Bộ Tư lệnh Bộ đội biên phòng bahrau peih bruk alin jien thưởng 100 triệu đồng ka Ban chuyên án A720p saong alin harak mayaom ka sa kapul, 4 urang naih gheih dalam bruk pambuak gauk pacang caga kol tội phạm ma túy, rik tame bruk khik kajap an ninh chính trị, trật tự an toàn xã hội dalam labik tapen tasik; Chuyên án hu bí số A720p kayua jabat pacang caga ma túy saong tội phạm haong Cục Cảnh sát pasang iek duas ma túy bak tabiak piah pacang cakak jalan pajeng ma túy meng ban raya HCM nao Hàn Quốc meng jalan tasik kayua Kim Soonsik (cảnh sát Hàn Quốc dahlau dieh) par akaok. Nan lac sa tapon ngak praong, jalan biak kan si thau, nyu piah ma túy dalam baoh patao granit gam dalam container pablei nao tal pambah lamnge Incheon (Hàn Quốc). Peih praong bruk pasang iek, kapul jaka hu cap khik 27 urang, mek jaik 170kg ma túy dom janih. Vaktu ni Tổng cục Hải quan hu alin 150 triệu đồng ka Ban chuyên án A720p; UBND TPHCM alin harak manyaom gam saong jien 230 triệu đồng ka 11 urang, kapul mek hu thành tích naih joi dalam bruk pacang caga chuyên án.

Nyaom pakacah  thể thao tỉnh Đắk Lắk mbang ka 17 rah tabiak dalam 3 harei, meng harei  2 –04/10/2020. Hu  635 vận động viên di 15 kapul di dom huyện, ban sit, ban prong  dalam tỉnh mai hu mbaok. Dom vận động viên pakacah  gauk  42 kadha di  7 janih pakacah menuac urang song kapul nyaom  yau: bóng chuyền likei, kamei; futsal likei; nduac  việt dã; jhul gaiy; cuh haning; dui brak song nao cà kheo.  Ni lac tuk piah ka dom  vận động viên urang bangsa takik  hu pakacah  thể thao piah paglong pren yava, akaok sahneng ; ndom nyai nao mai , bac daa song klah rabha ilamu dalam bruk ngak mbang pala drak, jak gauk dak padang song kak kajap talei jum pataom tong abih bangsa. Tapa nan jhul pakhang bruk  “Tong abih bhap bini hu mbaok tame pasram rup pabhap ngak tui panuac tacei  Wa Hồ", gam song bruk "Tong abih bhap bini hu mbaok tame dak padang rai duik ilamu di labik dok  ”.

Harei jao Giải thưởng tapuk negar mbang ka klau hu mintri Thông tin saong Truyền thông, Hội Xuất bản Việt Nam pambuak gauk peih tabiak di melam 9/10 anak tal di sang daoh tamia rayo sap ndem VN, 58 Quán Sứ, Hà Nội. nan lac jai thưởng di kanja hu peih tabiak yaok thun, jao jai ka dom blah tapuk (bộ sách) hu yaom hadah hadai tal kadha saneng, ilamo, thẩm mỹ, piah pok manyaom urang paneh, urang langyah, dom urang roh duah ilamo saong dom urang ngak bruk xuất bản. Thun ni, kapul Giải thưởng piah brei adat jao giải ka 27 blah tapuk, bộ sách; dalam nan hu 3 giải A, 10 giải B saong 14 giải C. Yau bruk hu mbaok tame, daong ka dom doanh nghiệp, urang buh jien tame, Giải thưởng tapuk pakat negar mbang ka klau tui viek khik tamo yaom giải thưởng, ngan saong 100 triệu đồng ka giải A, 50 triệu đồng ka giải B saong 30 triệu đồng ka giải C.

TS-BS Diệp Bảo Tuấn, Phó giám đốc sang iek ruak Ung bướu TPHCM brei thau, cơ sở 2 di sang iek ruak hu taduan urang ruak mai iek ruak lingiu meng harei 2-10 song tal puac thun  2020 meda hu labaih  1.000 urang mai iek ruak yaok harei. Dalam tuk camereip, urang ruak meda palih ruah iek ruak di  2 labik lac cơ sở 1 di  quận Bình Thạnh song  cơ sở 2 di  Quận 9. Min, urang ruak  iek ruak nội trú jeng dok iek ruak di cơ sở 1.Tui jalan ngak di sang iek ruak, tal 31-3-2021, sang iek ruak hu ba tame pandar dom khoa hóa trị; tal quý II thun  2021, dom sang iek ruak di khoa xạ trị di sang iek ruak hu ba tame pandar song tal bilan  9-2021 tong abih sang iek ruak hu peih ngak. Ni lac sang iek ruak ung bướu bahrai abih di Việt Nam.

 Pambuak tal bruk 59 kol "giang hồ" meblah mek taneh ngak srau kadau di phường Thống Nhất, ban Biên Hòa, tỉnh Đồng Nai, harei 1/10, jabat Cảnh sát pasang iek, Công an ban Biên Hòa hu ba tabiak harak cap khik hình sự 44 urang. Dalam nan hu 2 diuk pasang Mai Thị Hồng (41 thun) saong Nguyễn Thành Hưng (45 thun) piah pasang iek, ngak cambaih bruk ngak lahik trật tự labik hu rilo manuac saong cố ý ngak khut drap ar. Vaktu tapa, di labik ban Biên Hòa saong dom huyện di tỉnh Đồng Nai, rahtabiak dom urang giang hồ xăm trổ daok ngak bruk bảo kê meblah mek, lih mek taneh daok dalam tuk daok meriak gauk, ngak suh sah hatai manuac sia.

  Hadei di rilo tuk vak ginum biai di nyaom biai pakat glong  đặc biệt Liên minh châu Âu (EU), harei  2/10, dom urang pal akaok  EU njauk hatai batabiak dom jalan tong  phạt Belarus, jang yau payua sa kadha khang tal  Turkey  panuac khan njauk tong phạt meyah  Ankara hu peih bruk pasang iek  xăng menyek di labik dok meblah gauk di gah pai Địa Trung Hải. Bruk nan nyu peih jalan ka dom bruk oh brei nao mai song  phong tỏa drap ar  di labaih  40 urang dalam karja di  Tổng thống Alexander Lukashenko. Min, ong  Lukashenko oh hu angan dalam harak tong phạt.

Sa dalam dom urang cố vấn jaik taphia abih di Tổng Thống Donald Trump -  muk Hope Hicks hu mboh dương tính haong SARS-CoV-2 ba tal ruak viêm jalan suak yava COVID-19 di harei 1/10, hadei di 2 harei nao gam urang dang akaok Mỹ tal 2 mbang Ohio saong Minnesota. Tổng thống Mỹ Donald Trump brei thau, ong saong diuk ong lac muk Melania Trump meda daok karei dalam tuk cang kết quả dut iek COVID-19 kayua hu sa  vaktu atah taom gaok jaik haong Hop.

Dom jalan ngak piah patakik nao mai song paatah di gauk dalam tuk jit Covid-19 dok jhul urang di dunya blei pandap tapa mạng, kayua  yau nan ye, jien duah hu di dom hãng pablei salih  điện tử tagok khang. Bruk blei pandap tapa công nghệ hu dong ka dom labik pablei rai tagok jien duah hu biak samar. Urang gam gam salih bahrau  bruk pablei salih  điện tử piah pabak rilo di abih  mbuan lagaih ka urang pandar. Akaok điều hành Amazon Jeff Bezos brei thau, dalam quý 2-2020, kein laba di  Amazon di tanut 5,2 tỷ USD, rilo jang 2 mbang dut song thun dahalau. Dalam tuk Amazon palih ruah  175.000 urang ngak, ye di châu Á, tagok jien duah hu  di gah pablei rai online  Alibaba dalam quý 2 lac  34% - tanut tagok ni oh ka bhian mboh song siam jang hatai caong khin./.

Urang lang: Thu Thảo -H.Pha  3/10/2020