Ngan saong bhap bini Chăm daok di palei La-u, xã Phước Nam, huyện Thuận Nam, tỉnh Ninh Thuận, tết hu peih akaok meng jabat ngak bruk di palei – sang palei. Ini lac tết piah hadar tal muk kei, but pajaih, gauk gar urang metai bloh, hu buh pren yava ka puk palei, oh ka hu tết di sang palei  ye tết oh hu makna hagait. Tui bruk di yaok baoh sang, yaok buat pajaih uan rok tết, min njauk gauk uan rok tết dalam dua harei, meng harei 24 tal harei 25 bilan mat. Pandap piah rok tết di sang palei jeng mbuan, lac pandap hu di sang; baoh sang halei hu gauk gar metai hu buh pren yava ka puk palei ye ba tui ahar, nan lac ahar truyền thống, baoh kayau. Daok bhap bini dalam palei ye rik daong dua dri menuk, brah, alak, ahar baoh kayau… Bahrau nao tết di sang palei mai, chreih chrai rok tuai tame sang, amuk Thị Trinh thun ini umo 70 thun, daok di palei Phước Lập, xã Phước Nam, huyện Thuận Nam, tỉnh Ninh Thuận brei thau:

Sap Chăm

Hadei meng tết di sang palei, dom baoh sang uan rok tết ka sang drei. Pandap paling dalam dom harei tết di sang biak mbuan: hu patei, baoh kayau, peynung, ralo menuk… piah pok paling muk kei saong likau ka sa thun barau gaok ralo patuah jamo. Ong Ngân Cẩm, urang hu angan je dalam bhap bini Chăm palei Phước Lập khan lac:

Sap Chăm

Tết di sang bui sambai lô, tal harei 1 bingun, 2 bingun tuk tame tết di bangsa Kinh ngan saong bruk nao rivang ong muk gah amaik gam ame, ye bhap bini Chăm palei Phước Lập hu pataom gauk me-in dom kadha meng kan yau: dui brak, jhul gai, ndua buk ia…. Dom kadha me-in biak đơn giản, min tuk halei jeng pachreih hu bruk sangka, hu mbaok tame me-in di bhap bini yau peih akaok, salam uan sa thun siam mekre. Từ Nữ Kim Hoàng, Bí thư chi đoàn dama dara palei Phước Lập brei thau:

Sap Chăm

Palei Phước Lập hu 477 baoh sang saong 2.552 menuac. Thun ini, yaom lac pandiak bhang dui atah, ribuk ia sua… ngak kan kandah tal rai diuk saong bruk pala drak di bhap bini dalam tỉnh Ninh Thuận jeng yau bhap bini Chăm, min meng hu bruk sangka, daong ba chip di TƯ saong dom jalan ngak piah pacang cakak pandiak bhang di tỉnh, nan ye rai diuk mikva hu tani tanat. Mikva bui sambai uan rok tết dalam praong prang. Ndom ka adat cambat uan rok tết di urang Chăm daok di Phước Lập, ong Phú Minh Tâm, Bí thư chi bộ palei brei thau:

Sap Chăm

Thun bahrau tal mai, caik veik sa gah dom jar var di rai diuk, dom harei bilan ngak bruk glah glar angaok hamu, dalam puh, urang chăm Phước Lập ba gauk uan rok tết tui jalan karei di dri. Mikva uan rok tết dalam chreih chrai tuk dom ilamu di bangsa drei oh lahik nao bo daok hu khik ramik saong patagok, abih di nyu nan lac rai ranaih umo./.