-Dalam bilan ini hu rilo tuai damuai dalam saong lingiu taneh ia mai ravang mein suối Tiên. Meng tatua Rạng, nao cagar tagok gah angaok, tuai ravang mboh duh hatai  tuk mboh ia nerak, tasauk. Rilo urang tuai nao jaik ratuh mét ye mai veik kayua oh nao tapa hu dom labik ia kandon gam nerak gam dalam. Saai Quỳnh Anh, sa urang tuai mai meng Hà Nội khan lac: “Barau nao hu meteh jalan min. Kayua adei mboh nao tapak ia biak dalam, jeng mboh huac, yau nan ye adei oh nao veik. Jeng caong khin nao veik maong cảnh nyu habal min huac. Adei mboh biak duh hatai.

Dom urang tuai karei kayua caong khin iek cảnh gheih mekre meng lingik tasik yau nan ye nao tagok dom mbuk cuah piah nao veik. Bruk ini vô tình nyu ngak tayah cảnh quang di dua gah takai craoh Suối Tiên kayua hu oh takik khối cuah meng lingik tasik ngak jeng meng yaok ratuh thun nyu glut jaleih.

-Tuai dom hướng dẫn viên, makna ngak ka ia craoh ini oh nduac hu, ia kandon dalam di rilo labik lac kayua bruk lih mek craoh di dom quán mbang. Hu takik abih 4 libik kayua  bhapbini eng drei padang geng mek taneh saong kadung cuah lam lahik craoh. Jalan ia oh nduac hu livik harei gam saong ia nerak tuh tabiak meng dom quán mbang ngak ka suối Tiên dak harei dak nerak, mbau bruk.

-Saai Lưu Đức Toàn, hướng dẫn viên bhian ba dom kapul urang tuai taneh ia lingiu mai di ini ravang mein brei thau: Tuai taneh ia lingiu tuk mai pak ini mboh biak thất vọng saong mbuah kan miet. Ia suối tiên daok kandaong gar rilo bilan tapa min oh ka mboh gah du lịch saong karja puk palei hu jalan langyah. Saai Toàn brei thau: Pak ini dom bilan ini  ia kandon dak harei dak dalam. Bhapbini jeng khan brei thau paje bo oh ka mboh karja puk palei ngak hagait.”

  Ông Huỳnh Thanh Trúc, Phó Giám đốc Ban khik ramik libik du lịch Hàm Tiến – Mũi Né, ban sit Phan Thiết brei thau: tapa pasang iek, thau hu bruk di libik suối Tiên, mBan khik ramik hu mboh bruk ia kandon saong hu sambo màu nerak. Makna akaok mereip lac kayua  ia nduac meng động cuah ngak hok cuah, dua tra  lac kayua dom urang bhapbini eng drei mek kadung cuah pacang lih tabiak craoh piah khik taneh, yau nan ye ia kandon veik. Ông Trúc lac:“mBan khik ramik  Hàm Tiến – Mũi Né meda pambuak bruk saong  phường Hàm Tiến saong xã Thiện Nghiệp peih bruk pasang iek taneh di urang bhapbini rah tui baoh craoh jeng ye taneh karja khik ramik piah hu jalan langyah meyah dom sang lih mek. Tabhia nan, mban khik ramik jeng pathau khan tagok uy mban bhapbini ban sit Phan Thiết piah hu jalan tacei pato langyah patui di nan”

-Ia di suối Tiên nyu nduac tapa xã Thiện Nghiệp saong phường Hàm Tiến, ban sit Phan Thiết dahlau si tuh tabiak tasik. Ini lac libik ravang mein oh meda kurang hu dalam dom tuor du lich caik ka tuai damuai dalam taneh ia jeng ye di dunya. Dom tapuk tacei du lich halei ka Bình Thuận jeng hu ndom tal suối tiên. Meyah oh hu jalan khik caga drah samal, anak tal oh suai livik, libik du lich suối Tiên meda njauk palai pajoa saong oh daok lac libik “ Bồng lai tiên cảnh” danei angan yau dahlau daih./.