Bhum Gah Pei negar - Bilan thu thun 2019 -2020 rah tabiak dalam kan kandah

Tui Akok Mentri Ngak nong saong patagok palei pala Nguyễn Xuân Cường, bilan thu pandiak thun ini tua riya, ia mbak meda khang jang thun 2015 -2016, kayua meng di bilan 9 meng blaoh, dut iek brei mboh halau ia gah angaok tuh trun gah ala bhum taneran kraong Cuu Long trun meng 35 tal 50% abih ia di kraong. Ini lac sa dalam dom kuhria mboh dahlau biak kan kandah tal bilan bhang thun ini, tabung glaong lac meng bialan 1 tal bilan 3.

  Ong Nguyễn Văn Tỉnh – Aok Tổng cục Thủy lợi (Bộ NN&PTNT) brei thau: Ia dalam Biển Hồ ( Campuchia) tal urak ini daok labaih 5,1 tỉ m3, trun labaih 33 tỉ m3 duk saong tukvak tabung glaong abih harei 1 bilan 10 thun 2019, biar jang duk saong tanut di rilo thun tapa labaih 15,7 tỉ m3 saong biar jang jaik 340 trieu m3 dut saong tukvak ini thun 2015.

  Daok di gah ala kraong Mekong, Ben Tre lac tỉnh gaok kandah kayua ia mbak njom tame aval abih. Tal kreh bilan 12 thun 2019, Ben Tre lac tỉnh akaok meti ia mbak nyom tame mblang hamu, ngak khut khat labik pala bingu kieng Cái Mơn, huyện Chợ Lách. Ini lac huyện daok dalam tame ar taneh min ia mbak njom tame mbang ini oh yau bhian mboh, ngak ka mikva oh sumu caga. Dom tỉnh karei yau Vĩnh Long, Sóc Trăng, An Giang jeng haduh hatai anak bruk njom ia mbak, tua riya thun 2019 -2020 ini.  

Ong Nguyễn Hữu Lập - Phó AKaok UB bhap bini tỉnh Bến Tre brei thau, dom gah chức năng tỉnh Bến Tre mboh lac bilan thu thun 2019 -2020 rah tabiak dalam kan kandah, yau nan ye meng kreh thun 2019, tỉnh hu ba tabiak dom jalan pacang caga. Mbiah tal harei ini, tỉnh Bến Tre padang hu 46 labik duk iek độ mbak piah patagok bruk dut iek di dom kraong, ribaong, dom danak praong, dom sang mac piah mek ia tame, peih ia tabiak di dom kraong ribaong hu lagaih. Langiu di nan, tỉnh daok peih bruk kuac ribaong hu  abih tih labaih 557.000 met khoi…

  Jeng di gah ala kraong Mekong, tỉnh Tiền Giang taong yaom lac tỉnh hu rilo jalan ngak brei pacang caga tua riya, njom ia mbak biak lagaih. Khan ka ilamu pacang caga tua riya, ia mbak, jeng yau ba tabiak dom jalan ngak dalam bilan thu 2019-2020, ong Phạm Anh Tuấn - Phó Akok UB bhap bini tỉnh Tiền Giang brei thau, tỉnh hu kuac ribaong pakat dua, pakat 3, beik ar binek tạm, padang dom balai njuk pruh ia tame ribaong, mblang hamu. Sami samar mek ia tapa pambah ribaong, balai njuk ia Xuân Hòa, cống Rạch Chợ tuk ia takik mbak; jeng ye khik brei bhap bini oh kurang ia pandar dalam dom bilan thu thun ini.

Dalam nyaom biai, bruk kurang ia pandar jeng hu dom palei biak sang ka saong ba tabiak rilo jalan pacang caga. Tui pathau khan di dom palei, urak ini hu labaih 82.000 baoh sang bhap bini kurang ia pandar, dalam nan pataom tame di dom tỉnh Bến Tre, Sóc Trăng, Kiên Giang, Cà Mau saong Tiền Giang. Kayua halau ia mbak glaong jang tanut brei pandar, dom baoh sang mikva kurang pandap piah padang ia taba pandar. Tui kuhria mboh dahlau, dalam tukvak anak tal di bilan bhang tua riya, labaih 158.000 baoh sang kurang ia pandar, dalam nan hu 24.000 baoh sang di bhum daok di labik danak dak brei ia pandar praong, 134.000 baoh sang bhap bini labik atah di ia.

  Anak bruk yau nan, Phó thủ tướng Trịnh Đình Dũng iew Mentri ngak nong saong patagok palei pala pambuak saong dom palei pataom tame ngak dom jalan caga brei hu siam. Dahlau di abih , brei khik ka raidiuk bhap bini, oh caik ka baoh sang halei kurang ia pandar saong ginup ia pala drak; khik caga bilan yauk kuak saong oh caik jit ruak tamuh tabiak kayua kurang ia.

  Phó thủ tướng jeng hu tacei Mentri Ngak nong saong patagok palei pala dang tabiak, pambuak bruk haong dom gah pambuak tal, ngak bruk haong dom taneh ia hu kraong Mekong piah duah thau ka halau ia saong peih kareih ia di dom binek ia thủy điện langiu bhum taneh Việt Nam piah duh ka bruk kuhria mboh dahlau ia mbak njom tame; pok panuac brei patagok bruk tathuak ia meng dom binek thủy điện piah jhul ia mbak tabiak truh bhum taneran kraong Cuu Long./.

Urang lang: Ái Nghiêm -7/2