Pathau mikva saong taong abih gauk!

Urang ieu quận 4 ban raya HCM lac “Đất nhà rồng”. Ieu yau nan oh lac kayua ini lac labik hu mblang kapal nhà rồng hu meng yaok rituh thun bo daok lac labik 105 thun dahlau, Wa Hồ uranam di kol drei hu tabiak nao duah jalan peih paha taneh ia, peih tabiak saman barau ka VN par tagok, njauk saong angan con rồng cháu tiên. Kadha vak di Hồng Hải, urang vak di rayo sap ndom VN daok di ban raya HCM.

Labaih 100 thun tapa kuhria meng harei 5-6-1911, quận 4 jeng yau dom labik karei dalam taneh ia rah tapa oh thau hadom bruk mesruh metak praong sit saong dak padang piah harei ini daok ba drei tame khang angaok jalan đô thị hóa. Jeng daok nan dom angan sajarah dak rai di labik ini, yau: bến Nhà rồng, mblang vân đồn, labik ngak ia me-sin Liên Thành, drak Xóm Củi, Xóm Chiếu, Vĩnh Hội… dom labik akaok abhap Wa hồ hu mai tal dahlau di tuk trun kapal duah jalan daong taneh ia. Harei ini, taong abih dom abik ini daok hu padang ngak jeng đô thị barau, pasak pablei salih, cao ốc, chung cư cao cấp. Jalan Vân Đồn tapen kraong Bến Nghé sit sot halei halei urak ini daok jeng phố thị ngan saong dom tòa cao ốc glaong tal lingik. Bến nhà rồng jalan Nguyễn Tất Thành, labik Wa hồ tabiak nao saman dahlau urak ini daok jeng pasak pablei salih saong mblang kapal du lịch, yaok thun taduan raok yaok pluh mbang kapal du lịch negar langiu ngan saong yaok pluh ribau mbang tuai mai rivang iek. Sa dự án praong panduan taong abih Cảng Bei Gon daok hu peih tabiak piah brei labik ka dom công trình phúc lợi – ilamu – giải trí. Ong Hùynh Văn Cường,  akaok Hội đồng quản trị  Công ty cổ phần Cảng Bei Gon brei thau:

“Thun 2016 lac thun bản lề ngan saong Cảng Bei Gon dalam bruk panduan ba Cảng nhà rồng – Khánh Hội tabiak Cảng Hiệp Phước, bruk ini ngak salah di puac thun. Kol dahlak jeng hu jalan khik takai tuai damuai con-te-no meng kan, ngak pasiam kho bãi di cảng Tân Thuận piah pabak hatai caong ka sắt thép, khak drak, jru halak, rami ramik siam lagaih dom tuai damuai”.

Bruk pasalih kinh tế tui jalan pablei salih dịch vụ di bhum taneh jaik kraong, jaik pabah lamnge yau quận 4 lac jalan nao njauk. Tal urak ini, hu labaih 2900 doanh nghiệp ngan saong phun jien labaih 14.550 tỷ đồng daok ngak bruk dalam quận, ralo jang 200 doanh nghiệp duk saong dahlau daih. Thun 2015, quận 4 mek tame jaik 1183 tỷ đồng jien je, ralo jang 42% duk saong thun bloh. Ini lac mbang akaok meti quận 4 mek jien je  hu labaih 1000 tỷ đồng, rik daong ka kadung jien negar. Ndom ka gah XH, quận hu langyah siam bruk sang tapen kraong ribaong meng  dom dự án tái định cư jeng yau langyah salah bloh bruk ô nhiễm môi trường angaok dom kraong Bến Nghé, Vân Đồn. Rai diuk bhap bini dak harei dak salih barau. Dom baoh sang kan kathaot dalam quận trun daok labaih 300 baoh sang, meblah 0,79%. Taong abih dom kamuan umo meng 5 tal 6 thun jeng hu nao bac, hiệu suất pato megru mek hu labaih 99%. Ong Nguyễn Văn Liếp, sa urang daok di quận 4 hu 52 thun ini mai brei thau:

 “Dahlau daih quận 4 kraong ribaong mbau bruk, bhap bini daok sang kayau saoh. Hadei di peih paha tal urak ini, meng bruk pasiam đô thị, rai diuk bhap bini salih barau ralo. Urang hu chung cư piah daok, kraong ribaong oh daok mbau bruk. Dahlau daih quận 4 hu iek lac bhum taneh jhak, urak ini jeng taneh siam. Ralo bhap bini daok di labik karei khin mai daok di quận 4 kayua labik ini hu jeng bhum taneh siam mekre, oh daok ô nhiễm”.

Bruk njauk meyai nan lac quận 4 tukvak tapa hu sangka tal bruk ba bruk ngak ka bhap bini, abih di nyu nan lac dom baoh sang kan kathaot biak hu siam lagaih. Dalam quận hu labaih 7500 urang hu ba brei bruk ngak, jaik 5600 urang hu bac bruk ngak, rilo jang bruk tabiak yaok thun. Amuk Bùi Thị Hương, akaok UB bhap bini phường 1 quận 4 brei thau:

 “Ngan saong dom baoh sang kan kathaot, phường hu pambuak bruk dom doanh nghiệp dalam quận piah ba menuac tame ngak. Langiu di nan, phường nao taom gaok dom jabat dalam quận brei urang kan kathaot nao bac bruk ngak, phường daong jien ka urang nao bac, daok dom jabat pato bruk ngak ye brei dom baoh sang kan kathaot bac saoh; giới thiệu ka baoh sang kan kathaot hu bruk ngak”.

Langiu bruk kuhria bruk ngak ka yaok ribau urang ngak, quận 4 urak ini daok pataom tame dua bruk ngak praong nan lac pasiam đô thị saong patrun dauk ia. Piah ngak bruk ini, dom dự án daok hu peih ngak yau dự án pasak pablei salih B5, dom dự án sang daok ka urang kan kathaot, ka urang jakar công chức, samar ngak pasiam dom chung cư klak Trúc Giang, Vĩnh Hội… saong yaom jien abih tih yaok ribau tỷ đồng. Dalam 600 hẻm dauk ia, tal urak ini quận 4 hu ngak salah bloh 480 hẻm, meblah 80%. Kham merat tal thun 2017 ngak hu taong abih. Anak tal, bruk ngak praong di quận 4 lac panduan labaih 400 baoh sang taik tahak di jalan Tôn Thất Thuyết tapen kraong Tẻ piah đô thị hóa taong abih labik gah meraong. Ong Võ Thanh Dũng , akaok Hội đồng quản trị  Công ty công ích quận 4, gah peih ngak dom bruk angaok nan brei thau:

 “Piah pahadar 105 harei Wa hồ tabiak nao duah jalan daong ka taneh ia, đảng bộ công ty peih bruk pakacah gauk ngak bruk hu pambuak saong bruk dak padang pasiam, patagok đô thị quận 4, dalam nan iek praong bruk pan akaok ba jalan di tổ chức đảng, pakat ủy, mban giám đốc, urang dang akaok công ty brei samar langyah kan kandah tavak tavaiy, nao dahlau piah meng nan pachreih urang jakar công chức công ty ngak siam bruk  hu jao brei”

Meng ini tal thun 2020, quận 4 daok ngak jaik 60 công trình praong, dalam nan njauk caik hatai lac danao ba ia Khánh Hội, dom công trình công cộng yau mblang bein Cù Lao Nguyễn Kiệu,  mblang beinphun hijao tapen kraong Tẻ saong  14 công trình patrun dauk ia karei. Ong Nguyễn Thanh Đoàn, akaok Ban Tuyên Giáo Quận ủy quận 4 brei thau:

 “Kham merat tal thun 2020 ngak salah bloh bruk panduan ba, tái định cư sang daok angaok saong tapen kraong ribaong; pagalong  rai diuk baoh sang kan kathaot, abih di nyu nan lac sangka urang kan kathaot lac baoh sang sarak karja saong bhap bini bangsa takik. Kham merat tal thun 2020 baoh sang kan kathaot dalam quận trun meng 1% tal 1,5% / thun, biar jang tanut bình quân ban raya; patagok jien mek tame kuhria tui akaok menuac baoh sang kan kathaot 21 triệu đồng sa urang sa thun”.

Ini lac jalan piah patrun kan kathaot khang kajap di quận 4 jeng yau ban raya HCM. Nan jeng lac hatai caong di Wa hồ tuk tabiak nao labaih 105 thun dahlau.  “Bruk caong khin praong abih di akau nan lac taneh ia hu độc lập, bhap bini hu trei sil, hanem phon”. Nao angaok dom jalan siam mekre di quận 4 harei ini, yau daok mehit sap “còi tàu” di labaih rituh thun dahlau yava mai, oh var hu rup binguk anh hùng peih paha bangsa – urang dane angan HCM. Takai yam di Wa saman nan hu ngak jeng sajarah dak rai, ngak ka taneh ia drei hu hadah hadai yau harei ini./.