5 tuk biar harei, 2 sân cỏ di pasak ilamu, Thể thao di Công đoàn tỉnh Bình Phước daok di xã Thành Tâm, huyện Chơn Thành bak abih dom kapul mai ini piah pasram atau pakacah me-in. Yaok harei hu labaih 100 mbang dom cầu thủ tut angan pah sân pakacah tui tukvak. Meyah dalam mùa giải ye tukvak kayua dom kapul eng drei ramik ramik, daok dom harei pasram bhian lac meng 17tuk tal 19tuk meteh. Meng bruk patrun meteh yaom pah sân ka công đoàn viên khu công nghiệp nan ye khu thiết chế ilamu ini dak harei dak pachreih hu rilo urang ngak mai pasram,me-in. Sa-ai Lê Đình Phi, urang ngak di Côngty Besco saong sa-ai Nguyễn Hữu Bình, urang ngak di Công ty Nguyên Vũ, jeng daok dalam Khu công nghiệp Chơn Thành lac: ”dahlau daih tuk oh ka hu pasak ini, kol dahlak njauk nao atah jang, sân bãi klak jang bo jien pah glaong jang, di labik ini hu sân bahrau saong yaom jien pah jeng mbiah haong kadung jien di urang ngak”. “Tuk hu pasak thể thao ini, abih tuk ngak bruk ye adei saai công nhân hu labik me-in bui sambai, pasram pasiam pren yava. Caong lac mBan chấp hành công đoàn dom pakat peih rilo hội thao jang ka adei sa-ai hu mblang me-in hadei di dom harei ngak bruk glaih glar.”

Meyah gah dalam sân cỏ lac bruk me-in pasram bui sambai, pakacah chreih chrai, ye d gah lingiu mblang bein di pasak, lac jalan nduac takai la-ar bingi di rilo urang dahlau daih ngak bol lin saong urang taha, praong thun tuk dah page atau tuk biar harei lingik la-ar. Ong Hồ Trọng Hùng, sa urang daok di xã Thành Tâm, huyện Chơn Thành lac; "Bhian nao maong iek saong cổ vũ ka dam dara, dahlak jeng hu me-in bóng bàn saong cầu lông. Biak lagaih saong biak bui, jeng lac lambaok ka mbaok meta di xã Thành Tâm, huyện Chơn Thành, mboh lagaih saong văn minh lịch sự.”   

        Angaok mblang taneh praong labaih 2 ha, saong yaom jien ngak abih tih jaik 25 tỷ, rilo hạng mục di pasak ilamu, Thể thao di Công đoàn tỉnh Bình Phước hu buh jien tame ngak, yau ye: Hạ tầng kỹ thuật, dom sang pakacah, sang bảo vệ, pabah mbang, daning, paga, pacang khuah padam khuah, pacang caraih… quy chế ngak bruk di thiết chế văn hóa, thể thao daok hu jao ka Công đoàn dom khu công nghiệp tỉnh Bình Phước khik iek piah pandar ka nyu njauk bruk, khik ramik an ninh trật tự, haci hacih saong cảnh quan môi trường. Ong Nguyễn Hữu Đại, Chủ tịch Công đoàn dom khu công nghiệp tỉnh Bình Phước lac: “Piah pasak ngak hu siam jang di anak tal, njauk hu bruk sangka di dom pakat uỷ đảng saong karja, abih di nyu lac tổ chức công đoàn piah ngak rilo jang cơ sở vật chất jeng yau bruk ngak piah dui pachreih rilo urang đoàn, công nhân urang ngak.”

Lac công nhân kỹ thuật di công ty CK - Khu công nghiệp Minh Hưng, yaok harei hadei di tuk ngak bruk bloh, ong Phạm Hồng Thế jeng hu mbaok di sang ilamu urang ngak di công đoàn tỉnh. Hu tuk ong mai me-in haong dom urang di kalup kapul bóng bàn huyện Chơn Thành; hu tuk ong mai piah pasram taong bóng bàn ka anek likei umo 10 thun. Jeng tapa nan bo bruk glaih glar di sa harei ngak bruk dalam xưởng yau par lihik abih. Ong Thế lac: “Dahlak mboh thể thao ngak brei anek menuac hu pren yava, ngak bruk siam jang. Dahlak bhian mai ini me-in, lingiu di nan daok ba anek kamuan mai pasram.”

Meng hu sang pakacah di công đoàn hu padang ngak tui quy chuẩn, haci hacih saong oh mek jien di urang ngak bo bruk ngak di kalup kapul bóng bàn huyện Chơn Thành dak harei dak tagok. Meyah dahlau daih, dalam kalup kapul tok hu 5 urang ye urak ini  tagok tal  30 urang. Lingiu di bruk pasram, paglaong ilamu pakacah, dom urang ini daok halan hatian tacei pato, daong ka rilo urang ngak mboh takre saong me-in janih thể thao ini, Ong Trần Hoài Thanh, sa urang dalam kalup kapul Bóng bàn huyện Chơn Thành brei thau: “Kol dahlak pilih ruah labik ini kayua nyu praong, laneng, lahơi piah caik dom bàn me-in ka nyu lagaih.Biak di nyu, ini lac kalup kapul praong abih di huyện Chơn Thành ini.

Anak meta mboh lac,  sangka tal  bruk me-in bui sambai ka dom urang ngak lac rik daong pasiam veik pren yava, patagok bruk sahneng duah, sáng tạo dalam bruk ngak, dak padang jalan diukrai khang kajap, hu ilamu. Lingiu di nan, nyu daok rik daong patrun patakik di abih dom bruk mbuan ba tal tệ nạn xã hội dalam công nhân urang ngak di dom khu công nghiệp. Piah ka nhà thiết chế văn hóa, thể thao di liên đoàn lao động tỉnh dak harei dak patagok hu abih siam mekre di nyu yau hu padang ngak… ye dom tổ chức công đoàn cơ sở njauk duah thau cambaih hatai caong di urang ngak; peih ngak rilo jang dom bruk ilamu, daoh tamia, thể dục thể thao khang kadang, kein laba ka công nhân, urang ngak hadei di tuk ngak bruk glaih glar./.