Labik dok trọ di urang ngak tuk halei hu puh ramik hacih saat 

Dom harei tapa, bhap bini dalam negar dok ngak catang bruk “cách ly toàn xã hội” piah pacang caga jit  Covid-19 tui  tacei pato di  Thủ tướng rajaei . Yau nan min, di rilo labik sang trọ dalam tỉnh, công nhân, urang ngak jeng dok PAtaom gauk mbang menyum me in sambai . Tuk hu tangi sua  ka Chỉ thị 16 di  Thủ tướng Rajaei, rilo urang ngak brei thau urang hu mehit  ka bruk “cách ly toàn xã hội” piah pacang caga jit  Covid-19 nan ye takik tabiak jalan, min urang jeng daok pataom gauk mbang menyum, doh takơ  dalam labik sang trọ piah patrun bruk duh hatai. Rilo urang dok ndom lac, Bình Dương oh ka hu urang njom  Covid-19 nan ye oh hu hagait piah duh hatai, bo duik atau metai nyu hu janji abih ye:

- Oh njauk lac oh huac, min adei saai di pak ni harei lei jeng taom mbaok gauk, oh hu urang di labik karei mai nan ye oh hu hagait piah huac       

-  Urang ngak tok ndom menyai hong urang daok jaik taphia gauk, urak ni gaok gauk bo oh ndom menyai ye oh jeng .

-Urak ni oh nao ngak dok di sang oh thau ngak hagait, takik tabiak jalan ye taom gaok gauk  dalam balik  trọ.

Tame mbang tabung glong pacang caga jit  Covid-19, di dom labik sang dok xã hội Hòa Lợi song Định Hòa di ban sit  Thủ Dầu Một, tỉnh Bình Dương, labik hu yaok ribau urang ngak, mBan điều hành sang dok xã hội gam gam khan brei thau asar kadha di Chỉ thị 16 di Thủ tướng rajaei  tal menuac urang tapa dom loa papar sap. Taphia di  dom rahra thau sahneng ye jeng hu rilo urang dok iek lap , oh ka ngak siam bruk cuk khẩu trang song dok pataom gauk rilo menuac di labik  công cộng. Di dom talei sang, urang jeng daok tapa balik gauk me in , atau ba anek kamuan tabiak labik rilo menuac piah menyai gauk. Saai Nguyễn Thị Ngọc, urang ngak dok di  block A5, labik sang dok xã hội Hòa Lợi brei thau:

"Adei saong dom sang karei oh meda kreik anek luac harei dalam balik, kayua sang dok biak ganiuk, langik pandiak. Adei oh duh hatai rilo,, Bình Dương ngak siam bruk brei daok karei dom urang dok di atah mai song meng negar langiu mai ")       

Anak bruk yau ni, karja dom puk palei di  Bình Dương hu pambuak bruk song po sang  trọ brei tờ rơi, taom gaok yaok urang piah pathau khan ngak tui dom quy định. Saai  Trần Công Danh, po sang  trọ an nhiên di ban sit Bến Cát, tỉnh Bình Dương brei thau, urang ngak rilo meng lac dom urang daok ranaih nan ye takik caik hatai sangka: 

“Hulin mboh dok hu rilo adei saai,  urang ngak oh ka ngak siam. Lac po sang  trọ, hulin kham merat abih drei dalam bruk pathau khan jak ba abih gauk paglong hatai sahneng ba gauk hong  taneh ia  pacang  caga jit ”)

Bình Dương urak ni hu labaih  1,2 triệu urang lac  urang ngak, rilo meng dok di dom labik sang trọ sit sot, jiak gauk. Meyah oh hu jalan pasiam dom tavak tavaiy nan, meda lac kan si pacang hu jit ruak  Covid-19 pambak tabiak bhap bini . Oh lac jak ba paglong hatai sahneng di urang ngak, dom gah  chức năng di Bình Dương brei kham merat pasang iek, hu panuac kakei song hu jalan langyah ngan song dom urang oh ngak tui dom quy định ka pacang caga jit ./.

Urang lang: Hanipha -8/4