Phan Hòa lac sa dalam 11 xã di tỉnh Bình Thuận mek hu angan palei pala bahrau dalam thun  2017. Abih mblang taneh pala drak di xã urak ini hu labaih 2.916 ha, kaya nong yaok thun hu labaih 35.900 tấn (dalam nan padai hu 35.640 tấn). Padai lac phun pala praong meblah 70% yaom gah pala drak. Dom thun jaik di ini, caraih mek asar hu ba tame pala saong akaok mereip ba mai kein laba glaong, patagok jien mek tame ka urang nong. Ong Bá Đình Tâm – Bí thư Đảng ủy xã Phan Hòa, huyện Bắc Bình, tỉnh Bình Thuận brei thau: Padang ngak palei pala bahrau dalam thun 2018 ini peih ngak  sarak salih janih phun pala angaok mblang taneh meng 20-30ha. Anak meta nan lac dalam thun 2018, 2019 meyah mboh siam laghaih peih ngak tal thun 2020. Palih ruah phun ba mai kein laba glaong, blaoh pandar ilamu kỹ thuật, yau phun thanh long, phun patei, lahong, pala hareik raong glang. Palih ruah 3 labik laghiah lac Ma Nương, đồng Cuốc, Tà Lăng piah ngak dahlau.

  Langiu di bruk brei thau ka phun pala praong, quy hoạch bhum chuyên canh, pandar ilamu tame pala drak, dom puk palei daok iew doanh nghiệp pambuak bruk blei kaya nong tapa hợp tác. Dalam tỉnh Bình Thuận ngak hu 994 ha padai tui danak dak pambuak bruk “4 gah” saong 1.200 ha pambuak gauk ngak brah ndiuk di huyện Đức Linh. Salih labaih 2.236 ha taneh ngak padai takik kein laba tapa pala dom janih phun katut harei ba brei kein laba jang, dalam nan ralo meng lac thanh long. Ong Nguyễn Văn Hoàng – Akaok UB bhap bani huyện Hàm Thuận Bắc – sa dalam dom labiki hu pren khang gah phun thanh long di tỉnh Bình Thuận brei thau: Khaol dahlak dahlau di abih pataom tame ngak đề án rami ramik veik gah ngak nong pambuak haong padang ngak palei pala bahrau. Ngak habar ka gah ngak nong di huyện drei cak rok patagok taong abih gah saong khang kajap, meng nan pagloang jien mek tame ka urang nong. Kadua tra lac ieu pataom abih pren khang saong pandar siam dom pren khang nan. Piah buh jien tame ngak kết cấu hạ tầng, dịch vụ thương mại, dom baoh darak abih di nyu lac darak palei pala bahrau.

Dalam thun 2017, Bình Thuận hu padang bahrau 36 HTX kiểu bahrau, pambuak haong patagok chuỗi giá trị pandap panda chủ lực, hu quy mô prong saong hu pren pambak. Bruk ngak di dom HTX dak harei dak tani tanat, dak yam tame pambuak bruk haong dom doanh nghiệp piah pabak đầu vào saong langyah bruk pablei tabiak ka pandap panda, ngak jeng chuỗi liên kết dalam bruk ngak mbang pala drak saong blei abih pandap panda. Jien mek tame di dom HTX gah ngak nong dak harei dak glaong, ralo meng lac di dom labik pala phun lagaih haong puk palei yau ngak padai pajaih, baoh thanh long saong kaya ikan dalam aia hu chất lượng saong giá trị glaong. Ndom ka labik dang di dom bruk ngak mbang kinh tế tập thể, HTX dalam bruk padang ngak palei pala bahrau, ong Phan Đình Khiêm – Phaok Chủ tịch Liên minh HTX tỉnh Bình Thuận brei thau: Oh hu HTX ye oh paglaong hu jien mek tame, cakrok patagok bruk ngak nong njauk hu pambuak gauk. Urak ini, ralo HTX tuk padang tagok hu rik daong phun jien piah pambuak gaukt, plaih bruk ngak mbang sit sot, ngak bruk pablei salih, duah labik pablei pandap saong pandar ilamu công nghệ tame bruk ngak mbang. Tuk padang HTX mikva thau hu bruk padang angan je, thau hu bruk pala drak tui jalan an toàn pandap panda.

  Bình Thuận urak ini hu 4.654 tổ hợp tác, dalam nan hu 435 tổ hợp tác ngak thanh long tui chuẩn VietGAP, 189 tổ hợp tác dịch vụ ngak nong,… Dalam 166 hợp tác xã  daok ngak bruk, hu tal 81 HTX gah ngak nong, jien mek tame yaok thun labaih 61 tỷ đồng, jien mek tame di urang ngak jaik 3 triệu đồng/sa bilan. Hu 2 chuỗi hu mboh tangin sanya di 6 gah, dalam nan hu 14 HTX saong 2 liên hiệp HTX thanh long, ngan haong 251 thành viên hu mbaok tame, mblang taneh 1.500 ha, sản lượng tui kuhria mboh dahlau lac labaih 38.200 tấn.  

  Piah duah hu labik pablei tani tanat ka kaya nong, paglaong giá trị pandap panda, abih di nyu lac pandap panda hu pren khang di puk palei yau phun thanh long, anak tal, gah ngak nong Bình Thuận daok brei peih ngak ralo sarak pachreih bruk pambuak gauk ngak saong pablei kaya nong nao gam haong bruk rami ramik veik, salih bahrau mô hình patagok dalam ngak nong saong cakrok patagok ngak nong công nghệ glaong. Ong Nguyễn Hữu Phước – Phaok akaok Sở Ngak nong saong patagok palei pala tỉnh Bình Thuận daok brei thau lac: khaol dahlak pataom tame salih bahrau saong patagok dom  jalan ngak mbang tui tổ hợp tác, hợp tác xã, peih bruk pambuak gauk ngak saong pablei pandap panda. Pachreih saong daong palagaih ka dom HTX, doanh nghiệp ngak tabiak ralo pandap panda đầu tư gah chế biến saong khik piah. Patagok bruk chuyển giao ilamu kỹ thuật saong công nghệ, salih bahrau saong paglaong kein laba brukpachreih nong. Saong daok brei thau bruk darak pasa tal urang ngak piah piah ngak  ka nyu lagaih.

   Ngak tabiak kaya nong tui quy mô prong hu labik pabak nguyên liệu grap tanat ka dom sang mac chế biến saong xuất khẩu, pambuak gauk dalam bruk ngak mbang, pala drak nan lac jalan nao di urak ini. Kayua yau nan ye, oh lac tok hu urang nong bo dom doanh nghiệp hu mbaok tame ngak pandap panda kaya nong jeng njauk pambuak gauk piah ngak jeng chuỗi, meng nan paglaong giá trị gia tăng ka pandap panda, rik daong tame jak jeng di bruk padang ngak palei pala bahrau./.