Rilo labik dok dong ka urang kan kathaot 

Brei panuac di mbang taom gaok urang lambuak kapul y tế hu angan je dalam bruk pacang caga jit Covid-19 di bier harei 18/10, Thủ tướng Phạm Minh Chính brei thau lac: dalam luac tukvak jaik  600 harei pacang caga jit, kapul bác sĩ, urang jakar saong urang ngak gah y tế, gru jru di dalam taneh ia oh huac metai lahik piah taong ruak ka bhap bini, ka urang njom ruak; klaak viek dom bruk di drei piah tame pasak jit ruak. Đảng, Kanja saong bhap bini taong yaom glaong, thau dhar phor taong abih dom bruk ngak hu makna praong di kapul y, bác sỹ, urang jakar saong urang ngak gah y tế, neh rabha, thau cambaih dom bruk var klaak rup drei, matai lahik di dom urang nan saong dom urang dang tapak piah taong ruak dalam tukvak tapa. Kuhria dalam mbang tamuh jit ka 4, taong abih kapul y tế hu mbaok tame daong pacang caga jit di ban raya HCM saong dom tinh gah maraong lac jaik 24 ribau urang, tui kuhria hu labaih 2.300 urang ngak gah y tế njom ruak, dalam nan hu 2 điều dưỡng saong 1 bác sĩ metai.

Beir harei kabroi, di Hà Nội, Jabat Quốc hội peih bruk jao harak pok meyaom  di Thủ tướng rajaei  song harak pok meyaom di Chủ nhiệm jabat  Quốc hội ka dom kapul nyaom, menuac urang mek hu jak jeng dalam mbang peih bruk  palih ruah urang ka Quốc hội mbang XV siong palih ruah urang  ka Hội đồng bhap bini dom pakat tuk vak  2021-2026. Hu 12 kapul nyaom song  10 urang hu brei harak pok meyaom  di Thủ tướng rajaei song rilo kapul nyaom, menuac urang  hu brei harak pok meyaom di Chủ nhiệm Jabat Quốc hội. Brei panuac di tuk peih bruk, Phó Chủ tịch Thường trực Quốc hội Trần Thanh Mẫn brei thau, ni lac mbang palih ruah biak karei, rah tabiak njauk di tuk jit  Covid 19 mbang ka 3 pambak khang dalam negar  song rilo bruk kan si thau dahlau.Jak jeng di harei palih ruah  urang ka Quốc hội mbang  15 song  ka Hội đồng bhap bini dom pakat  tuk vak  2021-2026 biak prong glong, nan lac bruk rik dong  biak siam di tong abih urang  Đảng, tong abih bol bala, tong abih bhap bini. Dalam dom kapul nyaom, menuac urang, hu pok meyaom  hu Ban Thời sự rayo sap ndom VN.

Bier harei 18/10, UBND tỉnh Bình Thuận ba tabiak adat pandar di anak meta dom bruk hành chính “lagaih dalam salamat, siam makre, pasang iek hu siam lagaih jit ruak COVID-19” tui yaok pakat jit ba pandar di dalam tỉnh. Tui nan, bhap bini di abih dom bhum oh brei tabiak, tame bhum bhong langiu di dom bruk praong hu brei nao tapa saong oh brei pataok, padieh. Urang meng bhum kanjik mai tal bhum hijao, bhum katam brei hu haraklac klauk ginup  vacxin pacang caga COVID-19 atau hu harak lac taong thit ruak COVID-19 oh tapa 6 bilan atau dut iek SAR-CoV-2 mboh âm tính dalam 72 maong. Dalam adat nan jeng brei thau cambaih lac urang langiu  tinh tame dalam tinh Bình Thuận njauk pathau khan y tế Bhap bini hu nao tabiak truh tinh, min brei ngak njauk tui dom adat pacang caga jit tui adat di Mintri, di gah Trung ương saong di palei.

Hajan ia sua di tỉnh Quảng Bình ngak glut jaleih, ia dauh ngak gar jalan  nao mai di  8 labik di dom jalan nao tapa tỉnh ; gar jalan di  19 labik di dom jalan prong. Hu 2 urang metai  song 2 urang lahik kayua hajan ia sua di pak ni. Urak ni, gah chức năng dok dong duah 2 urang njauk ia ba seik  di xã Trường Sơn song xã Hàm Ninh di huyện Quảng Ninh, tỉnh Quảng Bình. Tal melam kabroi, tỉnh Quảng Bình dok 17 palei oh tame tabiak hu kayua ia sua , hu 30 xã hu labaih  2.100 boh sang gaok kan kandah kayua ia dauh.

mBan khik ramik dom labik ngak kong tỉnh Đồng Nai hu brei padang kapul pasang iek pacang caga jit COVID-19 saong peih bruk brei ka urang ngak nao, mai yaok harei di Công ty Changshin Việt Nam di huyện Vĩnh Cửu. Akaok bilan 10/2021,  meng di tuk bruk ngak hu brei ngak gilac yau yaok harei, Công ty Changshin Việt Nam tamuh viek sa sruh jit bahrau ngan haong 38 F0 saong 44 F1. Bruk njauk caik hatai nan lac, Cty oh pathau khan haong rajaei huyện Vĩnh Cửu bo eng drei brei ka dom urang F1 mai sang, oh khik njauk adat brei daok karei. Hadei di nan, meng dom F1 ni hu 4 urang jeng F0.

Bruk samar drah di jit ruak hu Quốc hội liên bang Đức batabiak mbang camereip  meng bilan 3/2020 song hu rilo mbang dui atah gam gam jiak  19 bilan tapa. Min, dalam tuk jit ruak urak ni jang yau bruk klauk jru biak siam di  Đức, bo negar ni brei thau lac meda klaak chip bruk samar drah di puac bilan  11 anak tal. Gam hong bruk yah klaak bruk samar drah ini, mintri Y tế liên bang Đức jeng hu panuac kakei brei khik dom jalan pacang caga jit ruak,

Tui yaok pataom, Taong pandap dalam taneh ia (ieu katut lac GDP) di Trung Quốc tagok 4,9% dalam quý 3 meng blaoh, trun khang dut saong 7,9% dalam quý 2 kayua sản lượng công nghiệp tagok takik jang kuhria mboh dahlau saong kayua dom makna karei. Ini lac tanut tagok tui quý bier abih di Trung Quốc meng di bilan quý 3/2020. Tanut tagok ini di gah kinh tế praong ka 2 di dunya ngak ka dunya hu dom makna piah duh hatai.

Cảnh sát Bồ Đào Nha harei kabroi (18/10) brei thau, dom urang jakar di taneh ia ni song Tây Ban Nha pambuak gauk chap khik  sa bruk pajeng  5,2 tấn cocaine, di gah dalam sa kapan gaiy di langui tasik Đại Tây Dương, atah di tasik Bồ Đào Nha labaih 550km.  Ni lac sa mbang chap jru phiel prong abih di  Bồ Đào Nha dalam 15 thun tapa song lac bruk pajeng ba  cocaine prong abih di dunya meng sa boh kapan gaiy bo dom urang jakar duah mboh hu./.

 Urang lang: Hanipha- Thu Thảo -19/10