-Nao rah tapa dom palei Khánh Hòa, Khánh Nhơn, Đông Khánh (di xã Tân Khánh Đông, ban sit Sa Đéc, tỉnh Đồng Tháp) meng mboh bruk pala bingu tết biak chreih chrai. 

-Ông Nguyễn Văn Bé Ba, akaok UB bhapbini xã Tân Khánh Đông, yaih lac: “di palei ini urak ini bingu hu pala luac thun saong tuai damuai jeng ye urang blei jeng mai pak ini luac thun; min tết jeng lac bilan pala saong pablei praong”. Dalam xã Tân Khánh Đông urak ini hu labaih 175ha bingu kiểng dom janih. Ta-eng thun 2018 taneh pala barau daok hu peih praong yaok pluh hecta. Tui rilo sang pala bingu di ban sit Sa Đéc brei thau, urak ini hu rilo urang blei mai blei bingu kiểng pajeng nao dom libik pablei. Dalam nan cúc mâm xôi yaom meng 110.000 - 120.000 đồng/sa cặp; dom janih kiểng hala meng 60.000 - 70.000 đồng/sa cặp; daok mai kanyik meng dom triệu đồng tal yaok pluh triệu đồng yaok phun…Yaom lac yau nan, min dak jaik tal tết lac darak pablei bingu kiểng dak chreih chrai jang. 

-Di palei bingu kiểng Chợ Lách (Bến Tre) jeng hu rilo sang di tukvak tabung glaong pala bingu kiểng tết. Ông Nguyễn Văn Thanh, daok di xã Long Thới, brei thau: “Tết thun 2019, sang dahlak pala jaik 3.000 chậu bingu dom janih yau ye cúc tiger, vạn thọ, tắc kiểng… Yaom lac glaih glan hasit min dalam hatian jeng mboh uan tabuan kayua lingik thun ini oh ka mboh hagait karei; tok caong bingu nerak njauk tuk tết piah duh siam ka mikva bui sambai xuân lac bui hatian paje, tapa nan, drei jeng hu jien mek tame tani tanat”.

-Thun ini di palei bingu kiểng Chợ Lách, lingiu dom janih bingu kiểng mengkan, rilo urang nong jeng hu caga dom janih bingu barau, blei meng taneh ia lingiu mai piah pablei tết; gam saong nan, kiểng athur thaot binguk 12 anek thak jeng daok hu ngak rilo kayua ini lac pren khang di Chợ Lách. Tui kuhria, palei bingu Chợ Lách pablei ka darak pasal Tết Kỷ Hợi 2019 jaik 12 triệu chậu dom janih, dang akaok ka số lượng di bhum taneran kraong CL. Urak ini, lingik yau daok khin salih tapa la-ar, yau nan ye hu panuac kakei mikva pala bingu tết njauk kuhria caga, abih di nyu nan lac dom sang pala mai kanyik, cúc mâm xôi.

-Tui ông Võ Thanh Tùng, akaok uy mban bhapbini ban sit Sa Đéc (t.Đồng Tháp), bhapbini palei ini dak harei dak takre pala bingu kiểng. Tuk Tết Kỷ Hợi 2019 jaik tal, urang nong pala jaik 100ha bingu  kiểng ngan saong labaih 3 triệu chậu dom janih piah pablei di grauk libik. Rilo janih bingu barau yau ye: bingu lưu ly, cúc đồng tiền siêu lùn, bingu hướng dương siêu lùn, gam saong rilo janih bingu barau, hu blei mai meng châu Mỹ, châu Âu… daok hu dom sang glang iek tani tanat piah pablei tết. Gam saong bruk pala bingu kiểng duh ka darak pasar tết,  palei bingu Sa Đéc daok pataom tame khang ka bruk patagok du lịch. Tui kuhria, tapa akaok thun 2019 meda peih bruk pablei vé ka tuai damuai mai ravang mein di ini, meng di nan rik daong paglaong yaom bingu kiểng. Ini lac jalan nao praong piah patagok palei bingu Sa Đéc jeng ban sit 4 bilan bingu; oh lac pala bingu tết bo daok pabak bingu kiểng luac thun./.