Bhum taneran kraong CL hu mong yau sa mblang padai prong di negar, yaok thun padai pablei tabiak negar langiu meblah tal 90%. Urak ini, pajaih padai chất lượng glaong jeng daok lac kadha prong tuk yaok thun caong hu meng 400 – 500 ribau tấn padai pajaih. Yau nan min, urak ini Pasak pajaih dom  tỉnh saong Viện padai Bhum taneran kraong bahrau pabak hu jaik 50%, daok veik hadom bhap bani mek padai mbang piah ngak padai pajaih atau salih gauk nan ye chất lượng oh siam. Ndom tal bruk ini, Phạm Hải, urang vak di rayo sap ndom VN daok pak bhum taneran kraong CL hu kadha vak hadei ini.

Tukvak tapa, Viện padai bhum taneran kraong CL padang ngak hu 11 quy trình kỹ thuật hu pok brei angan pakat negar ka ilamu ngak padai; pala phun pablak haong phun padai saong quy trình pacang caga jit ruak. Langiu di nan, dom jalan kỹ thuật kayua Viện padai gam haong dom tỉnh ba tabiak hu urang nong ngak tui saong ba mai rilo kein laba. Daok jalan ngak “3 trun 3 tagok” meblaih jaik 35% taneh pala dalam bhum, samu 1,2 triệu ha, laba hu labaih 1 triệu đồng/ha, patak pataom hu pajaih, khak drak saong jru khik caga phun pala yaok thun ka bhum taneran kraong CL labaih 1.300 tỷ.

 Tui Tiến sĩ Trần Ngọc Thạch, Akaok Viện padai bhum taneran kraong CL, kadha bo Viện daok gaok kan kandah urak ini lac bruk jao brei pajaih ka dom jabat, kayua lac tuk jao pajaih ka dom công ty meda kan mek veik hu phun jien, dalam tuk nan ralo jabat ngak suan oh ka xử lý. Urak ini hu biak ralo công ty pablei pajaih min oh hu bhum pala pajaih, oh hu pajaih piah blei tame; langiu di nan bruk kiểm định daok lỏng lẻo ba tal chất lượng pajaih oh siam. Ini lac bruk daok rah tabiak di bhum taneran kraong CL. Kayua kurang pajaih xác nhận, nan ye dom puk palei jeng daok hu panuac caong daong ka dom baoh sang urang ngak nong, min tukvak tapa urang nong cakrok patagok biak siam, biak njauk. Min urak ini nyu daok suan nao, mikva salih gauk nan ye nyu labaih, bo nyu labaih ye mikva ba nao pablei blaoh dom  công ty oh hu labik pala padai pajaih ye blei veik piah pablei, nan ye nyu meriak gauk, pablei yaom lap. Pagap yau, pajaih padai mbiah mbiah,  nyu blei  blaoh pablei veik yaom 8.500, dalam tuk sa labik đàng hoàng pala padai pajaih yau nan yaom phun jeng lac 8.500 nan ye ba tal gah chính quy oh cakrok patagok hu.

Chất lượng blei tame oh siam meda ba tal chất lượng brah biar, oh padang hu angan asal brah Việt Nam angaok darak pasa negar langiu. Ini lac kadha bo bhum taneran kraong CL daok gaok dalam gah pajaih chính quy saong oh chính quy. Ong Nguyễn Ngọc Hè, Akaok Sở ngak nong saong patagok palei pala bal Cần Thơ brei thau: Viện padai bhum taneran kraong CL pambuak haong Sở Ngak nong dalam bruk palih ruah pajaih padai siam, njauk haong bruk pala drak di bal piah duh ka bruk padang angan je. Pambuak bruk haong dom Hợp tác xã piah ngak padai pajaih pabak dalam bhum saong dom tỉnh jaik taphia, roh duah dom jalan ngak pacang caga sinh học, abih di nyu lac jit jamaok saong dom janih halak halin karei.

Huyện Cờ Đỏ urak ini daok pandar 2 pajaih chủ lực di Viện padai lac OM4218 saong OM5451. Ini lac pajaih chất lượng glaong pabak ka bruk pablei tabiak negar langiu, urak ini mblang hamu prong 3 vụ lac 33.000 ha, doanh nghiệp blei tame abih jeng paglaong hatai saneng di mikva nan ye njuak pandar pajaih padai xác nhận, oh pandar padai mbang piah ngak pajaih kayua oh ba mai kein laba. Huyện hu 11 Hợp tác xã, dalam nan hu 8 Hợp tác xã ngak padai pajaih, oh lac piah paglaong chất lượng padai hàng hóa bo daok piah tani tanat jien mek tame ka urang ngak nong.                                                           

Dalam tukvak biến đổi khí hậu daok pambak tapak tal bhum taneran kraong CL, bruk rami ramik veik gah ngak nong saong rami ramik veik gah padai brah meda lac bruk njauk ngak samar drah di gah ngak nong dom tỉnh dalam bhum jeng ye di Viện padai Bhum taneran kraong CL dalam tukvak anak tal. Kayua yau nan ye, dalam tukvak anak tal bruk roh duah, palih ruah tabiak dom janih pajaih lagaih, siam piah pabak ka bruk pablei tabiak negar langiu, brei mboh labik dang khang di Việt Nam angaok darak pasar dunya lac kadha samar drah daok ba tabiak ka gah ngak nong di dom tỉnh dalam bhum taneran kraong CL./.