Urang bangsa takik peih bruk pakacah ghe ngo song gauk 

Di Trà Vinh, bhap bini dom bangsa dong gauk meng dom bruk sit yaok harei mbiah tal bruk di puk palei yau: ngak jalan, padang sang bac, padang kadung jien pachreih bac v.v... hei hu jien rilo dong rilo, hei hu takik dong takik song abih gauk hu mbang tui meng dom danak dak nan.Dalam nan njauk ndom tal bruk brei nyim jien oh kuhria bala piah pablei salih, ngak mbang, brei nyim phun pajaih, anek pajaih atau brei nyim taneh piah patagok  kinh tế boh sang.Pagap yau sang ong Đặng Văn Hùng daok di  xã Thạnh Hòa Sơn, huyện Cầu Ngang, sang hu labaih pluh  công taneh, min dom anek ong jeng tui bruk pato bac, ngak bác sĩ, urang pablei salih  yau nan ye oh hu hei ngak. Duik pasang ong brei ka mik va kathaot dalam palei nyim taneh  piah pala njam patam, yaok thun sang ong muk tok ngak sa vụ padai.

“Hulin hu dom mblang taneh brei ka mik va nyim pala  ratak laow. Di pak ni hu rilo bangsa, drei ngak oh abih, ye drei rabha meneing ka mik va ngak.  . Dahlau deih ngak padai sa  vụ 6 bilan sa mbang, urak ni lac, labaih  3 bilan. Hulin jeng nyim puk paga  buh khak, pruh jru… Meng hu yau nan jeng takik glaih, ngak jeng hu bala”.

Tal tuk rija roya, mik va pak ni tadhau ayuh gauk, brei pandap ka gauk. Harei Chôl-chnăm-Thmây ye mik va Khmer ba har  mai alin brei  mik va urang Kinh, urang Laow... Tal Tết Nguyên đán ye mik va urang Kinh, urang  Laow hu daa mik va  Khmer mbang huak. Talei rohim dak harei dak kajap, bruk pambuak talei  ilamu  di dom bangsa dok pak ni jeng biak karei. Dom rija roya  yau Ok-om-bok, tết nguyên đán, đoan ngọ, thanh minh, trung thu…,mik va dom bangsa jeng hu mbaok.

Piah patagok bruk jum pataom, tỉnh Trà Vinh tuk halei jeng iek bruk peih ngak sarak bangsa lac sa dalam dom bruk dang akaok di tỉnh.Tuk vak  2010- 2020, tỉnh batabiak tanut patrun boh sang kathaot urang bangsa yaok thun meng  3-4%.Tui nan, langui di bruk peih ngak siam dom sarak kayua Trung ương patabiak,Tỉnh ủy Trà Vinh dok hu patabiak dom sarak piah patagok tong abih bhum bhap bini bangsa Khmer. 

  Abih di nyu nan lac, tapa 10 thun peih bruk padang ngak palei pala bahrau,  rilo puk palei  hu rilo urang bangsa  Khmer dok jeng mek hu tanut Palei pala bahrau saong palei pala bahrau paglong biak samar.Pagap yau xã palei pala bahrau paglaong  Phú Cần, huyện Tiểu Cần lac 1 dalam 2 xã camereip di Trà Vinh hu pok brei angan lac  xã palei pala bahrau paglaong hu  labaih  62% lac bhap bini Khmer; 2 dalam 3 pakat huyện hu brei angan tanut chuẩn palei pala bahrau lac  Tiểu Cần song Cầu Kè jeng hu urang Khmer meng  30% tagok. Ong Lê Văn Hẳn, akaok UBND tỉnh Trà Vinh ndom lac mek hu siam mekre njauk bui sambai nan, lac kayua mik va bangsa bhian ngak siam sarak di Đảng hukum di karja, jum pataom gauk, abih hatai dong brei ka gauk :

 “Di  Trà Vinh hu urang  Khmer biak rilo, rilo  xã hu labaih  80% urang Khmer. Dom xã ni mik va ngak biak siam sarak di  Đảng song hukum di karja, mik va bhain hu mbaok tame dom bruk jak ba di puk palei ”.

Tuk rai duik mbang ngui, ilamu hatai sahneng di mik va hu patagok, dom ilamu bangsa dak harei dak hu patagok, khik ramik . Urak ni, Trà Vinh hu 143 baha Khmer, meblah 1 dalam 3 boh baha Khmer dalam negar,dalam nan hu 12 boh baha hu dak anganm tame inem krung pakat tỉnh song pakat negar.Rilo boh baha hu buh jien ngak  bahrau, pasiam veik.Pagap yau baha  Âng -  sa dalam dom baha klak di tỉnh hu rmik ngak veik saong yaom jien abih labaih 20 tỷ đồng song dok kuhria pasiam veik ngôi chánh điện baha  Kom- pong, inem krung kiến trúc nghệ thuật pakat negar song yaom jien tui kuhria lac  40 tỷ đồng.Dom baha dok hu dong jien ngak gaiy Ngo,alat ragu meng kan; harak tapuk bộ kinh Tam tạng…hu yaom yaok pluh tỷ đồng.Meng hu yau nan, dom ilamu siam mekre meng kan di mik va oh lahik nao, bo dok hu patagok.

Sarak nyaom roya Đảng bộ tỉnh Trà Vinh bahrau ni tacei lac sa dalam dom jalan jhul kinh tế patagok khang kajap, lingiu di bruk ieu pataom dom pren khang, tỉnh brei pambuak bruk  patagok kinh tế hong khik ramik song paragok ilamu dom bangsa.Bhap bini dom bangsa dalam tỉnh daok patagok bruk jum pataom gauk, pakacah gauk ngak mbang piah yam tagok ngak kaya meda, rik dong song karja dak padang palei negar dak harei dak kaya meda siam mekre./.

Urang lang: Hanipha- 18/11