Daok dalam labik chuyển tiếp meng bhum taneh Nam Trung bộ tapa bhum taneh Tây Nam bộ nan ye lingik tasik, alam môi trường sinh thái di Bình Phước biak gheih. Dalam nan, njauk ndom tal Bein negar Bù Gia Mập ngan haong mblang taneh praong labaih 26.000 ha gam haong ralo hệ động thực vật, lingik tasik biak mekre saong hu dom kaly aia biak mekre, biak hùng vỹ. Langiu di nan, Bình Phước daok hu dom inem mek dak rai sajarah daniey angan yau: Khu Căn cứ Quân ủy Bộ chỉ huy Miền B2 Tà Thiết, Kho xăng Lộc Quang VK98, Labik khik ramik ilamo bangsa S`Tiêng sóc Bom Bo... daok hu dom công ty lữ hành ngak jeng dom labik ravang me-in duh ka tuai damuai.

Tỉnh hu ralo bangsa pambuak pagam haong ralo ilamo lac nguồn tài nguyên du lịch biak gheih, dui pachreih tuai damuai mai duah thau. Dalam tỉnh hu 41 bangsa daok dalam dom nyaom panuac ndom sap puac karei di gauk saong hu dom janih ilamo biak karei, brei mboh tapa dom lễ hội yau Lễ hội uan akaok padai bahrau, adat padang palei bahrau, brei angan ka anek, lễ quay akaok kubao, ngak yang padai, likau hajan…

Meng dom kein lagaih ka  du lịch yau nan, yaok thun, tuai du lịch mai tal Bình Phước hu meng 200.000 tal 300.000 ribau mbang, ta-eng thun 2016 hu jaik 500.000 mbang. Yau nan min, tapa nan jeng oh ka njauk haong pren khang du lịch di tỉnh saong gah du lịch Bình Phước jeng oh ka ngak jeng dấu ấn angaok bản đồ du lịch dalam negar. Du lịch jeng oh ka rik daong hu ralo ka bruk cakrok patagok kinh tế - xã hội di tỉnh, tỷ trọng di gah dịch vụ Bình Phước bahrau meblah jaik 22% dalam cơ cấu nền kinh tế, biar ralo jang tanut bình quân chung di negar saong khu vực.

Amuk Trịnh Thị Nghìn, akaok Công ty du lịch Thuỵ Khuê, doanh nghiệp daok peih dom tour di Bình Phước ndom lac: Bình Phước hu ralo labik meda ngak du lịch hu, peih dom tour du lịch sinh thái yau sóc Bom Bo, khu du lịch ceik Bà Rá atau khu căn cứ miền Tà Thiết, min dom labik ini daok atah di gauk, lahik ralo tukvak nao mai. Ini lac kadha kan kandah prong kayua lac ralo tuai palih ruah du lịch dalam sa harei, manuac urang ndih veik oh hu ralo. Taphia di nan, meyah tuai ndih veik ye labik ndih daok di tỉnh urak ini oh ka pabak hu ka tuai damuai saong  dịch vụ mbang menyum, ma-in daok mboh takik. Min tui amik Nghìn ye manuac ngak du lịch Bình Phước meng lac kadha njauk ndom: Kadha praong abih nan jeng lac manuac urang ngak du lịch, urang ngak hu bruk ye oh daok pak Bình Phước, daok dom urang  daok veik pak Bình Phước ye ilamu ngak du lịch daok biar.

Taphia di bruk đầu tư patagok dịch vụ, cơ sở hạ tầng di dom khu, labik du lịch, bruk pambuak pagam tour tuyến ngan haong dom labik du lịch di dom tỉnh, bal jaik taphia yau bal raya HCM, Bình Dương, Lâm Đồng, Đồng Nai, Tây Ninh... daok hu dom doanh nghiệp lữ hành mong iek lac jalan ngak prong dalam bruk cakrok patgaok du lịch Bình Phước. Daok gah tỉnh, langiu di bruk pambuak pagam haong dom tỉnh dalam bhum Đông Nam Bộ, Bình Phước jeng daok peih bruk meyaih khan saong peih prong bruk pambuak pagam haong dom taneh aia jaik taphia yau Campuchia, Lào, Thái Lan, Myanmar dalam bruk padang dom tour, tuyến du lịch dunya, piah yam tal peih prong bruk pambuak gauk gah du lịch. Ong Nguyễn Đức Hiếu, Akaok Công ty Du Lịch Việt Phước ndom lac: Khaol dahlak meda pambuak bruk haong gauk, pambuak bruk di dom  doanh nghiệp du lịch dalam tỉnh saong doanh nghiệp di langiu tỉnh. Mai meng dom bruk giao lưu yau nan, khaol dahlak meng meyaih khan hu. Dom doanh nghiệp ini meda katung dui tuai damuai mai ka Bình Phước. 

Bình Phước jeng daok pataom tame peih ngak dom sarak ưu đãi đầu tư ka gah  du lịch saong dom labik du lịch praong, sangka patagok dom pandap du lịch, ngak jeng kadha biak karei dut haong dom puk palei karei.  Tui ong Nguyễn Quang Hoà, Phaok akaok pasak Xúc tiến Đầu tư, Thương mại saong Du lịch tỉnh Bình Phước, jalan cakrok patagok di gah du lịch tỉnh nan lac gah dak rai sajarah, ilamo saong sinh thái, kayua yau nan ye urang pal akaok tỉnh Bình Phước phê duyệt ralo quy hoạch cambaih laih, dalam nan hu dom thiết chế gam lac ilamo, gam lac meng kan piah paralo jang ka dom janih dịch vụ du lịch. Ong Hoà lac: Anak meta khaol dahlak mboh lac ngak habar piah patagok du lịch dalam tỉnh nan lac kadha prong. Khaol dahlak oh ka ndom tal tuai damuai negar langiu, meng 13 ribau tuai  dunya dut haong 250 ribau tuai damuai dalam negar brei mboh ini  lac đối tượng bo dom jabat đơn vị lữ hành njauk roh duah, pataom tame khai thác.

Piah cakrok gah du lịch, Bình Phước njauk patagok bruk meyaih khan du lịch ngan haong ralo asal kadha, ralo jalan ngak. Tỉnh njauk jhul pakhang bruk pathau khan dalam dom kapul nyaom, doanh nghiệp kinh doanh du lịch ka tiềm năng prong di gah du lịch Bình Phước. Taphia di nan pasiam môi trường, khik siam mekre salamat ka tuai damuai du lịch piah paglaong chất lượng dịch vụ, ngak brei pachreih ralo tuai damuai du lịch mai haong Bình Phước./.