Bruk jih dahlah gaok kan kandah

Meng daneng menyim gam saong hatai tari tarieng, gheh tangin, bhapbini bangsa Mạ di palei 4, xã Tà Lài, huyện Tân Phú, tỉnh Đồng Nai hu ngak jeng dom blah jih dahlah gheih meta. Hu tukvak, pandap ini pachreih hu biak rilo tuai danmuai duah blei ngak pandap lưu niệm tuk mai ravang bein Cát Tiên. Min tukvak jaik di ini, kayua rilo makna karei di gauk bo jih dahlah pablei hu biak takik, ba tal bruk urang ngak bruk ini dak harei dak takik nao.

Amuk Ka Rẹt, umo 50 thun daok di palei 4, xã Tà Lài, huyện Tân Phú, tỉnh Đồng Nai, urang hu kak kajap saong bruk menyim jih dahlah 38 thun ndom lac, “meng thun  2005-2010, tuai ravang mein tuk mai ravang beir Cát Tiên jeng vaih mai tal sang piah maong kol dahlak menyim blaoh duah blei ngak pandap luu niem. Min, dom thun mai ini bruk maong menyim saong blei pandap ini oh daok”

Kayua pablei hu takik ba tal jien mek tame meng bruk menyim jih dahlah oh hu hadom,  nan ye daok hu takik urang ngak bruk ini. Dom urang halei daok kak kajap, caong khin khik bruk mengkan di bangsa drei njauk eng drei nao duah labik pablei. Oh pablei hu pandap di palei, nan ye tuk menyim bloh urang menyim  njauk khik piah, cang tal bilan 12 yaok thun nao tal xã Đăk Nhau (huyện Bù Đăng, tỉnh Bình Phước) saong  2 huyện Đạ Hoai, Đạ Tẻh (tỉnh Lâm Đồng) lac labik hu rilo urang bangsa daok piah pablei pandap.

Piah daong khik ramik saong patagok yaom ilimo, kinh te di bruk menyim jih dahlah, thun 2007, uy mban bhapbini tinh hu phe duyet de an pasiam veik saong patagok bruk menyim  jih dahlah di bangsa Mạ xã Tà Lài. Dalam nan, đề án brei padang xưởng, jien piah blei nguyên liệu, jamraik, pato bruk, padang darak pasar tani tanat…Abih tih phun jien buh tame ka đề án dalam tukvak 2007-2009 lac 874 triệu đồng. Min, urak ini 7 thun tapa bloh bo đề án ini jeng oh ka hu peih ngak yau bruk caong khin, abih di nyu nan lac bruk pablei pandap.

Amuk Phạm Thị Vinh, Phó akaok  Ủy ban bhapbini xã Tà Lài, ndom lac : “tuk bruk pablei pandap di mikva gaok kan kandah, uy mban bhapbini xa hu peih ngak rilo bruk piah daong ka mikva. Dalam nan, uy mban bhapbini xã hu caik di beir quốc gia Cát Tiên sa gian pandap yaih khan saong pablei pandap jih dahlah. Min, hadei di sa tukvak 2 gian pandap ini khut tayah, dom pandap hu ba mai sang ilimo Tà Lài pablei. Min, kayua sang ilimo daok dalam labik takik menuac urang nao mai nan ye gian pandap parang iek di ini tok ngak bruk hu sa tukvak katut bo njauk padheih saong mikva eng drei nao duah labik pablei”.

Thúy Linh