Urang bangsa takik doh tamia dalam dom harei rija prong 

Di bhum tapen negar kan kathaot , rilo sang urang bangsa takik daok kurang mbang, kurang cuk ngui nan ye bruk bac daa  di dom anek bhik takik hu sangka. Adei Điểu Thị Siêu, anek saih tal  3, sang bac  Tiểu học Trương Định (xã Đắc Ơ, huyện Bù Gia Mập) meda klaak bac  kayua sang biak kan kandah . Thau hu bruk nan, Đại tá Nguyễn Thành Ruân, Chính ủy Đoàn KT-QP 778 hu panuac likau song jak ba  urang jakar, urang lin đơn vị halan hatain patak patom, rik dong  500.000 đồng/sa bilan brei ka adei  Siêu mbiah tal tuk adei bac bloh  trung học phổ thông.  Đơn vị dok hu blei tapuk, siphau, pandap bac daa, khan aow song parabha urang jakar dong ka adei  Siêu. Ndom nyai song khol dahlak, saai Điểu Thị Lung, amaik di adei  Điểu Thị Siêu, khan lac"Meyah oh hu bruk iek glang dong brei di urang jakar, urang lin Đoàn KT-QP 778, anek lin nyu klaak bac. Sang hulin thau dar phol urang jakar, urang lin biak rilo!".

Meng hatai sahaneng " dong ka bhap bini lac drei dong ka drei", meng thun 2013 tal ni, Đoàn KT-QP 778 gam gam taduan dong meng 18 tal 26 anek saih lac urang bangsa takik  di  huyện Bù Gia Mập song yaom dong yaok bilan  500.000 đồng mbiah tal tuk dom adei bac bloh  trung học phổ thông. Piah hu jien, kapul jak ba urang jarka, urang lin patak pataom song jhul khang bruk sản xuất, jak dom urang ngak pahla tame iek glang, pambuak song pakat  ủy, karja pak ni , boh sang, sang bac duah thau palih ruah dom kamuan sang kan kandah piah daong rong. Yaok bilan, kapul pambuak song sang bac peih dom bruk yau cắm trại, nao rivang inem krung sajarah, bui sambai Tết Trung thu… , pok meyaom, brei pandap , pachreih hatai yam tapa kan kandah bac da-a naih joi di dom kamuan. Dom pakat kapul urang kamei, kapul nyaom dok hu pambuak bruk song dom  mban, dom gah pak ni  bhian peih bruk brei thau ilamu, kỹ năng rong pato uranaih bhap bini, iek ruak, brei jru ka uranaih . Kapul jeng hu pablak danak dak iek glang ka uranaih bhum bangsa takik tame danka dak, jalan ngak di đơn vị.

Tui Đại tá Đặng Công Bầu, Đoàn trưởng Đoàn KT-QP 778, iek glang siam ka rairah harei hadei di bhap bini lac sa dalam dom bruk ngak piah kapul ngak siam bruk patagok  kinh tế pambuak haong pakhang quốc phòng, an ninh pak ni./.  

Urang lang: Hanipha- 20/12