Bhapbini bangsa Mông tỉnh Lai Châu khik caga saong patagok glai

Di rilo puk palei dalam tỉnh hu padang kapul khik caga saong patagok glai. Tapa nan patagok hu bruk tui iek saong khik caga glai. Jeng tapa nan, bhapbini hu kak kajap kein laba di drei haong glai. 

Ngan saong bhapbini bangsa Mông di palei Chu Va 12, xã Sơn Bình, huyện Tam Đường, mbang khuah glai tuk Tết thun 2010 lac sa bruk oh var hu. Saai Sùng A Giảng, Phó bản Chu Va 12 hadar veik, bilan thu lagu thun nan, pui khuah di labik glai Quốc gia Hoàng Liên. Labik khuah glai maong mboh anak meta, min nao abih meteh harei meng tal labik. Bhapbini saong dom kapul chức năng njauk mbang, ndih dalam glai piah padam apui; hu melam, urang njauk in eik kayua pandap mbang oh ba tame tal labik hu. Hadei di klau harei glaih glar, pui meng padam hu abih. 

Meng mbang khuah glai praong nan, bhapbini bản Chu Va 12 thau hu bruk njauk khik caga glai. Bản Chu Va 12 hu 96 sang lac bangsa Mông. Thun 2012, hadei di dom mbang nyaom, bhapbini dalam palei njauk hatai gauk brei padang kapul khik caga saong patagok glai; dalam kapul hu parabha jeng 5 nyom piah salih gauk khik iek glai, padang 2 chòi khang kajap piah daok glang iek glai. Saai Hàng A Tính khan lac : dalam bilan thu, dom harei pandiak bhang, mbuan rah tabiak khuah glai, dom kapul hu parabha tui bilan pieh khik iek. Rup dahlak tukvak ini jeng daok khik iek glai. Urang halei khik iek njauk nao glai meng 5 tuk pagaiy piah tal labik chòi iek, tal 7 tuk melam meng mai sang. Bruk mbang menyum yaok harei jeng njauk ba lisaiy pakaok, bei plom saong ia nao” meng parabha bruk cambaih laih ka yaok kapul khik caga glai di palei, bo 3 thun mai ini, palei Chu Va 12 oh daok rah tabiak bruk khuah glai. 

Urak ini dalam huyện Tam Đường hu labaih 130 kapul khik caga saong patagok glai yau bản Chu Va 12; dom taneh glai hu taduan khik caga lac labaih 31.000 ha. Piah hu siam lagaih, dom kapul nan jeng hu quy chế ngak bruk cambaih laih Dalam nan, akaok kapul lac akaok puk,; dom urang dalam kapul lac lambaok ka dom sang dalam puk, yaok sang njauk hu sa urang pataom tame piah khik iek taneh glai. Bruk ngak di kapul lac pathau khan saong jak ba bhapbini ngak tui dom quy định ka khik caga, patagok glai, pacang caga khuah glai saong peih ngak dom sarak bayan dom dịch vụ alam moi truong glai; padang bruk khik iek, parabha gauk khik iek luac harei melam dalam tukvak tabungglaong bilan pandiak bhang…Abih di nyu nan lac jien piah khik bruk ngak di kapul hu kaoh meng paok jien dich vu alam moi truong glai yaok thun di puk palei, yaom jien kaoh tabiak tui tui hatai njauk gauk di yaok puk palei. Jien nan meda pandar piah daong ka dom urang tuk hu mbaok tame tui iek, khik caga glai, padam khuah glai, blei pandap pabak ka bruk khik ramik, glang iek glai… 

Ông Nguyễn Trọng Lịch, Giám đốc kadung jien khik caga saong patagok glai tỉnh Lai Châu brei thau, meng labaih 990 kapul khik iek di dom puk palei dalam tỉnh, nyu patrun hu dom mbang khuah glai. Thun 2015, tỉnh Lai Châu tok rah tabiak 8 mbang khuah glai, ngan saong taneh khuah jaik 15 ha.