Tari tareng, oh huac glaih glar dalam bruk ngak gam haong hatai caong yam tagok, ong Thạch Hoài daok pak palei Nô Rè A, xã Long Hiệp, huyện Trà Cú (tỉnh Trà Vinh) nan lac sa kareih camin hadah krah ka bruk yam tapa kan kandah, hu ralo mikva thau tal. Piah thau jang ka bruk ngak biak hu  yaom glaong di ong Thạch Hoài, daa mikva saong taong abih gauk pang kadha vak di Nguyễn Tân, tapa kadha “Kareih camin palei negar”.

      Tuk bahrau tok diuk, ong Thạch Hoài hu amaik ame brei 5 công taneh ngak padai. Min pala drak takik njauk, sang biak kan kandah. Sang ong Thạch Hoài, jang yau ralo urang nong karei, dalau diah tok ngak hu 1 tal 2 vụ padai dalam thun, năng suất oh glaong, kayua kurang aia pala drak saong oh ka thau dom tiến bộ khoa học kỹ thuật.

     Ong Thạch Hoài kham merat bac megru ilamu ngak mbang pala drak saong hu mbaok tame dom tal pato pathram ilamu kỹ thuật. Taphia di nan, dom thun jaik di ini, dom ribaong kraong nội đồng hu Karja sangka padang ngak, bruk ngak mbang pala drak hu patagok, ngak hu 3 vụ sa thun, rai diuk hu siam jang. Thun 2011,  sang ong Thạch Hoài hu karja palei daong ngak sang 167, daong hu labik daok tani tanat piah ngak mbang. Langiu di ngak padai, ong Thạch Hoài daok nao ngak mbang pah piah duah jien mek tame saong taduan raong  limo di mikva ba mai payua. Meng tari tareng, oh huac glaoh glar, patak pataom dalam cai pandar, ong Thạch Hoài hu ba baoh sang tabiak truh kan kathaot dalam thun 2012 saong blei hu 3 công taneh pala drak. Hu tabiak truh kan kathaot, kinh tế sang oh ka ginup meda, min meng hatai daong ba gauk, ong Thạch Hoài hu brei ka sang ong Thạch Siêu, njim 1 công taneh piah pala njam patam dalam dom thun tapa. Sang ong Thạch Siêu nan lac sang kathaot, ralo anek, oh hu taneh pala drak, rai diuk yaok harei tok thau pambak tame bruk nao ngak pah, jien mek tame oh hu hadom, diuk pasang ong pren yava oh khang kadang, bhian njauk ruak kik pandik harao. Meng tuk hu ong Thạch Hoài brei njim taneh pala drak, kein laba meng mblang taneh nghĩa tình hu daong ka rai diuk sang ong Siêu hu siam jang dahlau…

    Bruk tari tareng dalam ngak mbang pala drak saong hatai caong yam tapa kan kathaot, urang nong Thạch Hoài hu iek glang siam ka rai diuk dalam sang saong hu bruk ngak biak hu yaom glaong, brei mboh hatai klah lisei rabha ao, daong ka dom baoh sang yam tapa kan kandah, hu jeng kareih camin hadah ka bhap bani bac megru saong ngak tui./.