Njauk thau cambaih lac, dalam bruk mesruh metak pacang Prang saong Mỹ, Đảng Cộng sản Trung Quốc, bhap bini Trung Quốc hu bruk pachreih tui saong daong brei biak praong ka bhap bini Việt Nam dalam bruk dang tagok peih paha bangsa saong yasa taneh ia. Min hadei di jayah praong bilan xuân (30-4-1975), taneh ia tame sa baoh negar, tuk talei rohim di drei haong Liên Xô khang kajap jang..., Trung Quốc patagok dom bruk quân sự, ngak brei drei pandiak hatai, lih mek taneh riya.

Oh caik hatai tal bruk kham merat langyah bruk daok catang tagok meng jalan hòa bình di drei,  tui bruk tacei pato di dom urang pan akaok karja Trung Quốc, meng 3tuk meteh  harei 17-2-1979, lin Trung Quốc pandar pháo binh cuh palai dom labik dalam taneh ia drei, hadei di nan ba labaih 600 ribau lin taong tame taneh ia Việt Nam. Jalan taong tame rilo meng lac Lạng Sơn saong Cao Bằng; jalan praong lac di Lào Cai.

Anak bruk taong tame praong di Trung Quốc, harei 18-2-1979, Rajaei Việt Nam tabiak panuac ka bruk mesruh metak meblah taneh ia Việt Nam di dom urang pan akaok karja Trung Quốc, dalam nan hu ieu taong abih bhap bini, taong abih urang lin jum pataom gauk, sa hatung hatian haong gauk, triệu menuac yau sa menuac, ba gauk dang tagok mesruh metak khik caga độc lập, chủ quyền saong toàn vẹn taneh riya ginreih di taneh ia. Tui panuac patabiak di Rajaei, ala bruk tacei pato di Quân ủy Trung ương, Mintri Quốc phòng, di mặt trận Lạng Sơn (Quân khu 1), dom tapon nyom bol pan phao kraong samar taong pacang dom jalan taong tame di quân bành trướng.

Dalam dom harei akaok mereip di bruk mesruh metak khik caga biên giới, Mintri Chính trị, cambaih laih lac Quân ủy Trung ương, Mintri Quốc phòng hu tacei pato, ba jalan dom tapon nyaom bol pan phao kraong, gam saong bhap bini puk palei, patagok tal tanut glaong di abih dom pren khang di chiến tranh nhân dân, pandar tapon nyaom bol pan phao kraong Quân khu 1, Quân khu 2 hu mbaok tapak tame bruk mesruh saong ba meneing lin di dom quân khu, dom tỉnh gah likuk tagok daong pabak.

Daok gah Trung Quốc, kuhria tal akaok bilan 3-1979, angaok jalan biên giới gah barak, Trung Quốc meblah hu dom ban sit: Lạng Sơn, Cao Bằng, Lào Cai, Cam Đường, Phố Lu, Sa Pa saong dom puk palei angaok bhum biên giới.

Piah pacang cakak bruk peih praong, taong tame, meblah mek di Trung Quốc, harei 5-3-1979, Akaok negar tabiak Lệnh tổng động viên piah khik caga taneh ia. Tui nan, yaok triệu menuac, rilo meng lac dam dara daok di dom tỉnh, ban halan hatian tut angan tame tapon nyom bol pan phao kraong, tabiak labik mesruh, tagok gah anak padang labik pacang kol khamang. Rilo urang đoàn, dam dara di Hà Nội saong dom puk palei karei vak đơn likau tagok biên giới piah hu mbaok tapak tame bruk mesruh metak khik caga taneh ia. 

Abih di nyu nan lac, tui Lệnh tổng động viên di akaok negar, angaok dua gah Quân khu 1 saong Quân khu 2, abih bhap bini saong abih urang lin kham merat kuhria caga, pakhang, pasiam saong padang pabak dom đơn vị, caga nao mesruh metak, pataom ka bruk phản công taong pateok lin Trung Quốc tabiak truh taneh ia. Anak dom khat lahik praong gah lực lượng saong njauk menuac sia dunya phản đối biak khang, harei 5-3-1979, Trung Quốc tabiak panuac ba abih lin di drei tabiak truh jalan biên giới gah barak. Meng hatung hatain siam mekre meng kan mai, saong caong khin pakhang hòa bình, hữu nghị di bhap bini dua taneh ia, Trung ương Đảng saong Rajaei Việt Nam tacei pato ka dom tapon nyom bol pan phao kraong saong bhap bini di bhum biên giới gah barak padeih abih dom bruk quân sự piah Trung Quốc hu sron mbon ba abih lin saong pandap mesruh nao veik taneh ia.

Oh mek hu jak jeng tui jalan "taong samar, jayah samar" kayua gaok bruk mesruh veik biak khang di bol bala saong bhap bini drei saong kayua khat lahik biak trak, dalam tuk rút quân, lin Trung Quốc palai pajoa rilo labik, rilo ban sit yau ye: Lào Cai, Cao Bằng, Lạng Sơn; palai pajoa rilo jalan, tatua… Anak bruk nan, Mintri Chính trị tacei lac “piah ka kol khamang nyu tabiak nao saong padeih bruk taong veik, min jeng daok brei tapon nyom bol pak di labik taong piah patrun patakik dom bruk palai pajoa di khamang, ngak brei kol nyu tabiak nao samar jang”. Tal harei 18-3-1979, angaok jalan biên giới gah barak meda lac lin Trung Quốc nyu tabiak truh taneh di Việt Nam. 

Maong veik bruk mesruh metak khik caga biên giới gah barak di taneh ia thun 1979 lac tuk piah pok meyaom, piah dhar phor dom urang labuh trun ka độc lập, tự do di taneh ia, pato pakai rairah dam dara ka ialmu đấu tranh cách mạng kiên cường saong khang hatai khik caga taneh riya ginreih di taneh ia, kham merat yam tagok dak padang sa Việt Nam siam mekre jang, praong gheih jang yau Wa Hồ maong akaok tuk daok diuk di dunya!/.