Binh Phuoc ieu pataom pren bhapbini padang ngak palei pala barau

            Hadei di 5 thun peih ngak danakdak bruk ngak negar padang ngak palei pala barau, ia mbaok dom bhum palei pala di tỉnh Bình Phước hu rilo salih barau. Jien mek tame yaok tui akaok menuac meng 24 triệu đồng/sa urang thun 2010 tagok jaik 43 triệu đồng/sa urang thun 2015. 20 xã hu pilih ruah piah tacei pato ngak điểm di tỉnh urak ini ngak hu 15/19 tiêu chí xã palei pala barau. Kadha njauk uan tabuan lac bruk padang ngak palei pala barau di Bình Phước patagok hu talei jum pataom saong chủ động di bhapbini. Kadha vak di Thành trung, urang vak di rayo sap ndom VN daok di ban raya Hồ Chí Minh:  

       Mai veik xã Minh Thành, huyện Chơn Thành, tỉnh Bình Phước, kol dahlak mboh tatuak drei anak bruk salih bahrau biak samal di sa xã ngak nong. Rilo baoh sang barau hu tamuh tagok taphia dom jalan bêtông hacih saat. Dom jalan, dom sang bac, balai iek ruak di xã jeng hu padang ngak praong, siam. Taong abih 18km jalan palei di xã Minh Thành jeng hu tuh bê tông abih. Langiu bruk brei taneh ngak jalan, rik daong pren yava, bhapbini pak ini daok rik daong labaih 2 tỷ đồng piah gam saong karja palei padang ngak cơ sở hạ tầng. Ini lac sa dalam 3 xã di tỉnh Bình Phước ngak hu abih dom tiêu chí palei pala barau tui bộ tiêu chí di Trung ương. Ông Phan Văn Hành, sa urang daok di tổ 3, ấp 5, xã Minh Thành brei thau : Bhapnini hu brei bruk peih ngak công trình ye mikva nyaom gauk veik, parabha jeng tổ, pilih ruah tabiak dom urang dalam mban pasang iek piah khik ramik dom pandap ngak bo karja parabha mai. Hu bruk njauk hatai di mikva nan ye abih gauk pataom tame ngak jalan, oh tavak tavaiy hagait. Bhapbini pak ini biak chreih bui, ngak cong trình halei jak jeng công trình nan. 

Tui jalan lac “karja saong bhapbini pambuak gauk ngak”, tỉnh Bình Phước hu ieu pataom abih pren yava tame ka bruk padang ngak palei pala barau. Abih tih jien ieu pataom hu dalam 5 thun tapa di tỉnh lac 5 rabau 850 tỷ đồng. Dalam nan, bhapbini rik daong 221 tỷ đồng. Dalam dom puk palei di dom huyện Lộc Ninh, Chơn Thành, Đồng Phú, rilo công trình jalan nao mai di palei pala, bhapbini brei taneh, rik daong jien saong harei ngak labaih 20% yaom công trình.

         Meng patagok hu pren khang pak di labik saong pagam pambak tame pren bhapbini, 5 thun tapa, hu 20 xã hu tỉnh Bình Phước pilih ruah piah tacei pato ngak điểm hu ngak blaoh dom nyaom tiêu chí ka kinh tế saong patagok sản xuất; nhóm tiêu chí ka ilimo, xã hội, alam môi trường; nhóm tiêu chí ka hệ thống chính trị. Ini lac bruk njauk pok meyaom kayua Bình Phước daok lac tỉnh kathaot, menuac sia takik, raidiuk di bhapbini gaok rilo kan kandah. Ông Hoàng Nhật Tân, akaok Ủy ban bhapbini huyện Lộc Ninh ndom lac : Dom công trình padang ngak palei pala barau di huyện Lộc Ninh kol dahlak, labik halei mbuan lagaih, bhapbini njauk hatai ye kol dahlak ngak dahlau. Kol dahlak peih ngak tui Đề án 03 di huyện lac bhapbini ngak công trình, Karja daong pandap, vật tư. Bhapbinipilih ruah jalan atah, katut, praong, sit saongbhapbini dang tabiak ngak. Tui jalan ngak yau nan, rilo công trình di dom xã palei pala barau di huyện hu ngak blaoh saong  chất lượng biak siam.). 

Dalam tuk peih bruk padang ngak palei pala barau, tỉnh Bình Phước pachreih hu rilo bhapbini pataom mbaok tame. Dalam nan, yaok rabau urang đoàn, dam dara nao dahlau jak ba mikva brei taneh ngak jalan, khik caga an ninh trật tự, dak padang raidiuk ilimo barau di labik bhapbini daok, khik caga alam moi truong…Dalam taong abih 92 xã di tỉnh Bình Phước, kapul dam dara taduan ngak meng 2 tal 4 tiêu chí dalam 19 tiêu chí padang ngak palei pala barau. Dom pakat bộ đoàn di tỉnh daok padang hu dom hợp tác xã sản xuất, pablei salih piah ba bruk ngak ka dam dara palei pala ye : hợp tác xã chế biến brah, hợp tác xã in ấn, quảng cáo, hợp tác xã menyim, đan, lát... Saai Tôn Ngọc Hạnh, Bí thư Tỉnh đoàn Bình Phước brei thau : Dam dara di Bình Phước pataom tame bruk padang ngak palei pala barau ngan saong dom bruk ngak cambaih saong grauk labik. Meda lac cơ sở đoàn dam dara halei jeng tut angan ngak tui pren di drei. Dom cơ sở hu menuac urang takik ye ngak dom công trình sit, dom cơ sở đoàn pakat huyện hu menuac urang rilo ye ngak dom công trình praong jang”

         Thun dahlau,  tỉnh Bình Phước daong 4 rabau 450 tấn xi măng, dom xã jak ba bhapbini tame ngak, rik daong meng jien hu jaik 8 tỷ đồng, labaih 12 rabau 700 harei ngak saong padang ngak hu 34km jalan bê tông palei pala. Thun ini, tỉnh daok daong labaih 20 rabau tấn xi măng piah tuh bê tông ka nyu salah 150km jalan palei pala. Meng ngak siam bruk pathau khan nan ye dalam bruk jak ba bhapbini brei taneh saong drap ar angaok taneh hu yaom kaom praong piah padang ngak  kết cấu hạ tầng palei pala, tỉnh Bình Phước hu bhap bini pachreih tui biak rilo. Min, dom tiêu chí kan si ngak tui bruk padang ngak palei pala barau kayua caong hu phun jien đầu tư praong, yau jalan nao mai, sang bac, sang ilimo, darak jeng gaok rilo kan kandah. Ông Nguyễn Văn Tới, akaok Sở ngak nong saong patagok palei pala, Phó akaok Ban tacei pato danadak padang ngak palei pala barau tỉnh Bình Phước ndom lac : Bruk ieu pataom pren bhapbini jaik 10% lac ieu pataom hu paje, min bruk ieu pataom dom nguồn lực karei meng kadung jien karja, meng doanh nghiệp ye kol dahlak oh ka jak ba hu, kayua yau nan ye bhapbini daok cang. Bruk nan nyu ảnh hưởng ha sit tal hatai sahneng di bhapbini. Di rilo palei, bhapbini hu sanya rik daong, kuhria caga abih janih piah peih ngak cong trình bo công trình daok suai hu ngak kayua oh ka hu bruk daong jien di karja. Yau nan ye nyu ảnh hưởng tal bruk ieu pataom pren bhapbini dalam dom công trình patui di nan).

          Lac sa tỉnh kathaot hu 42 bangsa diukrai, bruk padang ngak palei pala barau daok caik tabiak ka Bình Phước dom bruk ngak trak. Taphia bruk jak ba, ieu pataom pren yava, jien padai di bhapbini, dom puk palei dalam tỉnh jeng tranh thủ bruk daong di Trung ương saong jak ba dom doanh nghiệp tame đầu tư padang ngak cơ sở hạ tầng piah tal thun 2020, hu 46 xã (sumu sa meteh dom xã dalam tỉnh) hu chuẩn palei pala barau tui Sarak nyaom roya Đảng bộ tỉnh mbang 10 ba tabiak ./.