Sa page mesup, mikva A Riêu mboh tatuak drei tuk mehit sap menuac ndom khang di kreh palei, dom adei ranaih duah tal labik patabiak sap nan dak tuk dak khang, nduac nao miat ye tal sang  Bling Miên. Anak pambang jang, baoh loa prong tuan angaok phun kayau ndom tabiak dom bản tin thời sự. Dalam sang, Bling Miên daok chỉnh baoh âm ly. Iew lac hệ thống papar sap, min biak di nyu tok hu baoh ti vi peih hu meng điện di tua bin aia, pandar akaok chảo, hadei di tuk dò danak dak papar sap, atau papar binguk njauk laghaih ye pambuak pagam haong âm ly blaoh peih tabiak loa ka mikva dalam palei pang.

 Bling Miên lac: “Palei drei hu labaih pluh baoh sang hu ti vi, mikva caong iek khaw tin jeng kan nan ye drei buh jien kadhung tabiak blei ti vi, âm ly, loa; labaih  5 triệu đồng mai peih ka mikva dalam palei pang”. Harei halei jeng yau nan, 5h30, 11h saong 17h, sap loa papar sap yava bak ceik glai. Van page, tuk nhạc di danak dak pathram thể dục tanyi tagok, nan jeng lac tuk mikva tabiak kreh mblang palei payeng akaok tangin, akaok takai khởi động saong ngak tui hiệu lệnh angaok loa. Hadei di nan lac dom khaw tin thời sự, danak dak pachreih nong, giải trí, quảng cáo…

     Sa-ai Miên bhian pilih ruah dahlau dom danak dak thời sự di Rayo sap ndom Việt Nam, kênh VOV miền Trung, danak dak di Rayo Papar sap – Papar binguk tỉnh Quảng Nam piah peih ka mikva pang. Yaok urang sa hatai takre karei di gauk, urang prong thun takre danak dak pathram padhih van page saong thời sự, dam dara takre dom danak dak padhih, daoh takơ, daok uranaih harei halei jeng katung gauk mai sang cei Miên caong peih danak dak uranaih. Meng tuk ba papar sap mai palei, sa-ai oh khin nao tao atah kayua lac njauk daok pak sang piah   caga tuk peih. “Tuk nao ngak atah oh mai sang hu, dahlak phon mai kakei diuk peih kênh halei diuk nyu peih kênh nan, oh njauk lac peih hagait jeng hu”, sa-ai Miên ndom yau nan. 

     Dom harei akaok mereip, kayua oh ka thau ngak gheng thu lôi plaih takala taong nan ye bộ âm li njauk takala taong khut dom mbang. Mikva gilac katung gauk tagok pandar sa-ai peih loa luac dom harei gam. Bruk tui pang danak dak papar sap hu jeng bhian randap di mikva Cơ Tu di palei A Riêu.

      Baoh loa sit, bo sap yava biak atah, meng nan rilo mbang hu daong ka mikva tabiak truh kan kandah. Ong Bling Hiêng khan lac: “Thun dahlau nao mar truh dalam glai ram, tuk nao hu taong catua caik inem min mai sang veik ye nao suan jalan. Langik laik sup, huac ralo nan ye drei nao liều, nao hu hasit ye mahit sap loa. Bloh pamaong tapak gah nan bo nao sang, oh daok sa drei dalam glai ram ye nguy hiểm ralo”. Daok amuk Zơ Râm Thị May ye oh var hu bilan hajan thun dahlau, amuk tame glai jaoh rabung, nao tal meteh jalan ye mahit loa brei thau hu hajan saong angin prong nan ye veik mai sang. “Biar harei nan langik sup dhit, hajan gam dua harei hadei meng abih, palei daok njauk glut jaleih lahik abih dom nền taneh tra. Patuah lac mai samu ye daok dalam nan oh thau rah tabiak bruk hagait tra”, amuk brei thau.

     Meng harei hu loa papar sap, bilan hajan ribuk urang jakar puk palei oh cang trun taih pambang yaok sang piah khan, piah jak ba mikva kateik pacang sang danaok./.