Pandap panda ngak tabiak meng krem laa

Ndih tapui tabiak saong prong tagok di xã Hát Lót, huyện Mai Sơn (t.Sơn La), meng tuk daok ranaih Dũng bhian randap haong bruk daong amaik ame nao mek phun mạy loi piah ngak paga pacang, ngak pandap panda pandar dalam sang. Hadei di ini, dalam sa mbang nao rivang ma-in Singapore, sa-ai biak takre tuk mboh jaik abih pandap panda, kuan mbang menyum pandar gai njuk meng krem laa salih ka gai njuk ngak meng katak piah khik caga siam ka alam langik tasik. Tuk nan, sa-ai meng saneng tal phun mạy loi di bhum palei drei saong saneng tal bruk ngak tabiak gai njuk meng phun ini. 

Tui sa-ai Dũng, phun mạy loi lac janih krem tamuh jeng mbu, rup njuak, sit yau phun trúc, gul vin samu gauk, phun praong meng 2 - 3 cm biak lagaih piah ngak gai njuk. Janih phun ini hu rilo dhar sit, hu phun hu 10 - 15 dhar praong jaik samu gauk tamuh tabiak meng rilo gha nan ye bruk pataom mek phun ini saong pabam ka mbang hadei biak mbuan, laghaih. Yau nan min, phun mạy loi hu hàm lượng saradang glaong jang dut haong dom phun pajaih krem, laa karei dalam tuk ngak tabiak sa-ai oh tuk piah pametai anek ruak, bo kahon piah mek hơi ép abih saradang tabiak, hadei di nan ba tame bluh pacang mok mbang gai njuk. Sa-ai Dũng hu buh jien tabiak blei jamriak sarak piah ngak jeng thaik binguk ka dom pandap alin hadaih ka tuai damuai, jabat halei hu hatai caong khin. 

  Puac thun 2018, sa-ai peih prong công ty hu 7 sang xưởng di bal Sơn La saong dom huyện Mai Sơn, Thuận Châu, Quỳnh Nhai, yaok harei ngak hu 100.000 pandap meng krem dom janih yaok harei. Dom janih pandap urak ini hu gai njuk, hanuai – to – paring, ly menyum aia, ly khik pandiak pabak ka khách sạn, nhà hàng, cửa hàng dalam saong langiu tỉnh. Công ty ngak tabiak tui harak pambuak bruk ka dom jabat pablei tabiak negar langiu yau Nga, Mỹ, Pháp, Canada… Thun 2019, công ty hu jien mek tame jaik 2 tỷ đồng saong ba bruk ngak ka labaih 200 urang dalam palei, dalam nan rilo meng lac urang kamei, urang đoàn, dam dara. 

Ndom ka bruk daok kuhria ngak di anak tal, sa-ai Dũng brei thau, sa-ai pataom tame ngak pandap panda piah alin hadaih, pandap siam ka alam môi trường saong peih prong darak pasar blei pandar dalam negar. Thun 2020, ta-eng janih gai njuk krem laa, công ty di sa-ai kham ngak hu 50 triệu mbaik gai. Bruk ngak tabiak dom janih pandap meng krem laa di sa-ai Lê Tiến Dũng nan lac jalan padang mbang angui, dam dara ngak mbang naih jioy di tỉnh Sơn La./.

Urang lang: Jasi-13/7