Tal palei Khúc Na, xã Sa Bình, huyện Sa Thầy, tỉnh Kon Tum, tangi sua boh sang ong giáo A Cher thei jeng thau kayua ini lac boh sang pachreih bac hu angan je dalam palei. Ấn tượng camereip tuk yam tame sang ong A Cher lac harak pok meyaom boh sang pachreih bac hu tual di kreh sang , taom dar hu biak rilo harak meyaom. Kadha vak di Hồng Điệp angaok harak Thông tấn xã Việt Nam:
Palei Khúc Na hu taong abih menuac lac urang H’Lăng (sa dhar di urang Xê-Đăng). Ong A Cher urak ni lac Phó Hiệu trưởng sang bac Tiểu học Trần Phú, xã Sa Nghĩa, huyện Sa Thầy. Diuk ong lac muk Y BYet, langiu di bruk hamu puh, tuk vak dok veik muk ngak bruk sang, iek glang anek. Amuk Y BYet hadar veik, saman dahlau deih tuk kinh tế boh sang gaok kan kandah, sa drei glaih glar bruk hamu puh, cong ginup mbang brei ka anek nao bac. Dom anek di muk mboh yau nan, nyu ranam amaik ame jang, kham bac daa. Anek kacua di ong muk lac A Thuật, (ndik tapui thun 1991), dok ngak bruk di Trại giam Công an tỉnh Kon Tum. Anek ka 2 lac A Thoải (ndik tapui thun 1994) lac sinh viên Học viện Hành chính Quốc gia di ban raya Hồ Chí Minh. Anek taluac di ong muk lac Y Thuyn (ndik tapui thun 1996) dok bac di sang bac Cao đẳng Sư phạm tỉnh Kon Tum.
Dom blah harak pok meyaom hu tual meng mẫu giáo tal dom pakat yau brei mboh bruk kham merat di yaok urang dalam boh sang pachreih bac. Y Thuyn brei thau: "Amaik ame glaih glar lo, nan ye khol adei kham merat bac da piah bayar dar phol amaik ame raong, pato . Adei cong khin harei hadei hu jeng sa anai gru piah pato haroh ka dom adei dalam palei .
Tuk tangi sua ka ilamu rong pato anek, amuk Y BYet brei thau: muk song pasang tuk halei jeng ngak kreih camin ka dom anek dalam mbang ngui dok dang yaok harei, pasram ka anek bhian randap puac tapuk, tacei dom anek jalan bac megru siam lagaih, pachreih ba anek meng hatai anit ranam di amaik ame.
Meng dom jak jeng dalam bruk pachreih bac, pachreih megru, rilo thun gam, boh sang ong A Cher hu dom pakat dalam pok meyaom. Ong Nguyễn Minh Thuận, Chủ tịch Ủy ban bhap bini xã Sa Bình, huyện Sa Thầy brei thau: “Sang ong A Cher lac sa dalam dom nhân tố dong jhul patagok bruk bac daa di dom anek kamuan dalam palei, lac sa boh sang pachreih bac naih gheih piah ka mik va bac megru song ngak tui./.
Viết bình luận