Bruk dui pachreih phun jien đầu tư taneh ia lingiu tame tỉnh urak ini daok hu rilo siam mekre. Bruk padang ngak saong patagok dom khu công nghiệp praong dalam tukvak tapa pabak hu hatai caong di dom urang đầu tư, nan ye dom dự án bhian đầu tư tame dom khu saong cụm công nghiệp. Bruk ini gam lagaih haong jalan dui pachreih đầu tư khang kajap di tỉnh, gam pabak hu bruk khik caga môi trường. Dom gah hu pren khang dui pachreih đầu tư yau công nghiệp phụ trợ, điện tử, jamriak, jru tavao, hóa chất, pablei salih, dịch vụ... dak harei dak hu rilo doanh nghiệp sangka. Ong Mai Bá Thước, Phó Giám đốc Sở Kế hoạch saong Đầu tư tỉnh Bình Dương brei thau: "Sở Kế hoạch đầu tư jeng hu panuac daong ka Ủy ban tỉnh patabiak bruk salih bahrau danak dak dui pachreih đầu tư, salih bahrau jalan pasang iek, taong yaom bruk đầu tư, rami ramik dom dự án tame khu công nghiệp praong. Ngak siam bruk ini, nyu rik daong ka Bình Dương tani tanat, cakrok patagok khang kajap"

Anak meta mboh lac, dom dự án FDI daok ngak brei salih bharau bruk ngak kinh tế di tỉnh Bình Dương tui jalan cakrok patagok bruk ngak kong- dịch vụ, patrun bruk ngak nong. Kuhria tal puac thun 2017, bruk ngak kong saong dịch vụ meblah tal labaih 89% dalam cơ cấu kinh tế di tỉnh. Min, tui taong yaom bruk dui pachreih đầu tư di Bình Dương jeng oh ka samu haong pren khang , kein lagaih di tỉnh. Kayua lac, phun jien đầu tư tagok samar min oh ka biak khang kajap, hàm lượng tri thức dalam yaom pandap jeng daok biar. 

Kayua yau nan ye, danak dak salih bahrau dui pachreih đầu tư tukvak meng thun 2016-2020 di tỉnh ba tabiak bruk dui pachreih khang phun jien FDI meng dom tập đoàn kinh tế praong di dunya, abih di nyu nan lac buh jien tame ngak mbang dom gah hu hàm lượng công nghệ glaong, hu yaom tagok glaong, siam ka alam môi trường.... saong pataom tame dom khu, cụm công nghiệp hu quy hoạch. Ông Nguyễn Văn Hùng, Tổng Giám đốc Tổng Công ty Becamex, sa doanh nghiệp ngak mbang gah padang ngak hạ tầng brei thau:  "Kol dahlak daok padang sa khu công nghiệp khoa học, công nghệ ngak yau habar piah khik ka dom urang đầu tư hu công nghệ glaong ba mai yaom patagok glaong jang. Kol dahlak jeng hu patagok rilo khu, min piah pabak ka dom caong khin bahrau, ye ini lac sa khu công nghiệp biak praong biak hu yaom glaong, hu cơ sở hạ tầng bahrau piah pabak bruk khang kajap ka bruk cakrok patagok"

Danak dak salih bahrau dui pachreih đầu tư tukvak 2016-2020, Bình Dương ba tabiak bruk dui pachreih 7 tỷ đô la Mỹ phun jien FDI dalam 5 thun saong meng thun 2016 tal urak ini dui pachreih hu jaik 3,8 tỷ đô la Mỹ.  Bình Dương ieu pataom abih gah piah padang ngak pasiam cơ sở hạ tầng kỹ thuật, pasiam bruk đầu tư, salih bharau thủ tục hành chính, langyah dom kan kandah saong ba mbuan lagaih di abih ka doanh nghiệp. Dom jalan ngak ini gam dui pachreih đầu tư gam piah pandar phun jien FDI hu kein laba di abih. Ong Trần Thanh Liêm, Akaok UB bhap bini tỉnh Bình Dương brei thau:  "Rajaei brei adat ka tỉnh Bình Dương peih praong taneh dom khu công nghiệp, urak ini tỉnh daok tacei ka dom urang đầu tư ngak dom bruk giải phóng mặt bằng saong padang ngak hạ tầng, kỹ thuật padang quỹ taneh ka dom urangđầu tư mai pasang iek. Mbiah tal urak ini, quỹ taneh di tỉnh daok caga da-a dom urang đầu tư mai ngak mbang"

Bình Dương urak ini hu 29 khu công nghiệp praong abih tih jaik 12 ribau 800 hecta, dalam nan hu 26 khu công nghiệp daok ngak bruk, saong taneh brei pah hu labaih 72%. Tỉnh jeng hu 12 cụm công nghiệp prong abih tih labaih 800 ha, taneh brei pah hu labaih 64%. Tal thun 2020 , Bình Dương meda hu 33 khu công nghiệp praong jaik 14 ribau 800 ha. Urak ini, dom khu công nghiệp daok pataom tame ngak cơ sở hạ tầng, caga raok urang đầu tư bahrau tame Bình Dương dalam thun 2018./.