Rilo danak dak hu buh ngak ka tỉnh kayua dam dara 

Maong iek veik thun bloh, 1 thun bo thei jeng lac Bình Thuận hadah tagok di dom gah ba tal cakrok patagok. Yau ye, gah du lịch hu dự án ngak mbang praong hu khu phức hợp du lịch, thể thao, sang danaok labik padeih padei tapen tasik; gah ngak kong năng lượng tái tạo hu điện ngin langiu tasik, điện khí saong phun jien buh tame yaok pluh triệu USD, gah ngak nong hu dom dự án buh jien tame ngak janih công nghệ glaong… hu daong dui pachreih rilo menuac sangka tal prein khang di tỉnh, daong ngak brei chreih chrai bruk buh jien tame ngak mbang di tỉnh.

Tapa labik hadah nan nyu pambak tabiak saong ba tal jak jeng di dom gah ilamu, xã hội, an ninh, quốc phòng di tỉnh dalam thun 2019. Anak meta mboh lac, meng dom dự án đầu tư hu peih tabiak nyu ba bruk ngak, paglaong jien mek tame, pasiam an sinh xã hội, paglaong raidiuk ka bhap bini, bruk an ninh chính trị, trật tự an toàn xã hội dalam tỉnh hu khik kajap.

Min taphia dom bruk ngak hu, jeng daok dom kan kandh, njauk caik hatai lac: Chất lượng patagok, prein meriak gauk di nền kinh tế daok biar,; năng suất, chất lượng panda oh ka glaong, hạ tầng kinh tế - xã hội daok kurang saong oh ka samu gauk, prein buh jien tame ngak oh ka khang. Pato pakai taong abih gah oh ka pabak hu caong khin, anek saih klaak bac, abih di nyu lac di pakat trung học cơ sở lac bruk daok hu rilo suh sah.

Thun bahrau anek sak takuh 2020 mai tal bloh. Jalan cao tốc Bắc - Nam hu peih tabiak ngak di akaok thun. Mblang kapal haoh Phan Thiết daok cang Mintri Quốc phòng tuh jien tame ngak. Dom jalan pambuak dom tỉnh jaik taphia yau jalan Roya 28B, 55... hu peih praong piah ka radaih container pajeng pandap meng dom tỉnh Tây Nguyên, Bà Rịa - Vũng Tàu, bhum kreih negar mai Cảng Vĩnh Tân - Tuy Phong, nlabik daok jeng pasak logictics praong, bloh dom bruk padang ngak piah ka Kê Gà, Mũi Né jeng labik du lịch paong pakat negar...

Taong abih dom dự án, dom kuhri kuhria biak jaik nan lac prein khang piah ka Đảng bộ, karja saong bhap bini Bình Thuận yam tagok glaong jang, ba tỉnh jeng labik pambuak angaok jalan jalan patagok kinh tế di bhumg Nam Trung bộ saong Đông Nam bộ.

Ngan haong prein khang meng dom jak jeng bo Bình Thuận ngak hu dalam thun bloh, gam haong dom jalan ngak cambaih laih, lagaih di urang pan akaok tỉnh di anak tal, abih di nyu lac meng kham merat di abih hệ thống chính trị, bruk rik prein, sa hatung hatian di dom rairah bhap bini, tantu thun sak takuh 2020, Bình Thuận meda mek hu jak jeng glaong di abih dom bruk patagok kinh tế - xã hội 5 thun 2016 - 2020 hu ba tabiak bloh, jhul patagok di taong abih gah, ba  Bình Thuận tagok khang kajap di anak tal./.

Urang lang: Mousaphuong-1/2