Pathau mikva saong taong abih gauk!

Saai Thành Thị Minh Hiền, umo 40 thun, daok di palei Chăm Phước Nhơn 2, xã Xuân Hải, huyện Ninh Hải, tỉnh Ninh Thuận yaom lac sang oh ka hu labaih hagait rilo min tuk halei jeng abih hatai ngak pahala. Saai ralo mbang blei padai chai jeng brah daong ka mikva tapa bilan ia sua, daong phun jien ka urang kan kathaot, alin hadiah pandap ka anek saih kan kathaot. Ái Nghiêm, urang vak di rayo sap ndom VN hu kadha vak ndom ka kreih ginu urang kamei bangsa Chăm hu baoh hatai siam ini:

Kinh tế baoh sang mai meng bruk ngak padai, raong glang saong jhik gia công khan bai. Jien mek tame yaok thun di baoh sang saai Thành Thị Minh Hiền jaik 50 triệu đồng, nan lac baoh sang mbiah ginup dalam palei. Yaom lac oh ka biak kaya meda min dom thun tapa, saai Hiền jeng abih hatai ngak bruk pahala. Thun bloh, saai daong mikva bangsa Chăm daok di xã Xuân Hải ngak pasiam veik labik paling Yang jaik 40 triệu đồng. Thau hu dom kan kandah di mikva labik ini, diuk pasang saai Hiền ginum gauk blei limo menek saong yaom jien jaik 50 triệu đồng, brei ka baoh sang kan kathaot nyim raong. Tuk limo menek ye baoh sang nan mek limo nek raong saong brei drei limo amaik ka baoh sang karei raong.

Dalam mbang ia sua thun 2011, saai blei 3 tấn padai chai jeng brah alin hadiah mikva bangsa Chăm njauk khat lahik. Yaom jien blei padai daong nan kayua diuk pasang saai patak pataom meng yaok pluh thun tapa. Yaok thun saai daok alin hadiah brah ka 25 baoh sang kan kathaot dalam xã tuk bilan eik Ramưwan, harei roya saong ralo paok pandap yau bột nêm, menyek mbang, mì ka mikva tuk gaok kan kandah. Thun 2013, saai hu daong ka baoh sang kan kandah, urang taha daok sa drei 6 triệu đồng piah pasiam sang danaok. Anit ka dom kamuan dalam palei drei kurang mbang, kurang cuk, yaok thun meng yaom jien saai patak pataom hu, blei tapuk siphau, khan ao alin hadiah ka dom kamuan labaih 5 triệu đồng. Saai Hiền saong baoh sang ngak bruk pahala oh lac ban ơn, thương hại urang kan kandah, bo lac bruk daong pren ka urang kan kathaot yaom tapa kan kandah. Saai Thành Thị Minh Hiền lac:

“Sap Chăm”

Taong yaom ka saai Hiền, saai Thành Thị Phòng, akaok kapul urang kamei palei Phước Nhơn 2, xã Xuân Hải, huyện Ninh Hải, tỉnh Ninh Thuận lac:

“Sap Chăm”

Labaih 100 triệu đồng piah ngak bruk pahala daong ka urang kan kathaot dalam labaih 15 thun tapa, yaom jien ini ngan saong dom baoh sang kaya meda oh lac praong, min ngan saong diuk pasang saai Thành Thị Minh Hiền biak njauk iek praong, njauk pok meyaom. Saong biak njauk pok meyaom jang di labik lac anek menuac hu baoh hatai siam tuk halei jeng sahneng tal urang kan kathaot piah ngak bruk pahala di saai Hiền saong baoh sang./.