Bi quyet dak padang haniem phuan di urang kumei jak.

Pathau mikva saong grauk yut !  Sa urang kumei naih joi, ginup meda, hu angan je oh njauk lac urang halei jeng hu haniem phuan. Min sa urang kumei jak gheih tuk halei jeng thau pilih ruah ilamu dak padang haniem phuan ka rup drei. Kadha vak ali ini di Kiều Ly vak angaok báo Tiền Phong brei thau ka bruk ini: 

-Jak di abih lac dom urang kumei maong mboh hu yaom di drei. Yaom lac urang mek công sở ngak labik bui sambai atau urang mek baoh sang ngak libik pataok ye urang kumei jeng maong pasang likei, anek bhik saong baoh sang lac biak praong. Dom thun bilan njauk hatai gauk, anit ranam gauk nao tapa likuk tuk halei oh maong tabiak. Ini jeng lac tuk dom urang nan sahaneng mboh drei hu dua raidiuk. Sa lac sang saong sa tra lac caong khin dalam raidiuk. Sang lac libik nao -mai, hu anit ranam anek, hu pasang iek pasang likei. Caong khin dalam raidiuk lac tuk halei jeng caong khin hu ranaih veik ye tuk daok dam dara, yaom lac tuk mbuk oh daok jhuk, kalik oh daok catang siam, umo thun taha brei mboh di mbaok, di meta… Dom urang nan caong drei tuk halei jeng ranaih, min jeng khik hu libik dang di sa urang amaik, urang diuk.

-Urang kumei meda hu haniem phuan tuk duah hu caong khin dalam raiduk. Oh hu jalan ngak dreih yau gauk halei ka sa baoh sang haniem phuan atau sa hatai anit gauk khang kajap. Abih janih jeng mai meng dom urang dalam bruk nan. Urang kumei jak oh ngak osin ka pasang, oh ngak baoh jamriak tui hatai anek. Bruk praong di urang kumei lac menek anek saong ngak amaik. Urang kumei thau ngak ka pasang klah rabha trach nhiem saong dui ba pasang tame daong pasang iek, khik ramik haniem phuan ka baoh sang. 

-Urang kumei jak thau anit pasang, anit anek, min oh var rup drei. Urang thau pabak ka bruk ấm áp di sang jeng ye oh var libik dang dalam xa hoi di drei. Urang thau ngak mbang saong padhieh pahday, thau bui mein, giải trí, tok hu yau nan meng yam tapa hu bruk palai pajoa di tukvak, di dom trach nhiem bo urang ndua naong.

-Urang likei, yaom lac daok di labik halei dalam xa hoi, libik dang glaong atau bair, meda atau kathaot jeng caong khin hu sa urang diuk, urang kumei dalam raiduk njauk lac “ nội tướng”, gheih kuhria abih bruk dalam sang, patak pataom saong pasang iek dom urang dalam sang, min tuk halei jeng chreih chrai, bui sambai, siam binai./.