Idam klau khoang

Tui Sang iek ruak Da liễu TPHCM, meng akaok bilan 6 tal ini, kuhria yaok harei labik ini taduan raok meng 80-100 urang katal, laka kalik kayua idam klau khoang kaik, rilo jang dom mbang dut haong dom bilan dahlau.

Bác sĩ chuyên khoa 2 Vũ Thị Phương Thảo, Phaok akaok Jabat Kế hoạch Tổng hợp Sang iek ruak Da liễu bal raya brei thau, dom urang ruak mboh pandik, barah, ndaih baoh mun aia, mun laneh, bhian mboh di labik kalik huan yau di mbaok, takoi, tangin takai… Makna di nyu lac kayua dalam rup idam klau khoang hu  pederin – jru mek ngak brei pandung. Meyah jru mek gam tame tangin bo oh hu rao hacih chip ye meda pambak tapa dom labik karei angaok rup.

Ngan haong dom urang ruak katal kalik kayua idam klau khoang kaik, bác sĩ meda taong ruak meng jru menyum saong jru luk. Yau nan min, meyah bhap bani oh ngak njauk meda katal trak jang, laka laneh bak rup, mbuan ba tal nhiễm trùng. Kayua yau nan ye, tuk njauk ruak, khaol drei juai ta-eng drei iek ruak bo njauk nao tal labik y tế piah hu mong iek saong iek ruak siam lagaih jang: Piah plaih ngak ka dom laka pambak prong jang ye khaol drei juai rapeik tame dom labik karei. Bhian di nyu di dom labik laka kalik, mboh hu ndaih mun sit angaok kalik. Khaol drei juai aik atau rapeik dom baoh mun laneh nan kayua nyu mbuan ba tal nhiễm trùng jang.

Tui dom urang ilamu, hajan akaok bilan laghaih ka idam klau khoang caih mebaoh saong bhian par tui angin tame sang. Khaol drei juai pametai idam klau khoang kayua chất dịch dalam rup idam mbuan gam tame kalik ngak brei katal, laka. Taphia di nan, njauk ngak halam pacang di dom baoh pambang tho, pabah mbang tame tabiak; ndih dalam kamo, khik hacih sa-at labik daok, puh ramik vin taom dhar sang danaok saong pruh jru pametai anek ruak. Dom urang bhian nao tabiak langiu, ngak bein, ngak amu ngak puh njauk cuk khan ao atah tangin./.

Urang lang: Jasi/9/7