UB bhap bini tỉnh Đồng Nai birau brei padang 10 balai pasang iek jit ruak Covid-19 dalam tỉnh

Tui Mentri Y tế page ini 2/6 hu 53 urang dương tính dalam negar di Bắc Giang, Bắc Ninh saong Hà Nội. Yau nan, abih tih urang njom ruak dalam bhap bini meng harei 27/4 mbiah tal ini tagok tal 4.549 urang di 37 tinh, ban. Harei 1/6 klauk hu abih tih 29.773 mbang jru vaccine pacang Covid-19 di Bắc Giang, Bắc Ninh, Yên Bái, Lào Cai.

Bilan 9 anak tal meda peih bruk klauk jru vaccine Nano Covax kayua Học viện Quân y ngak tabiak. Bruk ni hu brei thau di Nyaom biai online  dalam bol bala ba tabiak bruk ngak, jalan ngak samar drah pacang caga jit Covid 19 dalam bol bala tal 187 labik tatua kayua mintri Quốc phòng peih tabiak di dah page 1/6. Tui Trung tướng, GS.TS Đỗ Quyết, Giám đốc Học viện Quân y, dalam bilan 6 ni meda peih bruk klauk iek mbang ka 3 ngan haong dom mau praong, klauk ka labaih 13 ribau urang di rilo tinh, bal dalam negar. Tui GS.TS Đỗ Quyết, hadei di tuk kapul đạo đức taneh ia drei brei tapa saong mintri y te brei adat peih ngak ye dalam bilan 9 meda peih bruk klauk jru vaccine ni.

UB bhap bini tỉnh Đồng Nai birau brei padang 10 balai pasang iek jit ruak Covid-19 dalam tỉnh. Tui nan, tỉnh padang 8 balai pasang iek di dom jalan roya, nan lac: 1A, 1K, 51, 56 saong jalan raya 20. Langiu di nan, daok hu 2 bilai di jalan kraong ribaong jiak TPHCM và Bình Dương. Di pakat huyen, UB bhap bini tỉnh Đ.Nai tacei jalan padang 12 balai pasang iek. Taong abih dom balai pasang iek jit tame ngak bruk meng kreh melam 2/6. Dom radaih saong urang tame tabiak tỉnh Đ.Nai brei khan y te saong ngak tui dom jalan pacang caga jit Covid-19.

Sở pato magru tỉnh Bà Rịa– Vũng Tàu brei thau, UBND tỉnh brei salih jalan pacacah tapa jalan palih ruah tame tal 10 meng pacacah tapa palih ruah, pek tui bruk pasram saong bac daa di anek saih di dom thun bac tal 6, 7, 8 saong 9 di dom sang bac trung học cơ sở. Tukvak palih ruah hu peih tabiak meng harei 10/7 tal harei 30/7/2021, khik kajap bruk samu gauk, tantu, cambaih laih, siam lagaih. 

Piah ngak brei katut panak veik bruk atah di gauk dalam cak rok patagok nyaom urang bangsa biak takik manuac saong nyaom bangsa daok rilo kan kandah dut saong dom bangsa karei, UB bangsa hu padang ngak Danak dak “ Buh tame ngak brei cak rok patagok nyaom urang bangsa biak takik manuac saong nyaom urang bangsa daok rilo kan kandah” dalam Danak dak pakat negar patagok KT - XH bhum urang bangsa takik saong bhum ceik vaktu 2021 -2030. 16 bangsa biak takik manuac di negar drei nan lac Si La, Ơ Đu, Brâu, Rơ Măm, Pu Péo, Cống, Mảng, Bố Y, Lô Lô, Cơ Lao, Ngái, Lự, Pà Thẻn, Chứt, La Ha, La Hủ. Nyaom dom danak dak, sarak karei nan brei khik ginup pandap panda pabak ka bruk ngak mbang pala drak saong raidiuk di bhap bini, sangka prein yawa ka urang amaik metian saong uranaih umo ala 5 thun gam saong dom urang yeu the; khik ramik sap ndem panuac puac ilamu bangsa.

Gah Y tế dunya (WHO) hu pasang iek, brei pandar vaccine caga Covid-19 kayua Công ty Công nghệ sinh học Sinovac Biotech di Trung Quốc ngak tabiak piah ba tame angan pandar samar drah. Gah Y tế dunya meda brei adat ba vaccine caga Covid-19 di Sinovac tame danak dak vaccine dunya (COVAX) piah pabak bruk pandar samu gauk vaccine ni di dalam dunya, abih di nyu nan lac di dom negar kan kathaot.

Mentri QP Mỹ harei ini brei thau, bol lin taneh ia ini hu ngak salah blaoh jaik meteh bruk ba taong abih urang lin tabiak truh Afghanistan. Mentri QP Mỹ hu pandar labaih 300 mbang kapal haok C-17 pajeng dom pandap tabiak truh Afghanistan saong jao 6 labik ka Mentri Quốc phòng Afghanistan. Tong thong My Joe Biden di bilan 4 hu tabiak bruk brei ba abih lin Mỹ tabiak truh Afghanixtan di harei 11/9, tuk pahadar 20 thun kol khủng bố taong tame Mỹ, ngak ka Mỵ peih bruk mesruh suai lavik abih di drei pak negar langiu.

Harei kabroi, hu takik di nyu 23 urang di cư metai kayua karam glai di tasik Tuynidi tuk dom urang ni kham nao tapa Địa Trung Hải piah nao tal Italia. Kapul khik caga Tuynidi saraong tagok hu 70 urang. Abih tih jeng lac urang di cư mai meng châu Phi. Cao ủy Liên hợp quốc ka urang tị nạn brei thau, dalam thun ni, hu takik di nyu 23.500 urang meng Tuy-ni-di saong Angiêri kham marat nao tapa tasik piah tal châu Âu, dalam nan hu labaih 650 urang matai./.

Urang lang: Thu Thảo – Ái Nghiêm – 02/06 10:21:42