Dom thun jaik di ini, bruk pala bimao di ban Đà Nẵng hu ba mai kein laba glaong ka mikva urang nong. Meng pala bimao, yaok riyuh baoh sang hu yam tabiak truh kathaot, daong hu bruk ngak ka urang nong dalam palei tuk lahaiy. Urang vak di rayo sap ndom VN daok di bhum kreh negar hu kadha vak brei thau ka bruk ini.

Ong Nguyễn Văn Nhi, akaok HTX bimao Nhơn Phước di xã Hòa Nhơn, huyện Hòa Vang, bal Đà Nẵng brei thau: bruk pala bimao phun jien biar, takik glaih glar jang dut haong dom bruk ngak karei. Ngan haong 6 ribau bịch bimao, yaok harei ong Nhi pablei tabiak darak pasar meng 50 tal 60  kg bimao pong, yaom meng 40 tal 50 ribau đồng 1kg. Dalam dom harei lễ, harei aia bulan bak baoh, yaom bimao tagok meng 70 tal 100 ribau đồng sa kg; daok bimao linh chi, yaom pablei meng 1,2 triệu đồng 1kg. Kaoh bloh phun jien buh tame, ong Nhi laba hu jaik 100 triệu đồng sa thun. Ong Nguyễn Văn Dự, xã viên HTX pala bimao Nhơn Phước, xã Hòa Nhơn, bal Đà Nẵng jeng brei thau lac meng pala bimao, baoh sang ong hu tabiak truh kathaot. Dut haong ngak padai, pala bimao hu laba, hu labaih jien padai, binao pablei hu tani tanat, khaol dahlak mboh biak sahanang hatai.

Meng blaoh, pasak pachreih nong bal Đà Nẵng saong kapul urang nong bal hu daong ka HTX bimao Nhơn Phước ngak ghing hấp, tủ sấy bimao, pandap pruh ia, tui yaom jien abih tih jaik 100 triệu đồng. Ong Nguyễn Văn Nhi, Akaok HTX bimao Nhơn Phước, xã Hòa Nhơn, huyện Hòa Vang, bal Đà Nẵng brei thau: Hợp tác xã pala bimao Nhơn Phước daok hu pabak bịch bimao hu pabam pajaih ka mikva dalam palei. Jalan ngak di HTX nan lac ba bruk ngak mbang, ba jien  tame ka dom thành viên, HTX blei veik taong abih. Anak tal brei peih prong cơ sở hạ tầng, ngak tui jalan pala bimao khép kín công nghệ glaong piah hu bimao siam, hu chất lượng. 

 Urak ini, dalam bal Đà Nẵng hu jaik 20 HTX pala bimao pong, bimao sò, bimao linh chi... Meng kadung jien daong urang naong, Kapul urang nong bal Đà Nẵng hu daong ka yaok ribau mbang baoh sang urang nong mesre phun jien patagok bruk pala bimao; pambuak haong dom gah chức năng peih bruk pato patham ilamu pala bimao ka bhap bani. Ong Hồ Đăng Ninh, Akaok Ban Kinh tế xã hội – Kapul urang nong bal Đà Nẵng brei thau: Anak tal, kapul urang nong patui jalan pambuak bruk haong dom gah chức năng, tacei pato mikva pala ralo janih bimao hu kein laba glaong. Meng thun 2010 tal ini, Kapul urang bal Đa Nang pataom tame daong ka urang nong bac megru bruk ngak saong brei mesre phun jien. Njauk ndom lac pato bruk ngak pambuak haong daong tacei jalan padangHTX nan ye ralo mô hình ngak mbang hu kein laba. Anak tal jeng brei patagok bruk pato pala bimao, pok panuac tagok gah chức năng brei adat padang hiệp Hội pala bimao piah khan brei gauk thau, klah rabha khat lihik haong gauk dalam bruk ngak mbang pala drak pablei salih.

Kapul urang nong bal Đà Nẵng daok padang Đề án patagok bimao, daong ka bhap bani padang angan je; Taphia di nan, daong ka dom hợp tác xã pambuak bruk haong gauk dalam ngak mbang pablei salih dom janih pandap hu ngak meng bimao./.