-Rah tapa labaih 280km jiak dua taneh ia Lào saong Campuchia, angaok jalan biên giới di tỉnh Kon Tum hu 101 palei daok dalam 13 xã di 4 huyện: Đăk Glei, Ngọc Hồi, Sa Thầy saong Ia H’Drai. Piah khik caga khang kajap  chủ quyền an ninh negar, gah biên phòng Kon Tum thau lac, sa dalam dom bruk praong lac patagok hu pren khang di dom gah saong urang bhapbini puk palei. Hu bruk khik caga canah jalan negar atah 15km tabhia taneh ia Campuchia dalam xã Sa Loong, huyện Ngọc Hồi, Thiếu tá Phạm Trọng Bình, Đồn trưởng Đồn Biên phòng Sa Loong, brei thau:“Bộ đội biên phòng lac dang akaok dalam bruk khik caga bhum taphia negar, min tabhia nan njauk pambuak bruk saong dom gah ye: Công an, quân sự, kiểm lâm, UB bhapbini xã Sa Loong dalam bruk khik kajap chủ quyền biên giới negar. Pambuak bruk saong dom gah dalam bruk khik iek puk palei, abih di nyu nan lac dom tukvak tabung glaong ye bilan thu, dalam tuk lễ tết saong dom harei lễ praong di taneh ia.

-Meng patagok hu pren khang di abih gah, dom thun tapa, Đồn Biên phòng Sa Loong oh caik rah tabiak bruk vi phạm chủ quyền negar; khik caga siam dua mốc praong 3 saong 4 gam 12 cọc dấu, cột mốc phụ; Oh caik rah tabiak bruk duah mek khoáng sản, lâm sản suan hukum dalam bhum drei khik iek. Ông Quách Hữu Trường, Công an viên xã Sa Loong, huyện Ngọc Hồi, brei thau: bruk pambuak gauk kheih di Đồn biên phòng, Ban chỉ huy quân sự, Công an xã Sa Loong saong urang bhapbini puk palei dak padang hu thế trận rilo tal, rilo lớp khik caga khang kajap an ninh trật tự dalam bhum:“Klau gah dân quân, bộ đội biên phòng, công an xã peih bruk nao khik iek jalan biên, cột mốc biên giới. Tapa nan jeng lac gah dang akaok ka khik caga an ninh negar. Dalam xã, công an jeng gam gam pathau khan ka mikva thau hu adat hukum, sarak di Đảng saong Karja. Dom palei jeng hu kapul tự quản piah eng drei khik palei drei. Dom palei mbaoh tangin tame sanya libik bhapbini siam ka an ninh trật tự”.

-Meng kuhria caga dahlau, oh caik rah tabiak bruk bị động, bất ngờ, dalam dom thun tapa, gah biên phòng Kon Tum hu ngak siam bruk khik caga “phên giậu”, “pambang” saong pacang cakak hu siam dom janih tội phạm di biên giới. Bruk cap mek Thao Ếf, quốc tịch Lào daok pajeng ba labaih 10.000 viên ma túy tổng hợp di puac bilan 7/2017; chuyên án pambuak bruk saong Công an tỉnh Attapư, taneh ia Lào cap mek 02 urang lac Thao Lạt saong Thao Hố daok pablei 40 bánh hêrôin di bilan 11 thun 2017; atau di mbang tabung glaong mesruh pacang pablei salih lậu, bleik saleik dalam pablei salih saong pandap ja tuk Tết Nguyên đán Mậu Tuất 2018 barau blaoh, urang jakar chiến sĩ Đồn biên phòng pambang negar pakat dunya Bờ Y cap mek hu rilo urang pablei salih lậu, mek khik jaik 2 tấn pháo dom janih.v.v. lac bruk pambuak gauk kheih di dom kapul saong meng meta maong di urang bhapbini bhum biên giới.

-Ndom ka bruk pambuak gauk di Đồn biên phòng haong karja saong dom gah chức năng dalam bruk khik caga jalan biên, cột mốc saong mesruh haong dom janih tội phạm, Thượng tá Hà Văn Trịnh, Đồn trưởng Đồn Biên phòng cửa khẩu Quốc tế Bờ Y brei thau: “Đồn biên phòng cửa khẩu quốc tế Bờ Y saong Đảng ủy, UB bhapbini xã Bờ Y bhian peih dom mbang nyaom giao ban piah ginum biai bruk ngak. Yaok bilan takik abih lac dua mbang Đồn biên phòng cửa khẩu saong công an, dân quân xã peih bruk tui iek angaok biên giới, pasang iek dalam puk plei piah khik caga an ninh chính trị, trật tự an toàn xã hội. Pambuak bruk saong kapul khik caga biên giới di taneh ia ayut, Đồn biên phòng cửa khẩu quốc tế Bờ Y hu gam gam peih giao ban định kỳ. pambuak bruk dut iek dua gah biên giới jeng ye lac khik caga khang kajap dom cột mốc, dấu mốc giới kayua dua Đồn khik iek”.

Anak meta mboh lac piah patagok hu abih pren khang di dom gah dalam bruk khik caga khang kajap chủ quyền, an ninh canah jalan biên giới atah labaih 280km tabhia taneh ia Lào saong Campuchia, gah biên phòng Kon Tum hu ngak siam bruk pasang iek puk palei, thau cambaih bruk; daong ka pakat ủy, karja puk palei pakhang, pasiam saong paglaong chất lượng bruk ngak di tổ chức đảng, karja, kapul nyaom; patagok hu libik dang di urang hu angan je, kapul dân quân tự vệ, dự bị động viên saong urang bhapbini di bhum taphia negar.

Gam saong nan, tapa dom bruk ngak ye: gam mbang, gam daok, daong urang bhapbini patruh eik patrun kathaot patagok kinh te, hatai anit ranam gauk di bhapbini puk palei saong urang jakar chiến sĩ biên phòng dak harei dak khang kajap jang./.