Hu angan ieu lac “Hà Giang sit” di Viet Nam, huyện Tủa Chùa, tỉnh Điện Biên hu tal 70% taneh patau cur. Ini jeng lac huyen bhum ceik atah bayah saong daok hu rilo kan kandah di abih dalam tỉnh Điện Biên, min labik ini biak gheih mekre, brei mboh pren diuk rai biak khang kadang. 

Tủa Chủa daoh atah di ban Điện Biên Phủ labaih 150km nao gah Đông Bắc saong daok di labik glaong tal labaih 1.400 mét dut saong mbaok ia tasik. Mbaok haluk di labik ini rio meng lac patau cur.

Ini jeng lac huyen lagaih ka bruk patagok du lich rivang iek hang động ngan saong rilo hang động gheih mekre yau ye: Xá Nhè, Hấu Chua, Khó Chua La…Cao nguyen patau Tủa Chùa lac labik daok di urang bangsa Mông, lac bangsa takre roh duah saong hu rilo ilamu gheih mekre biak karei di bhum glaong.

Dom puk palei di urang Mông daok kandauk drei dalam ceik patau di cao nguyen Tủa Chùa. Bruk ngak mbang kinh tế ralo meng lac ngak nong saong phun tangei ac phun pala lagaih saong taneh riya labik ini. Dom urang kumei Mông biak tari taring saong biak rap ar tuai damuai. Dom urang nan hu ngak brei bhum ceik patau cao nguyen thu lagu bak sambo hijao di dom bein tangei that, mekre.

Patau oh lac hu mbaok di grauk labik bo daok kak kajap haong dom bruk ngak dalam raidiuk di bhap bini labik ini. Meng jalan nao mai tal bruk ngak takai sang, daning sang, paga sang saong dalam bruk ngak mbang jeng hu mbaok dom janih patau.

Daning patau Vàng Lồng di xã Tả Phìn lac cong trinh nghe thuat meng patau hu yaom glaong gah sajarah, ilamu, lac inem krung ilamu meng kan di urang Mông labik ini. Paga patau ini biak karei kayua ilamu dak patau meng tangin biak gheih, oh pandar hagait piah ngak pagam.

Ilamu nan jeng daok hu bhap bini labik ini ngak tui mbiah tal harei ini dalam bruk padang ngak sang, ngak paga, pacang taneh paih di glut jaleih.

Prein diukrai khang kadang di bhum ceik patau brei mboh tapa yaok mbuk kayau, phun hareik tal yaok baoh sang saong yaok urang labik ini. Dom uranaih ndih tapui tabiak saong praong tagok di bhum ceik cao nguyen patau ini jeng chreih chrai yau bhum taneh ini./.