Bhapbini Cam Binh Thuan paglaong trach nhiem saong hala phieu pilih ruah

Dalam dom mbang taom gaok cử tri di dom urang tabiak ứng cử tame Quốc hội mbang 14 saong Hội đồng bhapbini dom pakat tukvak 2016 – 2021 di Bình Thuận hu pachreih rilo mikva Cam hu mbaok tame. Kayua mikva sahaneng mboh, ini lac bruk chinh tri praong di taneh ia, lac harei piah cử tri patagok quyen saong nghia vu di bhapbini, pilih ruah dom urang hadah krah, njauk lambaok ka hatung hatian, caong khin di drei. Ông Tạ Văn Thẩm daok di palei Bình Thắng, xã Phan Hòa, huyện Bắc Bình, tỉnh Bình Thuận brei thau, ông biak bui sambai saong biak hadah mbaok tuk hu rilo urang Cam hu tabiak ứng cử  QH jeng ye hoi dong bhapbini dom pakat.

Tapa dom mbang taom gaok cử tri di dom urang ứng cử  tame QH saong hoi dong bhapbini dom pakat, cử tri oh lac hu thau cambaih ka tiểu sử di dom urang ứng cử, bo daok hu pang tapak urang ứng cử brei thau ka danakdak ngak bruk di drei. Amuk Mai Thị Kiều daok di palei Ma Lâm 3, ban sit Ma Lâm, huyện Hàm Thuận Bắc brei thau, trình độ di dom urang ứng cử dak harei dak glaong, bac megru tal labik tal dhua, hu rilo ilamu ngak bruk.

Oh lac sangka tal trình độ bac da-a, bruk ngak, chức vụ di yaok urang ứng cử bo cử tri Căm pak ini daok sangka tal dom urang ứng cử hu mbaok dalam tukvak dahlau. Kayua tui rilo cử tri lac, hu dom urang ndom gheih, biai rilo min oh ka ngak hu rilo. Yau nan ye bo hatai caong khin di mikva oh hu nao tal dom pakat hu thẩm quyền.

Meng trách nhiệm  di drei, cử tri urang Cam jeng ye cử tri tỉnh Bình Thuận daok caga pilih ruah tabiak dom urang ứng cử hu ginup tài đức, njauk lac dom urang lambaok di bhapbini ./.