Xã Phú Lý, huyện Vĩnh Cửu dok atah di pasak ban sit Biên Hòa, tỉnh Đồng Nai  jaik  80km, sa gah lac bein pakat negar Cát Tiên, sa gah lac danao thủy điện Trị An. Piah nao tal labik ni, tok hu jalan ĐT 761, rah tui danao Trị An. Thun 1987, dalam tuk padang ngak danao thủy điện Trị An, xã Phú Lý jeng hu dom nyaom menuac gaok kan kandah meng bruk ngak dauk danao song dom nyaom menuac nao padang kinh tế mới.

Dom thun camereip bahrau padang tagok, xã dang anak rilo kan kandah, meng jalan mbak, thông tin liên lạc, tal dom janih pandap pandar yaok harei dok kurang, yaom chit. Urang di Phú Lý bhain nyai sambai lac: dahlau deih yaok mbang tagok huyện brei ba tui 2 bộ đồ, kayua tuk tal huyện, khan aow dok cuk  nyu salih sambo màu kayua gluh baok. Tal dom thun 1990,  jalan mbak nao mai hu padang ngak, min Phủ Lý dok lac sa xã biak kan kandah.

30 thun hadei, thun 2017, mbaok meta xã Phú Lý hu salih bahrau,  taong abih19 tanut padang ngak palei  pala  bahrau hu ngak salah bloh dahlau di tuk vak ba tabiak. Rai duik di mik va hu tagok, jalan mbak nao mai hu peih praong, hu tuh menyek, điện hu mai tal yaok boh sang, sang bac, bilai y tế mek hu tanut chuẩn, boh sang kan dok ala 1,5%. Meng sa bhum palei bo bhap bini duik rai meng bruk ngak glai, urak ni Phú Lý hu jeng sa xã pala dom janih phun mbang boh yau cam, quýt song phun  công nghiệp yau tabau , paaok blait. Padang ngak hu palei pala bahrau di sa xã biak kan kandah ngan song rilo menuac meda mong iek yau sa  bruk praong biak praong. Ong Nguyễn Đình Biên, sa urang Chơ Ro daok di palei Lý Lịch 1, xã Phú Lý chreih chrai khan lac.

Urak ni njauk lac mik va bangsa kol dahlak hu salih bahrau, thau pandar ilamu kỹ thuật meng bruk rong glang tal pala drak. Thun 2014, 2015hu yaok rituh boh sang kan, min tal thun 2016 tui hulin thau dok labaih 20 boh sang min  .

Di Phú Lý urak ni hu tal  9 bangsa  dok duik rai, nan lac Chơ Ro, Kinh, Hoa, Tày, Mường, Thái, Nùng, Khơ Me song Chăm. Padang ngak palei pala bahrau, bruk jum pataom dom bangsa  adei saai ba gauk patagok bruk ngak mbang KT lac bruk hu pakat  ủy, karja puk palei biak caik hatai sangka, ngak yau habar ba brei njauk gauk dalam bhap bini lac bruk prong.  Ong Trần Việt Vinh, Akaok Ủy ban Mặt trận negar xã Phú Lý brei thau:  

Meng dom thun camereip lac  biak kan kandah kayua urang oh jia lac xã Phú Lý meda ngak hu. Khol hulin bhian nao tui iek, duah thau cambaih  laih bruk di mik va, ginum biai song mik va. Abih di nyu nan lac  ngak ka bhap bini jia meng bruk urang dang akaok palei trun tapak. Tapa dom bruk ngak yau nan, mik va biak pachreih tui.

Dahlau deih “du canh, du cư”, duik rai meng bruk ngak glai, min urang Chơ Ro di Phú Lý urak ni hu salih bahrau, daok định canh, định cư. Hu mboh di anak meta dom boh sang urang Chơ Ro hu dom héc ta taneh puh, tapon limo dom pluh drei, hu jamriak li ua, jamriak pruh ia pabak ka bruk pala drak meng mboh bruk salih bahrau dalam rai duik. Urak ni yaok boh sang di Phú Lý hu meng dom sào tal dom pluh héc ta taneh pala drak, jien mek tame kuhria tui akaok menuac hu jiak 35 triệu đồng sa urang/sa thun.

Bruk padang ngak palei pala bahrau di Phú Lý, tuk camereip dom urang jakar puk palei jeng biak suh sah kayua gaok halei kan nan, kan meng KT, jalan mbak tal bruk jak ba, bruk pachreih tui di bhap bini, kayua hu oh takik menuac oh jia. Min Phú Lý ngak hu, padang ngak hu xã palei pala bahrau meng jum pataom di dom bangsa adei saai, meng pachreih tui Đản, tui karja di bhap bini bhum taneh Chiến khu anh hùng./.