Danak dak điện hangin di  xã Bàu Cạn, huyện Chư Prông, tỉnh Gia Lai

Biar harei kabroi 24/9, Mban tacei jalan pakat negar, pacang caga jit ruak Covid-19 hu ginum biai kayua  Phó Thủ tướng Vũ Đức Đam, Akok mban tacei ba dang akaok bruk.  Mban tacei ba mboh lac, urak ini Viet Nam hu 4 jalan mbuan njom mbak ruak praong, nan lac: Dom urang tame negar suan hukum; urang tame njuak tui hukum min ngak oh njauk tui dom bruk ba tabiak brei daok karei, tui iek y tế; ruak daok dalam bhap bini; dom pandap bei tame min hu ngak tabiak atau pajeng ba tapa dom negar hu jit ruak. Dalam nan, Mban tacei pato njauk sahaneng yau gauk ruak mbuan njom mbak praong abih lac meng dom urang tame negar suan hukum, oh ngak njuak tui dom bruk brei daok karei, tui iek y tế. Dom urang ngak bruk di Mban tacei jalan, urang ilamu langyah, ba tabiak dom kadha bac megru hu tapa bruk pacang caga jit dalam tukvak tapa, abih di nyu lac di Đà Nẵng, tuk jit ruak pambak praong dalam dom khoa taong ruak ka urang ruak trak, dom sang iek ruak oh ngak njauk tui dom bruk ba tabiak pacang caga jit yau nan ye hadei di 2 dit meng  duah mboh. Yau nan ye, tukvak anak  tal, brei patui bruk pacang caga urang tame negar suan hukum.

Meng harei ni, ban Đà Nẵng salih tapa pasang iek hu bruk njom mbak ruak, yaok bruk hu peih veik yau dahlau. Thừa Thiên- Huế jeng brei thau lac klaak bruk pacang menuac song radaih mai meng dom bhum jit.Tui nan, tong abih dom bruk brei padeih piah pacang caga jit COVID-19 hu peih ngak veik min brei hu panuac sinya song peih ngak dom jalan pacang caga jit tui hukum.

Tapa 5 thun peih ngak danak dak pambuak bruk pablei salih vaktu 2016 – 2020 saong pambuak bruk ngak tabiak pandap panda saong blei pandar  di Ban raya HCM saong dom tỉnh, ban Đông - Tây Nam Bộ, mbiah tal urak ini, hu 28 doanh nghiep pablei pandap khik tani tanat yaom kaom di TPHCM buh jien tame ngak 47 sang mac, labik ngak tabiak; 63 trang trại raong pala di dom tỉnh, ban Đông - Tây Nam Bộ, ngan saong phun jien abih tih 18 ribau tỷ đồng. Dom doanh nghiệp pambuak saong gauk, brei phun jien dahlau ka urang nong raong, pala, blei pandap ngak tabiak 3.200 tỷ đồng sa thun. Danak pambuak hu padang talei pambuak bruk pablei salih di taong abih gah, pambuak bruk ngak tabiak saong blei pandar, khik tani tanat yaom kaom di darak pasar, rik daong bruk blei kaya nong di urng. Tukvak anak tal Ban raya HCM pataom tame daong bruk blei dom janih kaya nong, kaya đặc sản, hu tanut pandap sa-at, raong pala tui jalan VietGap, GlobalGap; pamaong tal bruk padang angan je ngan saong dom janih kaya nong, kaya đặc sản di yaok bhum palei dalam negar.

2 danak dak điện hangin, hu công suất abih tih 100MW hu peih padang ngak di  xã Bàu Cạn, huyện Chư Prông, tỉnh Gia Lai- labik ngak te  meng jaman Prang. Nan lac danak dak Điện hangin Patagok bhum ceik di Công ty cổ phần điện hangin Chư Prông, song danak dak  Điện hangin  Chế biến Tây Nguyên di Công ty cổ phần năng lượng hangin Chư Prông, tỉnh Gia Lai. Yaok danak dak hu công suất 50 MW, abih tih phun jien buh tabiak ngak labaih  3.600 tỷ đồng, tui kuhria hu ngak salah bloh dalam thun 2021, ngak tabiak 320 triệu triệu kWh điện/sa thun. Po padang ngak cong khin lac, ini meda lac danak dak pabak ka rilo bruk,  gam ngak tabiak điện năng, gam padang bhum te  Bàu Cạn jiak  100 thun dak rai  jeng sa labik rivang me-in.

Urang likei peih radaih angak jalan Nguyễn Tri Phương, quận 10- TPHCM njauk phun buac gha jaleih kateik urang nan metai pege ini. Biar harei kabroi 24/9, dalma tuk langik hajan khang, urang njauk phun kayau praong taha glong labaih 30met,  praong jaik 1 met buac gha, kateik njauk saong hu công an ba tame Cấp cứu tại Bệnh viện Chợ Rẫy  njauk chấn thương glo akaok trak. Yaom lac hu dom urang y bac sỹ kham daong iek min urang oh tapa truh. Gah meraong urak ini bhaon hu hajan hangin gaving khang di biar harei yau nan ye mikva nao jalan njauk brei caik hatai, piah plaih di bala kayua phun jaleih kateik.

Ban Thanh Đảo, Trung Quốc bahrau tabiak panuac  lac duah mboh  2 urang njom  SARS-CoV-2 lac dom urang ngak bhian hu mbaok cakaong pandap kaya ikan liar nhập khẩu. Lô pandap blei tame kayua  2 urang ngak ni cakom jeng hu niêm phong. 1440 janih pagam tal  pandap kaya ikan blei tame ni, dalam nan hu dom  janih dalam langik tasik hu ba nao duh iek song sa binah dalam nan mboh dương tính song SARS-CoV-2. Ni jeng lac dom urang njom virus SARS-CoV-2 biak takik mboh,  meda lac mbang camereip bo gah  Trung Quốc brei thau hu pagam tapak tal pandap li ar blei tame, kayua gah Y tế dunya (WHO) hu ndom lac, oh ka mboh urang halei njom  Covid-19 tapa pandap mbang song kadung mbao.

Mentri An ninh Nội địa Mỹ urak ini likau brei tani tanat tukvak thị thực ngan saong sinh viên dunya tok daok meng 2-4 thun. Sarak birau ini meda ngak kan kandah rilo ka sinh viên dunya tui bac dom danak dak hadei bac salah đại học, abih di nyu lac tiến sĩ, bhian dui atah tukvak labaih 4 thun di Mỹ. Hu tal labaih 88.000 sinh viên dunya tut angan dom mbang bac hadei đại học di Mỹ meng thun blaoh. Dom sang bac di Mỹ dak harei dak daok takik sinh vien negar karei tuk urang palih nao bac di Canada, Anh saong Australia.

Hoàng Chi Phong- lac sa dalam 2 urang padang đảng Demosisto njauk yah klaak di Hong Kong, njauk chap kreik di harei 24-9 song cáo buộc hu mbaok dalam sa mbang pataom gauk suan hukum dalam thun dahlau. Bruk chap khik rah tabiak dom bilan hadei di tuk hukum an ninh negar hu batabiak pandar di Hong Kong. Cảnh sát jeng  lac saai  ngak suan hukum pakauk cuk patiah pacang mbaok dalam tuk hu tame bruk trun jalan./.

Urang lang: Ái Nghiêm – Hani Pha – 25/09 10:31:54