Hatai jum pataom bangsa meda daong ka taneh ia yam tapa yaok kan kandah

Ndom biai haong báo chí di tuk pahadar 91 thun Harei Mặt trận Negar Việt Nam (18/11/1931 - 18/11/2021), Bí thư Trung ương Đảng, Akaok Ủy ban Trung ương Mặt trận Negar Việt Nam Đỗ Văn Chiến brei thau: “Hatai jum pataom bangsa meda daong ka taneh ia yam tapa yaok kan kandah. Dom kan kandah meng blaoh di jit praong COVID-19 lac sa bruk brei mboh cambaih. Harei roya Jumpataom bangsa hu peih tabiak di dom labik bhap bini daok di dalam taneh ia njauk di tuk pahadar Harei padang Mặt trận Bangsa yasa Việt Nam – Harei Mặt trận Negar Việt Nam lac tuk piah ka yaok bhap bini dalam labik daok hadar viek dom bruk meng kan dalam sajarah di Mặt trận Negar Việt Nam, lac tukvak urang daok atah hu mai viek palei, jeng lac tukvak piah ka rahra ba gauk pasang iek veik, taong yaom veik dom hu bruk ngak dalam thun, dom bruk siam saong ka oh siam, meng nan ngak jeng bruk pachreih tui, ba gauk padang ngak dom labik daok sron mbon, cak rok patagok”.

Tui Bảo hiểm xã hội Việt Nam, tal abih harei 16/11, hu jiak 11,8 triệu urang ngak njauk kan kandah kayua jit prong Covid-19 taduan hu bruk dong meng kadung jien Bảo hiểm thất nghiệp song pok jien dong labaih 28 ribau tỷ đồng. Mintri Lao động - Thương binh và Xã hội brei thau, hadei di tuk hu pok jien dong 38 ribau tỷ đồng tui sarak 116, jien labaih di kadung jien Bảo hiểm thất nghiệp jeng dok hu rilo jang 2 mbang yaom jien pandar cai di thun dahlau di nan. Ni lac bruk siam, khik kajap salamad.

Anak bruk njom mbak jit ruak COVID-19 daok tagok khang gilac, bier harei kabroi (17/11) Sang iek ruak Quân y 175 - Mintri Quốc phòng brei pabak 60 bác sỹ, điều dưỡng patui bruk daong dom labik y tế di Ban raya HCM piah salih ka dom kapul quân y trung ương ngak salah bruk, nao viek gah Barak. Kapul y tế daong ka Ban raya HCM lac dom y bác sĩ, điều dưỡng gheih bruk ngak, hu rilo ilamu mai meng dom kapul naih gheih di Sang iek ruak Quân y 175, saong bruk njauk biai nan lac, jaik abih dom y bác sỹ, điều dưỡng bhian hu mbaok, rik prein pacang caga jit dalam tukvak tapung glaong meng bloh halain hatain hu mbaok tame kapul quân y mbang ini.

Dom urang ruak bahrau di tỉnh Bà Rịa-Vũng Tàu dok tagok glong, kuhria tal urak ni hu 733 F1 brei dok karei di sang . Bruk brei dok karei F1 pak di sang gaok dom kan kandah , kayua jiak abih dom sang di palei pala jeng oh pabak hu bruk ba tabiak lac hu jaman karei dalam balik song dom F1 brei dok karei di sang oh hu karja palei pasang iek catang…Urak ni dom labik brei dok karei, sang iek ruak dã chiến tok dok meteh pren ngak, nan ye tỉnh ni meda peih bruk brei dok karei, iek ruak ka F0 di sang dalam harei 25/11 tal.

Sở jalan mbak Ban raya Hồ Chí Minh bahrau hu harak pathau khan ka bruk brei ka radaih nduac di dalam ban raya (tui pakat jit COVID-19 di Ban raya Hồ Chí Minh lac pakat 2), meng harei 17/11 tal tuk hu pathau khan bahrau. Bruk nduac radaih pajeng tuai meng radaih mac, radaih mô tô 2 baoh hu pandar công nghệ (radaih ôm công nghệ) brei peih ngak takik, oh tapa meteh dom sruh radaih tui yaok kapul saong ngak njauk tui bruk pacang caga jit COVID-19; dalam tuk radaih kua meng kan jeng daok brei padeih nduac. Dom labik dalam tỉnh meda samar drah padang dom Bilai y te nao mai, y tế iek glang online ka F0 piah ka bhap bini oh duh hatai tuk daok karei, taong ruak di sang.

Meng dom phiếu taduan hu biak glaong, Việt Nam hu dom taneh ia di kapul pato pakai Khoa học song ilamu di Liên hiệp quốc – UNESCO palih ruah pok tame Hội đồng chấp hành dalam mbang nyaom di Đại hội đồng UNESCO harei 17/11 di jabat daok di ban ine Paris, Prang. Tapa bruk palih ruah mbang ni, Việt Nam lac mbang ka 5 jeng thành viên di Hội đồng chấp hành, sa dalam 2 jabat tacei ba hu quyền hành prong abih di UNESCO.

Harei 17/11, Yam ndok Gah Y tế liên Mỹ (PAHO) Carissa Etienne brei thau labaih sa mateh rahra châu Mỹ hu ngak salah bruk klauk vaccine caga COVID-19 saong hu brei thau ini lac tanut hu makna praong dalam bruk pacang caga jit ruak biak kan kandah ini. Yaom lac yau nan, min tui amuk Etienne, jeng daok hu rilo glaong biar di dom taneh ia ka bruk klauk jru, abih di nyu nan lac dom taneh ia yau ye Guatemala, Nicaragua saong Haiti bahrau hu klauk ka oh tal 20% rahra hu klauk ginup 2 mbang vaccine caga COVID-19.

Australia bahrau peih danak dak klauk vắc-xin pacang Covid-19 patagok ka bhap bini. Min, meng di tuk vak ni, dom urang ilamu mboh lac, meda cong hu tal 2 mbang klauk oh lac 1 mbang klauk pabak vắc-xin patagok piah dui atah suai lavik prein pacang ruak di vắc-xin. Dalam sa mbanh roh duah ba tagok mbao y khoa Lancet dang akaok dunya, dom urang ilamu brei thau, hadei di 6 bilan klauk vaccine ka 2, prein khik caga meda trun meteh , sa thun hadei di nan dok 40% song dom thun patui di nan daok patrun ./.

Urang lang: Thu Thảo – Hani Pha – 18/11 10:25:35 AM