Hu mbaok di sang megik Masjid Anwar phường 1, quận 8, ban raya  Hồ Chí Minh dalam tuk sambahyang di mikva chăm Islam, kol dahlak meng thau sang megik nyu hu yaom glaong yau habar ngan saong yaok urang chăm Islam. Yaok rituh urang Islam daok di labik ini pataom gauk mai piah pang ong Na-íp lang Kô-ran jeng yau dom adat hukum di Islam. Di labik ini, mikva chăm Islam daok hu pang ong Haji Kim Sô – hakim  Ban Quản trị sang megik Anwar, quận 8, ban raya Hồ Chí Minh pathau khan dom sarak, hukum di Đảng saong karja ka tự do agama, tín ngưỡng jeng yau jak ba mikva diuk rai siam ka dunya, mekre ka agama, oh pang tui panuac pacuh pajarak di kol kanjah cagar veik karja. Tapa dom mbang yau nan, mikva chăm labik ini thau hu bruk njauk, bruk sung, bloh meng nan gam ba tangin, ba pren yava tame saong karja dak padang, patagok kinh tế baoh sang, rik daong khik kajap an ninh chính trị  saong trật tự an toàn XH di puk palei. Saai Mách Aly, sa urang chăm daok di phường 1, quận 8 brei thau:

 Sap Chăm 

Tukvak tapa, hu bruk sangka di dom pakat karja, abih di nyu nan lac bruk kham merat, abih hatai jai di gah công an gam saong ban quản trị sang megik Anwar bhian peih bruk pathau khan, jak ba, daong ka mikva thau jalan njauk jalan sung saong meng nan kham merat ngak mbang, patagok KT baoh sang. Ong Haji Kim Sô brei thau, akaok sahneng di rilo urang chăm labik ini daok biar, rai diuk daok gaok ralo kan kandah, pagam pambak tame bruk ini, kol phản động bhian duah tal jak ba mikva tame dom bruk ngak sung hukum. Bo bahrau abih lac bruk Formosa ngak ikan metai ralo di dom tỉnh bhum kreih negar. Kol kanjah jhak hu mai duah dom dam dara chăm, dom urang nao ngak hồ di quận, huyện karei, brei jien 300, 400 ribau đồng piah hu mbaok tame kapul nao trun jalan. Mek makna lac ikan metai ralo, urang oh hu ikan mbang bloh jeng metai… Tuk thau hu bruk ini, ong hakim saong dom urang dalam ban quản trị sang megik Anwar hu nao tal yaok sang piah pathau khan, langyah ka mikva thau bruk sung, bruk njauk. Ong Hakem Kim Sô lac:

Sap Chăm

Bhap bini Chăm ban raya HCM urak ini hu jaik 7.000 urang, daok di 16 khu vực, pataom ralo di abih lac quận 8, Phú Nhuận, Bình Thạnh saong quận 6… Dalam dom thun tapa, bhap bini Chăm ban raya HCM tuk halei jeng patagok bruk jum pataom, tui jalan “siam ka dunya – mekre ka agama”, ngak siam adat hukum, kham merat khik kajap an ninh trật tự di puk palei. Saai Arafat - Phaok Ban Quản trị sang megik Nurul Islam, phường 17, quận Bình Thạnh brei thau, mikva chăm labik ini diuk rai biak jum pataom, kham merat pachreih tui saong hu mbaok tame dom bruk pakacah gauk anit ranam taneh ia, dom bruk jak ba kayua puk palei peih tabiak. Mikva chăm hu mbaok tame dak harei dak ralo ka bruk kapul nyaom yau: saai Du số ngak tổ trưởng tổ 66, khu phố 4, phường 17; saai Salimah lac Tổ trưởng tổ 60, khu phố 4, phường 17; adei Sakina lac Bí thư Đoàn phường 17, quận Bình Thạnh… dom urang nan, lac talei pambuak bruk di bhap bini chăm saong karja labik ini. Meyah hu bruk hagait rah tabiak di khu vực mikva chăm daok saong ngak mbang ye urang hu mbaok chip, gam saong karja langyah tal labik tal dhua. Saai Arafat daok brei thau lac:

Sap Chăm

Piah ka dom jamaah hu ralo bhap bini chăm dalam ban raya HCM hu sron mbon yau harei ini, langiu bruk kham merat di gah công an dalam bruk khik caga an ninh trật tự ye daok hu bruk rik daong oh sit di dom urang dalam dom ban quản trị sang megik. Dom urang nan, daok kham merat jak ba yaok urang dalam jamaah, ngak njauk tui sarak di Đảng, hukum di karja; tuk halei jeng diuk rai siam ka dunya,mekre ka agama, rik daong khik kajap an ninh trật tự di puk palei.  

Ông Ngô Văn Triển – Trưởng Ban Dân tộc Thành phố Hồ Chí Minh nói:

“Ngak habar brei khik hu siam mekre rai diuk di bhap bini. Pataom tame paglaong bruk ngak, dân trí jeng yau khik kajap dom an sinh XH piah daong ka bhap bini bangsa takik abih di nyu nan lac bhap bini Chăm daok gaok ralo kan kandah. Piah ngak yau habar tui dil bhap bini Kinh jeng yau dom bangsa karei. Ngak yau habar ka ban raya kol drei ngan saong khẩu hiệu jum pataom, bình đẳng, daong ba gauk saong hu trách nhiệm piah dak padang ban raya hiện đại, văn minh, nghĩa tình”.