Urang lin hu ba ia nao brei mikva bhum tua riya

  Mehit lac hu bol lin ba ia mai, meng subuh page mikva hu mbaok piah cang mek ia taba meng tapon nyom bol pan phao kraong Quân khu 9. Oh lac ba ia taba mai ka mikva bhum daok gaok kan kandah, ngan saong dom baoh sang daok sa drei, oh mai mek ia hu, dom urang jakar, urang lin hu ba ia nao brei tal sang ka dom baoh sang nan.

Baoh sang sa-ai Võ Văn Ba Đen, xã An Đức, huyện Ba Tri, tỉnh Bến Tre hu urang jakar, urang lin ba ia taba mai tal sang. Sa-ai Đen brei thau, sa-ai bhian ruak kik, daok haong amaik taha, tuk mehit lac tapon nyom bol pan phao kraong Quân khu 9 ba ia mai ka mikva, min kayua prein yawa oh khang yau nan ye urang jakar, urang lin daong ba ia mai tal sang. Sa-ai Võ Văn Ba Đen khan lac:“Var ini hu brei ia taba mikva labik ini uan tabuan ralo, dom harei ini mai njom ia mbak, kurang ia njauk nao duah likau, urak ini hu dom sa-ai ba ia mai biak tahu dhar phol.”

Piah pajeng hu rilo ia taba brei ka mikva, dom urang jakar, urang lin Cục Hậu cần, Quân khu 9 brei pajeng ia tui jalan kraong ribaong meng Cần Thơ, Vĩnh Long tapa dom huyện, xã di tỉnh Bến Tre. Jalan pajeng ba ia gaok biak rilo kan kandah kayua labik ini hu rilo kambon cuah; piah ba ia tame hu, njauk nao tapa rilo ribong sit, meyah oh tani tanat ye gaiy mbuan tavak tame kaoh. Yaom lac kan kandah yau nan, min yaok urang jakar, urang lin thau lac, bruk hu mbaok di drei dalam tuk bhap bini kan kandah kurang ia taba piah pandar oh lac bruk ngak, saong daok lac hatai ranam, lac trach nhiem di bol lin ngan saong bhap bini.

Đại úy Nguyễn Văn Thăng, Phó Tham mưu trưởng Trung đoàn vận tải 659, Cục Hậu cần, Quân khu 9 brei thau, anak bruk kurang ia taba pandar di mikva dalam tỉnh Bến Tre, Cục Hậu cần hu tacei Trung đoàn hu jalan ngak saong samar ba ia taba nao brei ka mikva tỉnh Bến Tre, ia hu pajeng meng Cần Thơ tal Bến Tre. Dalam tuk ba brei ia hacih, urang jakar, chiến sĩ daok hu pathau khan bhap bini padang ia, paandar ia patak pataom saong jak ba urang dalam tỉnh buh jien padang ngak cong trình padang ia piah mikva pandar tuk tua riya, njom ia mbak daok rah tabiak khang:“ Ba tabiak jalan ngak, jao bruk ngak saong thau dom labik jao - mek ia di bản đồ. Duah thau ka jalan pajeng ba saong thau cambaih tukvak ia ndik pambuak bruk saong karja palei piah ngak habar plaih nyiak dom mbon cuah, piah ba ia taba hu tal bhap bini samar drah di abih.”

Cục Hậu cần, Quân khu 9 hu rilo mbang pajeng ba ia taba hacih sa-at  ka bhap bini  jaik 1000 met khoi ia ka dom huyện Ba Tri, Mỏ Cày Bắc, Châu Thành saong Giồng Trôm di tỉnh Bến Tre.

Ong Mai Hoàng Nhân, Phó Akok UB bhap bini huyện Mỏ Cày Bắc, tỉnh Bến Tre khan lac, bruk sa tangin takai daong  klah rabha kan kandah di dom đơn vị Quân khu 9 lac bruk pachreih ba praong, rik daong ka bhap bini, karja dom palei yam tapa tukvak kan kandah di bilan bhang tua riya, njom ia mbak khang: “Tuk mikva gaok  kan kandah ye hu Quân khu 9 daong, brei mboh hatai anit ranam pambuak talei rohim Bol lin saong bhap bini yau ikan saong ia, daong gauk yam tapa kan kandah, piah ka raidiuk di mikva hu siam jang.”

Hadei tuk gaiy kapal pajeng ia tame bhum tua riya, njom ia mbak, dom sruh radaih pajeng ia taba haci hacih dak tui gauk luac melam hu mai tal mikva bhum tua riya, njom ia mbak, yaok ribau baoh sang hu daong patrun patakik kan kandah dalam raidiuk. Tapa nan, kak kajap jang talei rohim di bol lin saong bhap bini dalam tukvak birau./.

Urang lang: Aí Nghiêm  13/4/2020