BinhThuan: libik tai dinh cu thuy loi pandar jien mesraiy di Nhat Ban

klak saoh, palai pajoa

    Menuac sia di Binh Thuan urak ini daok duh hatai anak bruk dom cong trinh pandar jien mesraiy di taneh ia lingiu piah ngak min takik hu kein laba, ngak palai pajoa jien padai. Dom cong trinh praong di libik tai dinh cu C2 du an pruh Phan Rí – Phan Thiet di xa bhum ceik Phan Lam huyen Bac Binh ngak blaoh min daok klak saoh meng rilo thun tapa lac bruk brei mboh camabih. Viet Quoc, urang vak di rayo sap ndom VN daok di ban raya Ho Chi Minh hu kadha vak brei thau ka bruk ini:

    -Yaok harei tuai nao jalan meng Binh Thuan tagok Da Lat di angaok jalan roya 28B mboh biak damen tuk maong mboh dom cong trinh tamuh tagok biak praong blaoh klak saoh di xa bhum ceik Phan Lâm, huyen Bac Binh. Sa libik taneh jaik jalan roya praong labaih 10 hecta hu buh jien tame ngak ha tang, menyek saong jalan nội bộ. Di labik ini hu 4 cong trinh padang praong di kreih taneh klak saoh, ndon tagok tòa sang 2 tal barau daok gah likuk mblang hareik praong, peih praong bambang, oh mboh binguk menuac, joa lange yau sa baohk sang but.

 Kayua klak suai livik, oh hu menuac pasang iek, vil tam dhar hareik tamuh bak, urang klaik mai jan bambang camin saong bambang kayau mek ổ khóa, ổ điện saong dom pandap gah dalam dom cong trinh ini. Lingiu di nan , dom urang raong glang daok palao athur tame khuon vien saong dalam dom duk, brei ka limo pabe mbang menyum, palao khak nerak. Ông Lương Minh Thanh, sa urang ngak apuh jaik libik tái định cư C2 brei thau: “Klak saoh dom thun ini, oh hu thei daok. Oh hu bhapnini daok. Kubao limo tame dalam ini jar yah srau kadau. Urang ba limo tame kreik labik ini, brei mbang brei menyum, kareik dalam ini luac harei luac melam.

Bhapnini dalam palei brei thau 4 khối sang daok klak saoh lac dom cong trinh duh ka libik tái định cư C2. Dalam nan, tòa sang 2 tal praong ngan saong rilo duk bambang kayau, bambang camin lac balai y te chuan negar. Khối sang 3 talei dak tui thaot akhar U lac sang bac pakat 1; gah likuk lac sang bac mau giao saong sang ngak bruk bhapnini. Maong mboh bruk mbaih mboh tayah tayac di dom cong trinh yaok pluh ty dong kayua karja buh jien tame ngak, ông Minh Thôi, sa urang daok di xã Phan Lâm oh plaih hu pandik harao, lac: “Nyu palai pajoa biak. Oh njauk lac jien karja piah cih tabiak du an yau nan. Dalam tuk jien bhapnini kol dahlak jeng hu kak je meng bhapnini. Bhapnini ba jien ka rajaei, hadei di nan rajaei meng jar tabiak padang du an. Min, ngak blaoh klak yau nan. Blaoh daok nao ramik pasiam viek miat. Ngak blaoh oh daok, ramik pasiam veik miat ye nyu khut khat”

-Pak palei Dốc Đá, xã Phan Lâm hừ biak rilo anek saih lạc anek bhapnini bangsa takik saong sáng kathaot daok dalam đơm chồi apuh, harei halei jeng nào bác atah. Jalan atah, dom adei nào bác dalam pandiak dalam hajan biak glaih glan. Dalam tuk nạn baoh sáng bác đi libik tái định cư C2 jaik sang ye daok klak saoh, mbaoih mboh. Adei Minh Anh Thông yaok harei meng dốc Đá tapa xã Sông Bình nào bác biak atah saong caong khin hu baoh sang bắc jaik sang: “Adei takre sang bac jaik sang piah nao tal samal, bingi, plaih trễ bac. Blaoh adei sit di adei jeng meda bac di sang bac jaik. Kayua urak ini adei saong adei di drei nao bac atah, sang bac atah di sang tal 8 mbaik jalan.

Tapa ngak bruk saong karja xã Phan Lâm, kol dahlak hu thau ini lac libik tái định cư C2 daok dalam dự án pruh Phan Rí – Phan Thiết kayua mintri ngak nong saong patagok palei pala ngak po dau tu ngan saong yaom jien buh tame ngak abih tih labaih 1.500 tỷ đông meng jien mesraiy ODA di jabat pambuak bruk dunya Nhật Bản (JICA) saong jien đối ứng Việt Nam. Libik tái định cư ini hu 607 lô taneh, duh ka tái định cư 3 nhóm urang: urang bhapnini gaok kan kandah tapak meng dự án pruh Phan Rí – Phan Thiết, dom sang kathaot saong jaik si kathoat di puk palei, bhapnini di cư tự do livik thun oh hu sang daok.

Atah di ini dua thun, hadei di tuk nghiệm thu, 4 công trình nan hu po dau tu jao brei ka uy mban bhapnini huyện Bắc Bình saong uy mban bhapnini xã Phan Lâm khik ramik. Dom sang bhapnini daok di gah caik dahlau jeng hu mai xã tut angan blei taneh, ngak hồ sơ pháp lý payua ka pasak patagok quỹ taneh huyện Bắc Bình pasang iek. Min, kayua rilo tavak tavaiy, tal urak ini, urang bhapnini jeng oh ka hu daok dalam libik tái định cư ini.  Dom công trình công ích jeng yau nan oh patagok hu tác dụng, njauk klak saoh. Ông K’Tâm, akoak uy mban bhapnini xã Phan Lâm brei thau: “Tavak tavaiy urak ini rilo meng lac kayua khung yaom taneh urak ini oh ka hu. Pasak patagok quy taneh huyen Bắc Bình oh ka hu khan brei xã thau, yau nan ye xã oh hu jalan piah khan ka bhapbini thau, piah urang caong khin blei taneh, padang ngak sang daok.

Karja xa Phan lâm, huyen Bắc Bình jeng oh ka thau cambaih tal tuk halei gah thẩm quyền meng patabiak khung yaom taneh ka libik tái dịnh dư ini. Min, Anak meta, meng bruk suai damuai ini gam saong bruk khik ramik cadu dom hạng mục đầu tư, mboh lac tỉnh Binh Thuan daok palai pajoa trak jien dau tu meng phun jien mesraiy di taneh ia lingiu saong kadung jien karja./.

Thúy Linh