Bi thu chi bo palei jak ba bhapbini patruh eik patrun kan kathaot
_Palei padra, xã Phước Thái, huyện Ninh Phước, tỉnh Ninh Thuận urak ini hu 367 sang saong labaih 2000 urang, hu 2 bangsa yun saong Cam, dalam nan bhapbini Cam meblah jaik 95%. Dom thun jaik ini palei padra daoh salih ia mbaok: labaih 80% jalan mbak dalam palei hu tuh betong; palei oh daok sang taik tahak, oh daok sang eik lipa, sang kathaot urak ini tok daok 0,6%; raidiuk di bhapbini dak harei dak hu paglaong. Hu yau nan lac meng hu bruk jak ba bhapbini patruh eik patrun kan kathaot di amuk Sử Thị kim Loan, urang kumei bí thư chi bộ palei Padra. Dalam kadha “ greih camin palei negar “ harei ini daa mikva saong grauk yut pang kadha vak angaok harak báo kapul urang kumei VN yaih khan ka kreh camin bí thư chi bộ ini.
Nan lac bruk ngak hu meng bruk salih janih phun pala njauk, pandar alamu
barau tame pala drak gam saong ngak siam bruk dak padang raidiuk ilimo, trun bruk patagok dan so…bo urang ba akaok, nao dahlau dalam dom bruk ngak ini, lac amauk Sử Thị Kim
Loan, Bí thư chi bộ
palei Padra. Amuk brei thau, bruk hagait tuk camereip ba tabiak jeng gaok kan kandah
kayua bhapbini huac salih, huac oh njauk. Kayua yau nan ye, amuk njauk jak ba
urang jakar, urang đảng saong rup amuk njauk ngak dahlau.
Yau bruk pandar mô hình “ 1 njauk, 5
trun” saong tam drak tui talei dalam bruk ngak padai, amuk lac sa dalam dom sang akaok
meti di palei peih ngak. Hadei di bilan yuak akaok mereip brei năng suất glaong
di thun 2011, bhapbini dalam palei meng jia tame saong ngak tui. Urak ini, 50%
taneh ngak padai di bhapbini palei Padra hu pandar mo hinh “ 1 njauk 5 trun”, tam
drak tui talei…Rilo bhapbini hu blei pajaih xác nhận piah pala drak, trun takik
bruk mek padai ngak brah mbang piah ngak padai pajaih, nan ye năng suất padai
hu meng 65 tal 70 tạ sa hecta. Dom mô hình raong glang tui trang trại sang yau: raong pabo, pabui, menuk
ada daok cakrok khang. Piah ka bruk bhapbini jum pataom daong gauk patagok kinh
te sang hu pambak praong, hu kein laba saong khang kajap, bí thư chi bộ palei
Padra Sử thị Kim Loan tuk halei jeng sangka patagok labik dang di dom kapul nyom,
parabha bruk cambaih laih yau ye : urang nong iek gah tacei pato bruk raong
glang, pala drak; dam dara iek gah pachreih bac, pato megru; urang kumei iek
gah phun jien mesraiy, padang kalup kapul, tổ, nyaom urang kumei daong gauk
patagok kinh te saong bruk dan so ke hoach hoa gia dinh. Meng dom phun jien
mesraiy saong bruk daong di dom kapul, nyaom, dom sang dalam palei dak harei
dak tani tanat bruk pala drak, hu bruk ngak mbang, paglaong jien mek tame.
Tui amuk Loan, sa dalam dom bruk ngak
praong, hu maong lac đòn bẩy piah patruh eik patrun kan kathaot saong patagok
kinh te di palei lac bruk dan số - ke hoach hoa gia dinh. Bhapbini palei Padra
dahlau thiah ndih tapui rilo anek, tốc độ patagok dan số samal ngak ka raidiuk
kan kandah, anek bhik oh hu nao bac da-a. Meng jhul khang bruk pathau khan jak
ba, nan ye urak ini dom diuk pasang dalam umo menek mabhaoh hu ngak siam bruk ke
hoach hoa gia dinh, ty lebruk patagok dan so urak ini tok daok 1%, Amuk Loan
brei thau yau nan. Urak ini, palei hu 13 mo hinh kalup kapul saong to, nyaom ye
: kalup kapul “ 5 oh, 3 hacih”, kalup kapul urang kumei daong gauk tín dụng,
urang kumei daong gauk patruh kathaot, tổ pachreih nong…ini lac dom hạt nhân
pathau khan paglaong akaok sahaneng saong daong ka bhapbini patagok kinh te,
dak padang raidiuk ilimo.
Labaih 10 thun ngak bruk kapul nyaom, amuk
Sử Thị Kim Loan, bí thu chi bo palei padra lac urang jakar, urang Dang hadah
krah, ba akaok nao dahlau, bih hatung hatain, tuk halei jeng hu bhapbini anit
ranam./.
Viết bình luận