Pathau mik va song tong abih gauk! Bình Phước hu biak rilo taneh riya , tài nguyên piah patagok bruk ngak nong, dalam nan hu dom janih phun mbang boh . Tuk vak tapa, rilo bhum praong pala phun mbang boh, rilo hợp tác xã chuyên canh phun mbang boh hu tamuh tabiak. Min bruk pablei pandap jeng dok lac bruk pandiak piah khik kajap bruk cung – cầu di drak pasa jang yau patrun khat lihik ka urang nong. Kadha vak di urang pambuak bruk Lệ Quyên – Phạm Tăng daok di Bình Phước hu ndom tal bruk ni:
Lac tỉnh hu taneh riya, langik tasik siam lagaih piah patagok phun mbang boh, nan ye rilo janih boh kayau pala di Bình Phước yau chôm chôm Thái, kruac bung klik hajao, ma- khut, durian…hu chất lượng oh lah hagait, gaok mai nyu siam jang boh kayau Tây Nam bộ. Thau lac darak pasa caong hu pandap hacih saat, rilo sang bein di Bình Phước dok pala dom janih boh kayau hu yaom kinh tế glong tui jalan pala ngak siam mekre, pambuak song darak pasa dalam song langiu tỉnh piah hu labik dang khang kajap ka urang nong. Min, anak meta mboh lac, bruk pambuak gauk piah hu sa yaom pablei atau duah jalan langyah tuk oh pablei hu pandap oh ka ngak jeng, bo bahrau tamuh tabiak hasit di Hợp tác xã boh kayau Bàu Nghé, xã Phước Tín, ban sit Phước Long. Ong Trần Văn Đương, dok di palei Bàu Nghé, xã Phước Tín, ban sit Phước Long lac:
“Meyah rah tabiak bruk pablei salih kan kandah ye salih tapa ngak kem atau bóc múi, urak ni pandap bóc múi hu khik liar dok hu pablei rilo di darak pasa .”
Meng 400 phun ma-khut, sang ong Nguyễn Văn Thuận sangka iek glang phun tui jalan siam mekre, min tuk halei jeng mboh duh hatai ka yaom kaom tuk tal bilan paik boh. Thun ni jeng yau nan. Ong brei thau tuk bahrau tame akaok vụ, ma-khut pablei hu yaom biak glong, 60 ribau đồng sa kg. Min hadei di nan yaom nyu trun khang, hu tuk trun dok 30 ribau đồng/kg song bruk pablei jeng oh mbuan. Ong Nguyễn Văn Thuận, dok di palei Sở Xiêm, xã Tân Hưng, huyện Hớn Quản lac:
”Ma-khut bo pablei tabiak negar langiu ye hu yaom jang hasit, daok ngak yau ini nyu oh tani tanat. Cong khin karja sangka tal boh kayau hacih, dong hasit ka urang nong.
Urak ni, taneh pala phun mbang boh di Bình Phước lac jiak 9.000 ha, tagok labaih 400 ha dut song tuk vak ni thun 2017. Taneh pala dom janih phun mbang boh tagok kayua tuk vak tapa, yaom dom janih boh kayau dang di tanut glong, dalam tuk yaom dom janih phun pala karei trun beir, nan ye urang nong salih janih phun pala. Min bruk njauk duh hatai urak ni jeng lac bruk patagok biak khang, abih di nyu nan lac dom janih phun hu pasiu yau kruac bung klik hajao, quýt saradang song durian ba tal bruk pablei lac oh mbuan. Kayua yau nan ye bruk duah tabiak jalan pablei boh kayau hacih saat meda dong ka urang nong dalam tỉnh jhul khang bruk sản xuất, paglaong jien mek tame, patagok khang kajap dom bhum palei pala phun mbang boh di anak tal. Amuk Lê Thị Ánh Tuyết, Phó Giám đốc Sở NN&PTNT tỉnh Bình Phước lac:
Sở ngak Nông daok kuhria peih cửa hàng pandap mbang hacih piah pablei njam hacih, boh kayau saat, abih di nyu nan lac dalam tuk patagok bruk ngak nong công nghệ glong. Khol dahlak patagok chứng nhận VietGAP ka njam patam, boh karaoh, abih di nyu nan lac phun mbang baoh
Tỉnh Bình Phước quy hoạch taneh pala phun mbang boh tal thun 2025 tagok labaih 13.300 hecta, pataom tame thâm canh taneh dom phun mbang boh hu jalan tagok di tỉnh yau darang, pa-ok, durian song phun hu pasiu. Bruk roh duah, patabiak dom sarak song jalan ngak cambaih laih piah pambuak gauk dalam bruk pablei pandap, brei hu dom gah chức năng peih ngak samar, piah ka dom boh sang urang nong pala phun mbang boh tui jalan hacih sa-at siam mekre hu sahanang hatai tuk bilan paik boh mai tal./.
Viết bình luận