Lễ Giáng sinh thu ini, angaok dom canah jalan di bal Phan Thiết, dom cửa hàng, siêu thị CoopMart, Lotte biak chreih chai, hadah tanyak sambo màu di lễ Noel. Nao kabak tapa dom canah jalan pablei pandap trang trí Giáng sinh yau Nguyễn Tri Phương, Nguyễn Huệ... mboh biak bui sambai kayua hu ralo urang pablei saong rilo menuac blei. 

Tapa pasang iek, dom janih pandap hu parang pablei ralo yau phun thông, ong taha tuyết, khan ao ong taha Noel... hu dom cửa hàng parang pablei gah langiu piah pachreih urang blei. Yaom lac pandap trang trí Giáng sinh hu dom cửa hàng peih pablei meng puac bilan 11 min tal bilan 12 darak pasar meng hu ralo urang mai blei. Dom cửa hàng yau quán cà phê, shop khan ao, nhà hàng... hu blei pandap  trang trí meng akaok bilan, daok tukvak ini mboh ralo nan lac dom baoh sang.

    Po cửa hàng Yến Phi daok angaok jalan Nguyễn Tri Phương (bal Phan Thiết) brei thau, dom janih pandap duh ka bruk trang trí Giáng sinh thun ini hu ralo janih, biak mek meta bo yaom kaom jeng grap tanat yau thun dahlau.

Phun thông Noel hu yaom meng 400.000 đồng tal dom triệu đồng tui janih prong atau sit, capa ao ong taha Noel  yaom meng 65.000 – 160.000 đồng sa bộ tui urang prong atau sit, vòng nguyệt quế meng 500.000 - 1,1 triệu đồng...

Dom janih pandap trang trí yau baoh patuk, chuông pariak, talei nhũ hu yaom meng 15.000 - 50.000 đồng, tui janih prong atau sit saong siam gheih yau halei. Mong rah tapa, dom janih pandap duh ka Noel thun ini mboh pandap Việt Nam meblah ralo, dom janih pandap di Trung Quốc yaom lac jeng hu dom cửa hàng blei tame piah pablei min takik jang dom thun dahlau.

Sa-ai Nga daok di Phú Thủy brei thau: “Yaom lac oh tui đạo, min thun halei jeng yau nan, tal tuk ini dahlak nao duah blei dom janih pandap mai trang trí dalam sang danaok piah raok Giáng sinh. Sang hu anek sit nan ye dahlak palih ruah dom janih pandap hu ngak tabiak dalam taneh aia mboh sahanang hatai jang. Tok khin hu sa phun thông sit, dom pok pandap, menyek nháy, talei nhũ, baoh mbanh tuyết ye hu mboh không khí Giáng sinh dalam sang, ngak chreih chai hatung hatai anek sit”.

     Pak dom shop thời trang pablei capa ao angaok jalan Thủ Khoa Huân, Nguyễn Huệ, Tôn Đức Thắng… hu parang pablei dom blah capa ao hu sambo màu biak karei di bilan Noel. Abih di nyu, pak dom shop thời trang capa ao, pandap ma-in ka uranaih daok taduan ngak dịch vụ “ong taha Noel alin hadiah pandap”.

Langiu di trang trí dom ong taha Noel dalam blah capa ao bhong tanyak, gheih meta dang salam daa ye daok hu tual bảng ngan haong talei angan “taduan jao pandap Noel”, “Ba pandap Noel nao tal labik”... brei ka urang blei thau. Tui dom po dịch vụ, iek tui pandap urang blei khin ba nao piah ka shop parabha ong taha Noel, radaih nao mai pabak hatai caong khin di urang blei.

Bruk ba pandap Noel hu peih ngak meng harei 10/12 min tabung glaong abih nan lac dalam harei 23 saong 24/12. Po cửa hàng pandap ma-in brei ka uranaih di labik 26 Nguyễn Tri Phương (bal Phan Thiết) brei thau: iek tui labik jao pandap bo meda kuhria jien karei di gauk ka urang blei. Dalam bal ye meng 20.000 – 40.000 đồng sa mbang, daok langiu bal Phan Thiết hu yaom labaih 100.000 đồng (kuhria tui labik atah jaik)./.