Jeng yau rilo bhap bini dalam taneh ia, page 11-3, sa-ai Nguyễn Thị Huyền daok di quận Thanh Xuân, Hà Nội haong anek kumei tame blah web tokhaiyte.vn piah khan gah y tế online. Tui sa-ai Huyền, blah khai y tế mbuan thau, njuak khan angan je, umo thun, labik daok, số thẻ BHYT, prein yawa…Langiu di nan, jeng brei khan ka bruk dịch tễ yau bruk taom gaok urang medil hu ruak Covid-19; bruk nao mai meng bhum hu jit…Sa-ai Nguyễn Thị Huyền brei thau, ini lac sa jalan ngak siam piah thau ka prein yawa di  drei saong gauk gar dalam sang di drei: “Dahlak sahaneng meyah bhap bini bo njom ruak meda samar khan brei thau piah pacang plaih ka urang karei hu siam jang, ka baoh sang saong bhap bini tra. Njauk khan tantu cambaih laih kayua lac meyah njuak ruak meda  pambak tabiak bhap bini, bruk khik pacang jit meda kan kandah jang.Yaok urang brei paglong akaok sahaneng piah khik ka rup drei jeng yau ka urang karei.” 

Jeng hu rilo panuac lac, tuk khan brei urang jakar thau jeng mboh mblo tabiak dom tavak tavaiy kayua blah khai y tế điện tử pandar ka bhap bini daok  pandar blah tờ khai di tuai nhập cảnh nao mai meng dom taneh ia. Kayua yau nan ye, meyah bhap bini oh nao halei dalam 14 harei, oh ngak harak xuất cảnh, nhập cảnh  di dom pabah mbang negar atau taneh ia halei ye oh ngak salah hu saong oh payua blah tờ khai hu kayua oh ginup dữ liệu thông tin. Nan ye, bhap bini caong khin samar brei ramik veik blah tờ khai piah sahanang hatai tuk khai báo online, saong brei hu bruk daong di gah y tế, karja palei piah bruk khan nan hu samar saong njauk. Sa-ai Nguyễn Đức Long daok di quận Cầu Giấy, Hà Nội brei thau: “ Dahlak baik njauk hatai saong pachreih tui bruk ngak tui. Dahlak oh joi  pandar phone tangin nan ye dahlak pandar anek ngak brei abih urang dalam sang. Dahlak sahaneng mboh lac meng yaok urang brei khan njauk piah hu jalan pacang caga.”

      Tui urang lambaok di Mentri Y tế, bruk khan brei thau gah y tế di bhap bini “piah pandar ka bruk pacang caga jit, oh pandar ka bruk karei saong nyu lahik eng hadei tuk abih bruk pacang caga jit ruak Covid -19. Bruk njauk biia nan lac, dalam tuk khan brei thau gah y tế, bhap bini taduan trach nhiem ka bruk khan di drei. Meyah khan oh njauk ba tal kan kandah bruk pacang jit ruak ye meda njauk taong phạt. Luật sư Nguyễn Thế Truyền, Công ty Luật Thiên Thanh khan lac: “Tuk drei khin khan suan atau khan oh njauk meda ba tal pambak ruak ye meda njauk ba tabiak langyah tui adat hukum daok pandar urak ini. Yaok urang brei kham merat khan ka prein yawa di drei gam gam, ini lac bruk njauk ngak piah mboh lac drei daok ngak njauk tui tacei pato di Rajaei saong praong jang nan lac drei daok khik pacang ka  rup drei hu siam di abih.” 

      Anak bruk jit ruak Covid-19 daok rah tabiak dak harei dak khang ye bruk khan brei thau gah y tế lac piah duh ka bruk pacang caga jit ruak, njauk brei ngak di yaok urang kayua prein yawa di drei saong di bhap bini. Bruk ngak nan piah daong mboh samar, pacang samar bhum hu jit ruak meyah hu urang ruak, daong pacang cakak jit ruak njom mbak./.  

Urang lang: A.Nghiêm -13.3