Rilo boh sang salih tapa rong limo 

Di dom tỉnh: Tiền Giang, Bến Tre yaom pabui diuk janih siam hu yaom labaih  8 triệu đồng/sa tạ; janih thường meng  7,5-7,8 triệu đồng/sa tạ, trun jang bilan dahlau  jiak 1 triệu đồng/sa tạ. Dalam tuk nan, urang pablei salih dok khang tangin kateik yaom urang rong  tuk tapon pabui oh siam atau taha. Muk  Lê Thị Mười Hai, sang rong pabui di  xã Long Hưng, huyện Châu Thành, tỉnh Tiền Giang khan lac

"pabui rilaow dom harei ni patrun yaom, drei mehit lac yaom meng  7,4-7,5 triệu đồng/sa tạ, min  urang pablei salih tame bayar yaom 7,2 triệu đồng/ sa tạ, pabui siam jeng lac oh siam"

Yaom pabui diuk trun kayua kan kandah di drak pasa rilawo pabui dunya, abih di nyu lac jiak di ni negar drei jhul khang bruk blei tame rilawo athur  Yaom lac yaom trun, min tui yaom ini, urang rong dok laba hu labaih 2 triệu đồng/sa tạ. Bruk njauk nyai nan lac, yaom pabui diuk di var ro trun khang min yaom rilaow pabui di dom drak pasa , labik pablei ralow jeng dok glong.

Di Tiền Giang, rilawo pabui trun  meng 5.000 đồng tal 10.000 đồng/sa kg. Tui nan, di dom drak pasa di ban sit  Mỹ Tho, rilaow pha yaom  140 ribau đồng/sa kg, rilaow sườn 170 ribau  đồng/sa kg.  Di ban  Cần Thơ, yaom rilaow pabui  pablei di dom drak pasa, siêu thị jeng di tanut glong. Muk Nguyễn Thị Lệ,  urang dok di  phường Thới Bình, quận Ninh Kiều ndom lac, jiak di ni iek harak báo, pang Rayo papar sap papar binguk mehit lac yaom pabui diuk trun min oh thau makna habar yaom rilaow pabui di drak pasa oh ka trun  :

  “Tuk camereip yaom meng  170 ribau đồng /sa kg, urak ni, trun dok  160 ribau đồng /sa kg, meyah blei di labik krein yaom  150 ribau /sa kg rilaow  ba rọi; dok  takai pabui yaom 130 ribau tal  140 ribau /sa kg, jeng dok di tanut glong, bo oh trun rilo. Tame  siêu thị jeng yaom glong, dok pablei yaom glong , sườn non lac yaom  labaih dua ratuh ribau  sa ký.”  

Di dom drak pasa dalam ban Cần Thơ, yaom rilaow pabui dom janih urak ni meng 110 ribau  đồng tal 200 đồng/sa kg. Di drak  Tân An, quận Ninh Kiều, dom urang pablei salih di pak ni brei thau, yaom rilaow pabui tuk ni tani tanat jang, trun labaih  10 ribau  đồng tal  20 ribau đồng/sa kg tui janih. Bruk karei jang dahlau deih lac urang blei tagok khang jang. Biak di nyu, rilo urang blei mbang khan lac, yaom rilaow pabui di drak pasa dang di tanut glong, dalam tuk jien duah hu di urang patrun khang kayua kan kandah di jit ruak  Covid-19. Nan ye, urang njauk cakak meneing rilawo pabui dalam dom var lasei, salih tame nan lac dom pandap mbang hu yaom kaom lap jang yau ikan, hadang, menuk , boh…

Meng hadei di jit  tả pabui  Châu Phi, tapon pabui di bhum taneran krong  CL trun labaih meteh. Di tỉnh Tiền Giang, Bến Tre lac 2 labik hu tapon pabui prong abih di bhum taneran krong CL, min urak ni , yaok tỉnh ni dok dom rituh ribau  drei pabui min. Taeng tỉnh Tiền Giang, meng akaok thun tal ni, bahrau rong  veik  hu jiak  300 ribau drei, samu 61% duk song tuk vak ni thun bloh.  Tui ong Nguyễn Văn Mười, Chủ tịch UBND xã Xuân Đông, urak ni urang rong pabui  gaok biak kan kandah, kayua yaom pandap mbang tagok, pabui pajaih jiak  3 triệu đồng/sa drei:

"Urak ni di  xã Xuân Đông yaom pabui diuk meng  80-82 ribau đồng/sa kg, laba dom  triệu. Pabui pablei laik yau hadang that Di drak mboh pablei yaom jeng yau nan, oh trun hadom. Rong veik ye hu dom boh sang oh hu phun jien, dom boh sang rong prong ye dok rong veik, min urang jeng caik hatai sangka lo ”.

Yaom pabui diuk dok trun min urang blei di dom drak pasa oh ka rilo kayua yaom dok glong. Muk  Nguyễn Thị Kim Phượng, po trang trại pabui di  xã Tân Mỹ Chánh, ban  Mỹ Tho, tỉnh Tiền Giang ndom lac  njauk hu bruk pambuak gauk catang di baoh sang rong song doanh nghiệp atau hợp tác xã dalam bruk blei pabui piah nyaik njauk kateik yaom tuk drak pasa oh tani tanat:

"Urang pablei salih kateik yaom, laba meng  2 -3 mbang  duh song blei tame Pamong tal bruk rong pabui prong di abih lac brei hu labik pablei tabiak, bruk pablei di drei ngak habar hu  hợp tác xã atau urang halei blei pak gha, pablei pak got. Yau nan oh tapa   2-3  mbang trung gian"

Taphia di nan, piah khik kein laba ka urang rong, urang pablei salih atau  doanh nghiệp blei pabui  song urang blei mbang, dom gah  chức năng njauk patagok bruk pasang iek, duah thau drak pasa, abih di nyu nan lac bruk  niêm yết yaom pablei rilaow pabui di dom drak pasa ka nyu lagaih, langyah catang bruk tagok yaom tui hatai, khik piah pandap ngak brei tagok yaom, pacap urang rong pabui pablei yaom beir min urang blei mbang njauk blei yaom glong./.

Urang lang: Hanipha