Hadei meng Tết bloh, ong Lê Văn Chín daok d xã Tân Hộ Cơ huyện Tân Hồng hu nao taom gaok urang jakar thú y xã piah mai klauk jru pacang caga ruak ka tapon limo 7 drei di sang drei. Meng ilamu labaih 7 thun raong glang, ong Chín khan lac, bilan ngin, nhiệt độ không khí trun, njauk klauk jru piah patrun patakik ruak ka tapon limo. Lingiu di bruk klauk jru pacang caga, ong daok hu pruh jru pametai anek ruak  di var ro. Ong Lê Văn Chín brei thau: "Yaok thun urang jakar thú y hu mai brei jru pruh, jru klauk pacang ruak. Njauk pacang caga dahlau, kayua ruak tamuh tabiak ye kan si pasiam hu. Yau ye tapon limo di ong Phước daok gah likuk sang dahlak, ong nan raong min takik klauk jru pacang nan ye tapon limo di ong bhian ruak miat. "

    Huyện Tân Hồng urak ini hu tapon limo kubao labaih 14 ribau drei, tapon pabui labaih 37 ribau drei saong tapon menuk ada 450 ribau drei. Dalam nan, tal urak ini hu klauk jru mbang 1 ka labaih 30% dom tapon tui bruk ba tabiak. Lingiu di nan,

dalam huyện daok hu 5 labik pablei salih limo, kubao. Di dom labik nan, urang

jakar Bilai raong glang saong thú y jeng bhian nao pasang iek, kakei brei ngak catang bruk pruh jru pametai anek ruak saong klauk jru vacxin pacang caga ruak. Ong Đỗ Thanh Ngọc, urang dang akaok bilai raong glang saong thú y huyện Tân Hồng lac: "Bilan jeng hu pambuak bruk haong Trạm kiểm dịch biên giới peih bruk tui iek tapon menuk ada athur raong ba tame huyện piah tapa nan brei klauk jru pacang caga dom janih ruak, khik kajap bruk vệ sinh thú y."

Urak ini, dalam dom tỉnh di negar Campuchia daok hu jit cúm menuk ada, jit laka cambuai tapaok kakau di tapon athur raong saong mbuan pambak tapa Việt Nam. Kayua yau nan ye bruk pacang caga ruak di gah raong glang thú y saong bhap bini biak hu makna  dalam bruk patrun patakik khat lihik kayua jit ruak hu daong ngak brei tani tanat tapon athur raong dalam huyện.

Urak ini trạm kiểm dịch động vật pabah mbang negar jeng hu pambuak bruk haong Trạm thú y huyện Tân Hồng daok pasang iek bruk pablei salih, sik ngak ralo di dom cơ sở dalam huyện. Lingiu di nan, daok hu brei urang jakar nao tui iek bruk pajeng batapa pabah mbang negar piah oh caik ka jit ruak laka cambuai tapaok kakau nyu njom mbak.

Jit ruak dalam raong glang tuk halei jeng lac bruk duh hatai di urang raong dalam tuk yaom limo kubao di darak pasar daok trun. Min oh brei harak adat kiểm dịch tapa biên giới oh ka lac jalan siam piah pasang iek hu jit ruak. Dalam tuk nan, bruk pablei salih menuk ada, athur raong tapa biên giới daok lac sa bruk oh kurang hu di huyện Tân Hồng. Kayua yau nan ye, ini meda lac jalan piah pambak ruak meng bhum taphia negar./.