đoàn, dam dara saong gam urang nong pataom tame. Yaom lac ngak takik taneh, phun jien, pren ngak oh rilo min hu doanh nghiep blei abih saong yaom tani tanat nan ye yaok thun urang pala phun ini jeng hu jien mek tame meng 10 triệu tal dom pluh triệu đồng. Ông Trần Hoàng Liêm, akaok uy mban bhapbini xã Tân Phú brei thau: Thau lac mo hinh ini padang mbang ngui biak siam, Đoàn dam dara patabik bruk ngak biak khang. Đoàn dam dara hu mboah tangin pambuak bruk saong công ty blei 3 thun, blei abih pandap ngak tabiak. Pandap ini daong ka urang đoàn, damadra kathaot, patagok jien mek tame biak siam dalam tuk patagok kinh te di puk palei. Mikva pandar dom taneh saoh –bilau pala hu phun ini biak siam.

 -Urak ini, danakdak “Đồng khởi- padang mbang ngui " saong  "patagok doanh nghiệp” daok hu tỉnh Bến Tre jhul khang, pambak praong, kham merat tal thun 2020 padang barau takik abih 1.500 doanh nghiệp, daong jaik 16.000 sang patruh kathaot khang kajap, patrun  sang kathaot dalam tỉnh daok ala 5,5%. Piah ngak hu bruk nan, tỉnh daok brei ngak pakhang hệ sinh thái khởi nghiệp, dalam nan pataom tame bruk pathau khan, pato pakai, pasram megru piah padang dom doanh nghiệp ba akaok, salih bahrau gah hành chính, patabiak dom sarak lagaih, pambuak pagam dom gah jien padai piah padang kadung jien padang mbang ngui di tỉnh hu 50 tỷ đồng; ieu đầu tư patagok dom khu, cụm công nghiệp hu quy hoạch bloh.  Ông Phan Văn Mãi, Phó Bí thư thường trực Tỉnh ủy Bến Tre,  lac: Ngak habal piah hu bruk đầu tư ngak mbang mbuan lagaih di abih ka padang mbang ngui saong patagok doanh nghiệp. Tui nan, bruk salih bahrau hành chính, paglaong chất lượng công vụ dom jabat hành chính, paglaong chất lượng dom libik daong padang mbang ngui. Peih ngak ginup dom sarak di TW ka daong padang mbang ngui saong patagok doanh nghiệp. Lingiu di nan, tỉnh jeng patabik dom sarak piah gam jhul samar gam ngak jeng labik khang kajap ka padang mbang ngui saong patagok doanh nghiệp.

-Meda ndom lac, meng dom takai yam sáng tạo, njauk jalan tui kadha patagok bruk “ đồng khởi” di bhum palei cách mạng, tỉnh Bến Tra hu ba danakdak đồng khởi padang mbang ngui saong patagok doanh nghiep tame ngak njauk bruk. Tapa nan, rik daong patagok kinh te – xa hoi di palei la-u, patagok bruk “ đồng khởi” nao dahlau di taneh ia./.