Dom adei taduan hu rilo pandap panda piah kh

Thủ tướng Rajaei brei alin Giải Ameh Chất lượng pakat negar thun 2020 ka 21 doanh nghiệp saong Giải thưởng Chất lượng pakat negar 2020 ka 40 doanh nghiệp. Dalam 21 doanh nghiệp hu taduan Giải Ameh Chất lượng pakat negar hu 11 doanh nghiệp ngak tabiak pandap panda praong, 7 doanh nghiệp sit saong mbiah. Dalam 40 doanh nghiệp taduan hu Giải thưởng Chất lượng pakat negar, hu 10 doanh nghiệp ngak tabiak pandap panda praong, 23 doanh nghiệp sit saong mbiah; 1 doanh nghiep dịch vụ praong; 6 doanh nghiep dịch vụ sit saong mbiah. Giải thưởng Chất lượng pakat negar lac sa bruk pok meyaom yaok thun pakat negar di Thủ tướng Rajaei brei ka dom kapol nyaom, doanh nghiep ngak mbang naih ghieh abih dalam bruk ngak tabiak pandap, pablei salih saong dịch vụ; paglaong labik dang di pandap panda, dịch vụ di Việt Nam, pakhang prein meriak gauk, yam tame darak dalam taneh ia saong dunya; dak padang ilamu, ngak tabiak rilo pandap, asar siam dalam kapol nyaom, doanh nghiep piah rik daong tame jhul pakhang bruk cak rok patagok kinh tế - xã hội di taneh.

Bier harei 22/12, di sang bac Đại học Tây Nguyên, kadung jien bac Vừ A Dính peih bruk jao brei 155 pok jien bac ka anek saih, sinh viên bangsa yam tapa kan kandah pachreih bac megru tỉnh Đắk Lắk. Amuk Trương Mỹ Hoa - dahlau deih ngak  Phó akaok negar  Cộng hòa Xã hội Chủ nghĩa Việt Nam, urak ini pan akaok kadung jien bac Vừ A Dính song H’Hen Niê - urang kamei siam binai pakat dunya di Việt Nam thun 2018 hu mbaok di danak dak.Pak ni, 85 anek saih pakat  phổ thông hu taduan pok jien bac yaom  1 triệu đồng yaok pok; 70 sinh viên đại học,cao đẳng taduan hu 1,5 triệu đồng yaok pok. Dom adei jeng lac urang bang takik  yam tapa kan kandah bac megru naih joi.Langui di pok jien bac, dom adei dok taduan hu sa pok pandap dalam nan hu , balô, tapuk, kalam, binh ia, khan aow .Urak ni, kadung jien bac Vừ A Dính hu 4 danak dak prong lac Pabam pajaih ka harei hadei, pambuak seok cong khin, peih jalan tal harei anak tal song dong ka sinh viên, hu labaih 1.000 adei dok hu mbang tui..

Meng akok thun mbiah tal ini, anak bruk kan ndah kayua jit Covid-19 pambak tal bruk blei BHYT di bhap bini. Piah bruk blei BHYT dalam bhap bini hu tal 89,61% bruk ba tabiak di tỉnh, huyện Tuy Phong, tỉnh Bình Thuận langiu di pataom tame tacei pato catang, peih ngak dom bruk pathau khan, jak ba bhap bini blei BHYT daok jak ba dom urang ngak pahala, kapol nyaom, doanh nghiệp dalam saong langiu  huyện daong phun jien, blei alin thẻ BHYT ka bhap bini. Dalam thun, huyện jak ba hu labaih 482 trieu đồng blei 6.536 thẻ BHYT ka dom baoh sang kathaot, kan kandah dalam huyen.Yau ye  Công ty cổ phần Điện hangin Thuận Bình daong 70 triệu đồng, Công ty cổ phần năng lượng tái tạo 50 triệu đồng…Tal kreh bilan 12/2020,Tuy Phong jak ba bhap bini blei BHYT hu 93% bruk ba tabiak di tỉnh.

Mban khik ramik jalan pasei đô thị TPHCM  brei thau  tal harei  22-12, dom urang  thầu,kỹ sư,urang ngak hu ngak bloh danak dak  sang ga ala mbaok haluk Ba Son, jalan metro ka 1 (Bến Thành - Suối Tiên). Urak ni dom jabat  padang song bayar ka  sang ga song lubang. Sang ga Ba Son di jalan metro ka 1 hu padang ngak 2 tal gah ala mbaok haluk (atah 240m, gar  34,5m, dalam 17m). Urak ni, urang thầu caga padang ngak veik cảnh quan tạm ka labik ni. Langui di nan, dom bruk dok veik  amngaok mbaok haluh jeng hu ngak salah bloh  song caga ngak pasiam mbaok gah langui

Sang iek ruak Dã chiến Củ Chi, Ban raya Hồ Chí Minh brei thau harei 22/12, urang ruak ka 1342, lac likei, umo 28 thun ngak bruk duh tuai ndik kapal haok Vietnam Airlines tapa dut iek ruak mboh âm tính saong SARS-CoV-2, dhit abih ruak saong brei daok karei 14 harei njuak tui bruk ba tabiak di karja. Ngan saong 3 urang ruak F1 saong F2 di urang likei duh tuai ndik kapal haok lac urang ruak ka 1347 jeng dut iek mboh âm tính saong brei daok karei dalam 14 harei tui bruk ba tabiak di karja.

Urang hu pok ngak Tổng thống Mỹ Joe Biden harei kabroi (22/12) hu panuac sinya kham merat piah ka sa pok jien pachreih ba kinh tế karei jeng hu brei tapa di  Quốc hội Mỹ hadei di tuk ong tame  Nhà Trắng dalam thun tal. Brei panuac di var họp báo, ong Bai-đừn tong yaom glong bruk bo 2 đảng dalam Quốc hội bahrau ni mek hu thỏa thuận ka kadung jien karja dong kinh tế hu yaom 900 tỷ đô la song ndom lac rajaei  Mỹ hu ngak rilo jang gac piah dong ka dom doanh nghiệp song bhap bini Mỹ.Ong Bai-đừn jeng hu panuac khan,“dom tuk vak sup palup” di jit prong dok di gah anauk.

Sa tóa án di Rio de Janeiro (Brazil) brei chap mek ong Marcelo Crivella thị trưởng ban raya kayua duis dang akok kapol tội phạm peih ngak dom bruk mbang jien padai, tham nhũng saong duah laba ka drei eng tui rilo jalan. Jeng njauk chap mek dalam bruk nan daok hu 6 urang ngak praong karei di Rio de Janeiro. Tapa duah thau, kapol tội phạm ini jak ba rik tame oh njauk hukum takik abih lac 50 trieu real, sumu jaik 10 trieu USD, tapa dom harak pambuak bruk di dom doanh nghiep saong Riotur.

Mai meng bruk yaih khan lac sa jalan taong ruak ka virus SARS-CoV-2 song hadei di nan hu salih angan jeng "jru patagok miễn dịch",Hãng jru Patanjali Ayurved di Ấn Độ brei thau urang pablei hu 2,5 triệu mbang Swasari-Coronil dalam tukvak meng bilan 6 tal bilan  10 di London,Anh.Min,dom urang ilamu Anh ndom lac jru phun kayau ni meda lac oh hu rik dong hagait piah patagok hệ miễn dịch di rup pabhap piah pacang veik COVID-19. Bhap bini jeng hu kakei lac oh eng drei blei dom janih jru bo oh hu panuac tacei di  bác sĩ./.

Urang lang: Bhumi -Hanipha-23/12 

am merat bac daa