Thun 2002, tui sarak di Karja, labaih 20 baoh sang urang bangsa Cam daok di phường 11, quận 8, ban raya Ho Chi Minh hu panduan nao daok di labik daok bahrau di xã Phong Phú, huyện Bình Chánh. Yaom lac, raidiuk daok rilo kan kandah, min mikva urang bangsa Cam labik ini tuk halei jeng thau jum pataom gauk, daong ba gauk, ngak siam dom sarak di đảng saong karja, diuk rai siam ka dunya, mekre ka agama.

Thun 2002, hadei di tuk hu bayar jien đền bù giải tỏa, labaih 20 baoh sang urang bangsa Cam ba gauk nao daok di sa xã bhum atah bayah di huyện Bình Chánh, ban raya Ho Chi Minh piah padang labik daok bahrau. Yaom lac atah di pasak ban raya labaih 12 km, min bruk nao mai tuk nan daok gaok rilo kan kandah. Thun 2006 hu bruk daong di karja huyện, xã, Kapul urang kumei xã Phong Phú ba mbuan lagaih ka 14 baoh sang adei sa-ai  kumei hu mesre phun jien piah ngak mbang, nan ye dom baoh nan hu tani tanat raidiuk, daong patruh eik patrun kathaot dalam bhap bini, daong patrun baoh sang kan kathaot dalam palei daok 14%. Taphia di nan, anek kamuan urang Cam hu miễn giảm jien bac, urak ini anek saih Cam bac tieu hoc saong trung học phổ thông hu labaih 18 adei. Amuk Phatimah, sa urang Cam daok di labik daok birau xã Phong Phú brei thau: " Hu Karja daong brei labik daok tani tanat khol hulin biak thau dhar phol. Khol hulin kham merat ngak mbang"

Yaom lac raidiuk daok kan kandah, bruk ngak mbang ralo meng lac ngak meng tangin takai, min bhap bini urang Cam tuk halei jeng thau jum pataom gauk, daong ba gauk, ngak siam dom sarak di Đảng, hukum di Karja. Dalam dom thun jiak di ini, mikva Cam labik ini hu karja xa sangka brei pagam đồng hồ điện, ia oh abih jien. Adei Ay Ni anek saih tal 8, sang bac Lê Minh Xuân, huyện Bình Chánh chreih chrai khan lac: "Hulin kham bac da-a naih joi"

Urak ini, nao angaok jalan tỉnh lộ 50, tal darak Phú Lạc, huyện Bình Chánh tangi palei Cam daok pak halei ye urang di labik ini thei jeng thau saong abih hatai tacei jalan. Jaln tame puk Cam hu tuh menyek tapak pambuak dua puk Cam, ngan saong labih 28 baoh sang daok diuk rai. Karja pak ini tuk halei jeng daong ka mikva hu tani tanat raidiuk. Meng nan, dak harei dak hu rilo baoh sang urang Cam mai ini padang mbang ngui.

Hu labik daok siam, raidiuk jeng yau jalan sahaneng di mikva Cam dak harei dak bui sambai chreih chrai jang, mikva halan hatian diukrai siam ka dunya, mekre ka agama, anit ranam gauk, jum pataom gauk, jak ba gauk ngak siam dom sarak, hukum di Đảng saong Karja./.