Urang daok palei pala blei aia thùng piah pandar 

Peih ngak Quyết định 62 di Thủ tướng Raja-ei ka bruk brei sraiy piah ngak jalan ia hacih saong sa-at alam môi trường palei pala, meng akaok thun 2005, UBND tỉnh peih brei brei mesraiy peih ngak danak dak aia hacih saong sa-at môi trường palei pala di 5 huyện, tal thun 2006 hu peih prong tabiak dom huyện daok veik saong  bal Phan Thiết. Peih ngak danak dak, dhal Gilang pariak sarak karja tỉnh pambuak bruk catang haong dom sở, ngành, dom kapul nyaom chính trị - xã hội saong dom jabat hu pambuak pagam tal pataom tame peih ngak. Mai meng nan, doanh số brei mesre meng tuk peih ngak danak dak tal puac thun 2019 hu 1.371 tỷ đồng ngan haong jaik 160 ribau mbang baoh sang mesre phun jien, kuhria rah tapa yaok baoh sang mesre 8,6 triệu đồng piah padang ngak công trình aia hacih, công trình vệ sinh.

Meng phun jien mesre di danak dak, dalam tỉnh hu labaih 253 ribau công trình aia hacih, vệ sinh hu daong phun jien padang ngak. Tapa nan daong  patagok dom urang pandar aia hacih saong baoh sang pandar sang saman hợp vệ sinh. Tal puac thun 2018, dalam tỉnh hu labaih 98% bhap bani pandar aia hợp vệ sinh; 66,4% bhap bani pandar aia hacih mek hu Quy chuẩn kỹ thuật Quốc gia.

Anak meta mboh lac, meng bruk mesre phun jien piah padang ngak bahrau, pasiam veik, patagok dom mô hình ba brei aia hacih yau: kuac bingun, padang ngak kavei padang aia, pakaong padang aia... hu daong ka dom baoh sang pandar hu aia hacih, hợp vệ sinh. Taphia di nan patrun meneng kan kandah yaok harei mikva njauk nao mek aia biak atah labik daok, abih di nyu lac  dom baoh sang urang bangsa takik daok di bhum ceik. Lingiu di nan, rilo labik abih di nyu lac bhum glaong, labik tua riya pandiak bhang, labik njaom lakhur metham mbak... urang nong palei pala jeng njauk nao blei aia pandar ngan haong yaom biak glaong. Kayua yau nan ye, bruk peih ngak danak dak daong ka dom baoh sang di labik kan kandah gah aia hacih hu jien buh tame ngak piah patagok kinh tế.

Yaom lac yau nan, min kuhria tal puac thun 2018, dalam tỉnh jeng daok labaih 7.600 baoh sang daok di 31 phường saong bal sit jeng oh ka hu pandar aia hacih, sang jaman hợp vệ sinh. Dalam tuk nan, thun 2020 nan lac thun puac abih peih ngak Chiến lược negar ka ba brei aia hacih saong sa-at alam môi trường palei pala tui Sarak 104 di Thủ tướng Raja-ei. Kayau yau nan ye, anak tal, dhal gilang pariak Sarak karja tỉnh meda pok panuac tagok Thủ tướng Raja-ei brei adat patui veik peih ngak chiến lược negar ka bruk ba brei aia hacih saong sa-at alam môi trường palei pala tukvak 2021-2030. Taphia di nan, ramik veik brei tagok yaom jien mesre glaong abih ngan haong yaok janih công trình meng 10 triệu đồng tagok 15 triệu đồng. Gam haong nan, dhal Gilang Pariak sarak karja tỉnh kham merat giải ngân phun jien danak dak ka nyu njauk haong urang mbang tui, oh padeih patagok jak jeng siam mekre di phun jien mesre. Kadha praong di nyu lac peih ngak samu gauk, samar drah dom jalan lang yah saong sarak bahrau hu patabiak pambuak pagam tal bruk ngak di Gilang pariak sarak karja. Gam haong nan, pataom tame giải ngân phun jien pabak hatai caong khin mesre phun jien di dom urang mbang tui, peih ngak salah blaoh bruk brei mesre thun hu pakat angaok jao brei.

Taphia di nan, Bình Thuận jeng daok peih ngak samu gauk dom jalan ngak piah pasiam veik saong paglaong chất lượng bruk brei mesre, iek prong tal chất lượng bruk giao dịch di xã. Lingiu di nan, jhul patagok bruk khan brei thau ka sarak brei mesre di Đảng saong Karja ngan haong urang kathaot saong dom urang daok dalam sarak karja karei tui rilo jalan ngak. Tapa nan pasiam veik patagok rai diuk, pren yava saong alam môi trường, rik daong patagok kinh tế, xã hội di taneh aia, abih di nyu lac ngan haong dom urang kathaot, bhap bani urang bangsa takik, bhum atah bayah./.

Urang lang: Jasi - 22/2